12Jeremiah 12

1צדיק אתה יהוה כי אריב אליך אך משפטים אדבר אתך מדוע דרך רשעים צלחה שלו כל בגדי בגדSelect Jeremiah 12:1

2נטעתם גם שרשו—ילכו גם עשו פרי קרוב אתה בפיהם ורחוק מכליותיהםSelect Jeremiah 12:2

3ואתה יהוה ידעתני—תראני ובחנת לבי אתך התקם כצאן לטבחה והקדשם ליום הרגהSelect Jeremiah 12:3

4עד מתי תאבל הארץ ועשב כל השדה ייבש מרעת ישבי בה ספתה בהמות ועוף—כי אמרו לא יראה את אחריתנוSelect Jeremiah 12:4

5כי את רגלים רצתה וילאוך ואיך תתחרה את הסוסים ובארץ שלום אתה בוטח ואיך תעשה בגאון הירדןSelect Jeremiah 12:5

6כי גם אחיך ובית אביך גם המה בגדו בך—גם המה קראו אחריך מלא אל תאמן בם כי ידברו אליך טובותSelect Jeremiah 12:6

7עזבתי את ביתי—נטשתי את נחלתי נתתי את ידדות נפשי בכף איביהSelect Jeremiah 12:7

8היתה לי נחלתי כאריה ביער נתנה עלי בקולה על כן שנאתיהSelect Jeremiah 12:8

9העיט צבוע נחלתי לי העיט סביב עליה לכו אספו כל חית השדה—התיו לאכלהSelect Jeremiah 12:9

10רעים רבים שחתו כרמי בססו את חלקתי נתנו את חלקת חמדתי למדבר שממהSelect Jeremiah 12:10

11שמה לשממה—אבלה עלי שממה נשמה כל הארץ כי אין איש שם על לבSelect Jeremiah 12:11

12על כל שפים במדבר באו שדדים כי חרב ליהוה אכלה מקצה ארץ ועד קצה הארץ אין שלום לכל בשרSelect Jeremiah 12:12

13זרעו חטים וקצים קצרו נחלו לא יועלו ובשו מתבואתיכם מחרון אף יהוהSelect Jeremiah 12:13

14כה אמר יהוה על כל שכני הרעים הנגעים בנחלה אשר הנחלתי את עמי את ישראל הנני נתשם מעל אדמתם ואת בית יהודה אתוש מתוכםSelect Jeremiah 12:14

15והיה אחרי נתשי אותם אשוב ורחמתים והשבתים איש לנחלתו ואיש לארצוSelect Jeremiah 12:15

16והיה אם למד ילמדו את דרכי עמי להשבע בשמי חי יהוה כאשר למדו את עמי להשבע בבעל—ונבנו בתוך עמיSelect Jeremiah 12:16

17ואם לא ישמעו ונתשתי את הגוי ההוא נתוש ואבד—נאם יהוהSelect Jeremiah 12:17