31Jeremiah 31

1כה אמר יהוה מצא חן במדבר עם שרידי חרב הלוך להרגיעו ישראלSelect Jeremiah 31:1

2מרחוק יהוה נראה לי ואהבת עולם אהבתיך על כן משכתיך חסדSelect Jeremiah 31:2

3עוד אבנך ונבנית בתולת ישראל עוד תעדי תפיך ויצאת במחול משחקיםSelect Jeremiah 31:3

4עוד תטעי כרמים בהרי שמרון נטעו נטעים וחללוSelect Jeremiah 31:4

5כי יש יום קראו נצרים בהר אפרים קומו ונעלה ציון אל יהוה אלהינוSelect Jeremiah 31:5

6כי כה אמר יהוה רנו ליעקב שמחה וצהלו בראש הגוים השמיעו הללו ואמרו הושע יהוה את עמך את שארית ישראלSelect Jeremiah 31:6

7הנני מביא אותם מארץ צפון וקבצתים מירכתי ארץ—בם עור ופסח הרה וילדת יחדו קהל גדול ישובו הנהSelect Jeremiah 31:7

8בבכי יבאו ובתחנונים אובילם—אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הואSelect Jeremiah 31:8

9שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרוSelect Jeremiah 31:9

10כי פדה יהוה את יעקב וגאלו מיד חזק ממנוSelect Jeremiah 31:10

11ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עודSelect Jeremiah 31:11

12אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונםSelect Jeremiah 31:12

13ורויתי נפש הכהנים דשן ועמי את טובי ישבעו נאם יהוהSelect Jeremiah 31:13

14כה אמר יהוה קול ברמה נשמע נהי בכי תמרורים—רחל מבכה על בניה מאנה להנחם על בניה כי איננוSelect Jeremiah 31:14

15כה אמר יהוה מנעי קולך מבכי ועיניך מדמעה כי יש שכר לפעלתך נאם יהוה ושבו מארץ אויבSelect Jeremiah 31:15

16ויש תקוה לאחריתך נאם יהוה ושבו בנים לגבולםSelect Jeremiah 31:16

17שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהיSelect Jeremiah 31:17

18כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעוריSelect Jeremiah 31:18

19הבן יקיר לי אפרים אם ילד שעשעים—כי מדי דברי בו זכר אזכרנו עוד על כן המו מעי לו—רחם ארחמנו נאם יהוהSelect Jeremiah 31:19

20הציבי לך צינים שמי לך תמרורים—שתי לבך למסלה דרך הלכתי (הלכת) שובי בתולת ישראל שבי אל עריך אלהSelect Jeremiah 31:20

21עד מתי תתחמקין הבת השובבה כי ברא יהוה חדשה בארץ נקבה תסובב גברSelect Jeremiah 31:21

22כה אמר יהוה צבאות אלהי ישראל עוד יאמרו את הדבר הזה בארץ יהודה ובעריו בשובי את שבותם יברכך יהוה נוה צדק הר הקדשSelect Jeremiah 31:22

23וישבו בה יהודה וכל עריו יחדו אכרים ונסעו בעדרSelect Jeremiah 31:23

24כי הרויתי נפש עיפה וכל נפש דאבה מלאתיSelect Jeremiah 31:24

25על זאת הקיצתי ואראה ושנתי ערבה ליSelect Jeremiah 31:25

26הנה ימים באים נאם יהוה וזרעתי את בית ישראל ואת בית יהודה זרע אדם וזרע בהמהSelect Jeremiah 31:26

27והיה כאשר שקדתי עליהם לנתוש ולנתוץ ולהרס—ולהאביד ולהרע כן אשקד עליהם לבנות ולנטוע נאם יהוהSelect Jeremiah 31:27

28בימים ההם—לא יאמרו עוד אבות אכלו בסר ושני בנים תקהינהSelect Jeremiah 31:28

29כי אם איש בעונו ימות כל האדם האכל הבסר תקהינה שניוSelect Jeremiah 31:29

30הנה ימים באים נאם יהוה וכרתי את בית ישראל ואת בית יהודה—ברית חדשהSelect Jeremiah 31:30

31לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם—נאם יהוהSelect Jeremiah 31:31

32כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעםSelect Jeremiah 31:32

33ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה—כי אסלח לעונם ולחטאתם לא אזכר עודSelect Jeremiah 31:33

34כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמוSelect Jeremiah 31:34

35אם ימשו החקים האלה מלפני—נאם יהוה גם זרע ישראל ישבתו מהיות גוי לפני—כל הימיםSelect Jeremiah 31:35

36כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו—נאם יהוהSelect Jeremiah 31:36

37הנה ימים (באים) נאם יהוה ונבנתה העיר ליהוה ממגדל חננאל שער הפנהSelect Jeremiah 31:37

38ויצא עוד קוה (קו) המדה נגדו על גבעת גרב ונסב געתהSelect Jeremiah 31:38

39וכל העמק הפגרים והדשן וכל השרמות (השדמות) עד נחל קדרון עד פנת שער הסוסים מזרחה—קדש ליהוה לא ינתש ולא יהרס עוד לעולםSelect Jeremiah 31:39