25Jeremiah 25

1הדבר אשר היה על ירמיהו על כל עם יהודה בשנה הרבעית ליהויקים בן יאשיהו מלך יהודה היא השנה הראשנית לנבוכדראצר מלך בבלSelect Jeremiah 25:1

2אשר דבר ירמיהו הנביא על כל עם יהודה ואל כל ישבי ירושלם לאמרSelect Jeremiah 25:2

3מן שלש עשרה שנה ליאשיהו בן אמון מלך יהודה ועד היום הזה זה שלש ועשרים שנה היה דבר יהוה אלי ואדבר אליכם אשכים ודבר ולא שמעתםSelect Jeremiah 25:3

4ושלח יהוה אליכם את כל עבדיו הנבאים השכם ושלח—ולא שמעתם ולא הטיתם את אזנכם לשמעSelect Jeremiah 25:4

5לאמר שובו נא איש מדרכו הרעה ומרע מעלליכם ושבו על האדמה אשר נתן יהוה לכם ולאבותיכם—למן עולם ועד עולםSelect Jeremiah 25:5

6ואל תלכו אחרי אלהים אחרים לעבדם ולהשתחות להם ולא תכעיסו אותי במעשה ידיכם ולא ארע לכםSelect Jeremiah 25:6

7ולא שמעתם אלי נאם יהוה למען הכעסוני (הכעיסני) במעשה ידיכם לרע לכםSelect Jeremiah 25:7

8לכן כה אמר יהוה צבאות יען אשר לא שמעתם את דבריSelect Jeremiah 25:8

9הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים—ושמתים לשמה ולשרקה ולחרבות עולםSelect Jeremiah 25:9

10והאבדתי מהם קול ששון וקול שמחה קול חתן וקול כלה—קול רחים ואור נרSelect Jeremiah 25:10

11והיתה כל הארץ הזאת לחרבה לשמה ועבדו הגוים האלה את מלך בבל—שבעים שנהSelect Jeremiah 25:11

12והיה כמלאות שבעים שנה אפקד על מלך בבל ועל הגוי ההוא נאם יהוה את עונם—ועל ארץ כשדים ושמתי אתו לשממות עולםSelect Jeremiah 25:12

13והבאותי (והבאתי) על הארץ ההיא את כל דברי אשר דברתי עליה—את כל הכתוב בספר הזה אשר נבא ירמיהו על כל הגויםSelect Jeremiah 25:13

14כי עבדו בם גם המה גוים רבים ומלכים גדולים ושלמתי להם כפעלם וכמעשה ידיהםSelect Jeremiah 25:14

15כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהםSelect Jeremiah 25:15

16ושתו והתגעשו והתהללו מפני החרב אשר אנכי שלח בינתםSelect Jeremiah 25:16

17ואקח את הכוס מיד יהוה ואשקה את כל הגוים אשר שלחני יהוה אליהםSelect Jeremiah 25:17

18את ירושלם ואת ערי יהודה ואת מלכיה את שריה לתת אתם לחרבה לשמה לשרקה ולקללה—כיום הזהSelect Jeremiah 25:18

19את פרעה מלך מצרים ואת עבדיו ואת שריו ואת כל עמוSelect Jeremiah 25:19

20ואת כל הערב ואת כל מלכי ארץ העוץ ואת כל מלכי ארץ פלשתים ואת אשקלון ואת עזה ואת עקרון ואת שארית אשדודSelect Jeremiah 25:20

21את אדום ואת מואב ואת בני עמוןSelect Jeremiah 25:21

22ואת כל מלכי צר ואת כל מלכי צידון ואת מלכי האי אשר בעבר היםSelect Jeremiah 25:22

23ואת דדן ואת תימא ואת בוז ואת כל קצוצי פאהSelect Jeremiah 25:23

24ואת כל מלכי ערב ואת כל מלכי הערב השכנים במדברSelect Jeremiah 25:24

25ואת כל מלכי זמרי ואת כל מלכי עילם ואת כל מלכי מדיSelect Jeremiah 25:25

26ואת כל מלכי הצפון הקרבים והרחקים איש אל אחיו ואת כל הממלכות הארץ אשר על פני האדמה ומלך ששך ישתה אחריהםSelect Jeremiah 25:26

27ואמרת אליהם כה אמר יהוה צבאות אלהי ישראל שתו ושכרו וקיו ונפלו ולא תקומו—מפני החרב אשר אנכי שלח ביניכםSelect Jeremiah 25:27

28והיה כי ימאנו לקחת הכוס מידך—לשתות ואמרת אליהם כה אמר יהוה צבאות—שתו תשתוSelect Jeremiah 25:28

29כי הנה בעיר אשר נקרא שמי עליה אנכי מחל להרע ואתם הנקה תנקו לא תנקו—כי חרב אני קרא על כל ישבי הארץ נאם יהוה צבאותSelect Jeremiah 25:29

30ואתה תנבא אליהם את כל הדברים האלה ואמרת אליהם יהוה ממרום ישאג וממעון קדשו יתן קולו—שאג ישאג על נוהו הידד כדרכים יענה אל כל ישבי הארץSelect Jeremiah 25:30

31בא שאון עד קצה הארץ—כי ריב ליהוה בגוים נשפט הוא לכל בשר הרשעים נתנם לחרב נאם יהוהSelect Jeremiah 25:31

32כה אמר יהוה צבאות הנה רעה יצאת מגוי אל גוי וסער גדול יעור מירכתי ארץSelect Jeremiah 25:32

33והיו חללי יהוה ביום ההוא מקצה הארץ ועד קצה הארץ לא יספדו ולא יאספו ולא יקברו—לדמן על פני האדמה יהיוSelect Jeremiah 25:33

34הילילו הרעים וזעקו והתפלשו אדירי הצאן—כי מלאו ימיכם לטבוח ותפוצותיכם ונפלתם ככלי חמדהSelect Jeremiah 25:34

35ואבד מנוס מן הרעים ופליטה מאדירי הצאןSelect Jeremiah 25:35

36קול צעקת הרעים ויללת אדירי הצאן—כי שדד יהוה את מרעיתםSelect Jeremiah 25:36

37ונדמו נאות השלום מפני חרון אף יהוהSelect Jeremiah 25:37

38עזב ככפיר סכו—כי היתה ארצם לשמה מפני חרון היונה ומפני חרון אפוSelect Jeremiah 25:38