19Jeremiah 19

1כה אמר יהוה הלך וקנית בקבק יוצר חרש ומזקני העם ומזקני הכהניםSelect Jeremiah 19:1

2ויצאת אל גיא בן הנם אשר פתח שער החרסות (החרסית) וקראת שם את הדברים אשר אדבר אליךSelect Jeremiah 19:2

3ואמרת שמעו דבר יהוה מלכי יהודה וישבי ירושלם כה אמר יהוה צבאות אלהי ישראל הנני מביא רעה על המקום הזה אשר כל שמעה תצלנה אזניוSelect Jeremiah 19:3

4יען אשר עזבני וינכרו את המקום הזה ויקטרו בו לאלהים אחרים אשר לא ידעום המה ואבותיהם ומלכי יהודה ומלאו את המקום הזה דם נקיםSelect Jeremiah 19:4

5ובנו את במות הבעל לשרף את בניהם באש—עלות לבעל אשר לא צויתי ולא דברתי ולא עלתה על לביSelect Jeremiah 19:5

6לכן הנה ימים באים נאם יהוה ולא יקרא למקום הזה עוד התפת וגיא בן הנם—כי אם גיא ההרגהSelect Jeremiah 19:6

7ובקתי את עצת יהודה וירושלם במקום הזה והפלתים בחרב לפני איביהם וביד מבקשי נפשם ונתתי את נבלתם למאכל לעוף השמים ולבהמת הארץSelect Jeremiah 19:7

8ושמתי את העיר הזאת לשמה ולשרקה כל עבר עליה ישם וישרק על כל מכתהSelect Jeremiah 19:8

9והאכלתים את בשר בניהם ואת בשר בנתיהם ואיש בשר רעהו יאכלו במצור ובמצוק אשר יציקו להם איביהם ומבקשי נפשםSelect Jeremiah 19:9

10ושברת הבקבק—לעיני האנשים ההלכים אותךSelect Jeremiah 19:10

11ואמרת אליהם כה אמר יהוה צבאות ככה אשבר את העם הזה ואת העיר הזאת כאשר ישבר את כלי היוצר אשר לא יוכל להרפה עוד ובתפת יקברו מאין מקום לקבורSelect Jeremiah 19:11

12כן אעשה למקום הזה נאם יהוה—וליושביו ולתת את העיר הזאת כתפתSelect Jeremiah 19:12

13והיו בתי ירושלם ובתי מלכי יהודה כמקום התפת הטמאים—לכל הבתים אשר קטרו על גגתיהם לכל צבא השמים והסך נסכים לאלהים אחריםSelect Jeremiah 19:13

14ויבא ירמיהו מהתפת אשר שלחו יהוה שם להנבא ויעמד בחצר בית יהוה ויאמר אל כל העםSelect Jeremiah 19:14

15כה אמר יהוה צבאות אלהי ישראל הנני מבי אל העיר הזאת ועל כל עריה את כל הרעה אשר דברתי עליה כי הקשו את ערפם לבלתי שמוע את דבריSelect Jeremiah 19:15