13Jeremiah 13

1כה אמר יהוה אלי הלוך וקנית לך אזור פשתים ושמתו על מתניך ובמים לא תבאהוSelect Jeremiah 13:1

2ואקנה את האזור כדבר יהוה ואשם על מתניSelect Jeremiah 13:2

3ויהי דבר יהוה אלי שנית לאמרSelect Jeremiah 13:3

4קח את האזור אשר קנית אשר על מתניך וקום לך פרתה וטמנהו שם בנקיק הסלעSelect Jeremiah 13:4

5ואלך ואטמנהו בפרת כאשר צוה יהוה אותיSelect Jeremiah 13:5

6ויהי מקץ ימים רבים ויאמר יהוה אלי קום לך פרתה וקח משם את האזור אשר צויתיך לטמנו שםSelect Jeremiah 13:6

7ואלך פרתה—ואחפר ואקח את האזור מן המקום אשר טמנתיו שמה והנה נשחת האזור לא יצלח לכלSelect Jeremiah 13:7

8ויהי דבר יהוה אלי לאמרSelect Jeremiah 13:8

9כה אמר יהוה ככה אשחית את גאון יהודה ואת גאון ירושלם—הרבSelect Jeremiah 13:9

10העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכלSelect Jeremiah 13:10

11כי כאשר ידבק האזור אל מתני איש כן הדבקתי אלי את כל בית ישראל ואת כל בית יהודה נאם יהוה להיות לי לעם ולשם ולתהלה ולתפארת ולא שמעוSelect Jeremiah 13:11

12ואמרת אליהם את הדבר הזה כה אמר יהוה אלהי ישראל כל נבל ימלא יין ואמרו אליך—הידע לא נדע כי כל נבל ימלא ייןSelect Jeremiah 13:12

13ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנבאים ואת כל ישבי ירושלם—שכרוןSelect Jeremiah 13:13

14ונפצתים איש אל אחיו והאבות והבנים יחדו—נאם יהוה לא אחמול ולא אחוס ולא ארחם מהשחיתםSelect Jeremiah 13:14

15שמעו והאזינו אל תגבהו כי יהוה דברSelect Jeremiah 13:15

16תנו ליהוה אלהיכם כבוד בטרם יחשך ובטרם יתנגפו רגליכם על הרי נשף וקויתם לאור ושמה לצלמות ישית (ושית) לערפלSelect Jeremiah 13:16

17ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוהSelect Jeremiah 13:17

18אמר למלך ולגבירה השפילו שבו כי ירד מראשותיכם עטרת תפארתכםSelect Jeremiah 13:18

19ערי הנגב סגרו ואין פתח הגלת יהודה כלה הגלת שלומיםSelect Jeremiah 13:19

20שאי (שאו) עיניכם וראי (וראו) הבאים מצפון איה העדר נתן לך—צאן תפארתךSelect Jeremiah 13:20

21מה תאמרי כי יפקד עליך ואת למדת אתם עליך אלפים לראש הלוא חבלים יאחזוך כמו אשת לדהSelect Jeremiah 13:21

22וכי תאמרי בלבבך מדוע קראני אלה ברב עונך נגלו שוליך נחמסו עקביךSelect Jeremiah 13:22

23היהפך כושי עורו ונמר חברברתיו גם אתם תוכלו להיטיב למדי הרעSelect Jeremiah 13:23

24ואפיצם כקש עובר לרוח מדברSelect Jeremiah 13:24

25זה גורלך מנת מדיך מאתי נאם יהוה אשר שכחת אותי ותבטחי בשקרSelect Jeremiah 13:25

26וגם אני חשפתי שוליך על פניך ונראה קלונךSelect Jeremiah 13:26

27נאפיך ומצהלותיך זמת זנותך על גבעות בשדה ראיתי שקוציך אוי לך ירושלם—לא תטהרי אחרי מתי עדSelect Jeremiah 13:27