15Jeremiah 15

1ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאוSelect Jeremiah 15:1

2והיה כי יאמרו אליך אנה נצא ואמרת אליהם כה אמר יהוה אשר למות למות ואשר לחרב לחרב ואשר לרעב לרעב ואשר לשבי לשביSelect Jeremiah 15:2

3ופקדתי עליהם ארבע משפחות נאם יהוה את החרב להרג ואת הכלבים לסחב ואת עוף השמים ואת בהמת הארץ לאכל ולהשחיתSelect Jeremiah 15:3

4ונתתים לזועה (לזעוה) לכל ממלכות הארץ—בגלל מנשה בן יחזקיהו מלך יהודה על אשר עשה בירושלםSelect Jeremiah 15:4

5כי מי יחמל עליך ירושלם ומי ינוד לך ומי יסור לשאל לשלם לךSelect Jeremiah 15:5

6את נטשת אתי נאם יהוה אחור תלכי ואט את ידי עליך ואשחיתך נלאיתי הנחםSelect Jeremiah 15:6

7ואזרם במזרה בשערי הארץ שכלתי אבדתי את עמי מדרכיהם לוא שבוSelect Jeremiah 15:7

8עצמו לי אלמנותו מחול ימים הבאתי להם על אם בחור שדד בצהרים הפלתי עליה פתאם עיר ובהלותSelect Jeremiah 15:8

9אמללה ילדת השבעה נפחה נפשה באה (בא) שמשה בעד יומם—בושה וחפרה ושאריתם לחרב אתן לפני איביהם—נאם יהוהSelect Jeremiah 15:9

10אוי לי אמי—כי ילדתני איש ריב ואיש מדון לכל הארץ לא נשיתי ולא נשו בי כלה מקללוניSelect Jeremiah 15:10

11אמר יהוה אם לא שרותך (שריתיך) לטוב אם לוא הפגעתי בך בעת רעה ובעת צרה—את האיבSelect Jeremiah 15:11

12הירע ברזל ברזל מצפון ונחשתSelect Jeremiah 15:12

13חילך ואוצרותיך לבז אתן לא במחיר ובכל חטאותיך ובכל גבוליךSelect Jeremiah 15:13

14והעברתי את איביך בארץ לא ידעת כי אש קדחה באפי עליכם תוקדSelect Jeremiah 15:14

15אתה ידעת יהוה זכרני ופקדני והנקם לי מרדפי—אל לארך אפך תקחני דע שאתי עליך חרפהSelect Jeremiah 15:15

16נמצאו דבריך ואכלם ויהי דבריך (דברך) לי לששון ולשמחת לבבי כי נקרא שמך עלי יהוה אלהי צבאותSelect Jeremiah 15:16

17לא ישבתי בסוד משחקים ואעלז מפני ידך בדד ישבתי כי זעם מלאתניSelect Jeremiah 15:17

18למה היה כאבי נצח ומכתי אנושה מאנה הרפא—היו תהיה לי כמו אכזב מים לא נאמנוSelect Jeremiah 15:18

19לכן כה אמר יהוה אם תשוב ואשיבך לפני תעמד ואם תוציא יקר מזולל כפי תהיה ישבו המה אליך ואתה לא תשוב אליהםSelect Jeremiah 15:19

20ונתתיך לעם הזה לחומת נחשת בצורה ונלחמו אליך ולא יוכלו לך כי אתך אני להושיעך ולהצילך נאם יהוהSelect Jeremiah 15:20

21והצלתיך מיד רעים ופדתיך מכף ערציםSelect Jeremiah 15:21