34Jeremiah 34

1הדבר אשר היה אל ירמיהו מאת יהוה ונבוכדראצר מלך בבל וכל חילו וכל ממלכות ארץ ממשלת ידו וכל העמים נלחמים על ירושלם ועל כל עריה—לאמרSelect Jeremiah 34:1

2כה אמר יהוה אלהי ישראל הלך ואמרת אל צדקיהו מלך יהודה ואמרת אליו כה אמר יהוה הנני נתן את העיר הזאת ביד מלך בבל ושרפה באשSelect Jeremiah 34:2

3ואתה לא תמלט מידו—כי תפש תתפש ובידו תנתן ועיניך את עיני מלך בבל תראינה ופיהו את פיך ידבר—ובבל תבואSelect Jeremiah 34:3

4אך שמע דבר יהוה צדקיהו מלך יהודה כה אמר יהוה עליך לא תמות בחרבSelect Jeremiah 34:4

5בשלום תמות וכמשרפות אבותיך המלכים הראשנים אשר היו לפניך כן ישרפו לך והוי אדון יספדו לך כי דבר אני דברתי נאם יהוהSelect Jeremiah 34:5

6וידבר ירמיהו הנביא אל צדקיהו מלך יהודה את כל הדברים האלה בירושלםSelect Jeremiah 34:6

7וחיל מלך בבל נלחמים על ירושלם ועל כל ערי יהודה הנותרות אל לכיש ואל עזקה כי הנה נשארו בערי יהודה ערי מבצרSelect Jeremiah 34:7

8הדבר אשר היה אל ירמיהו מאת יהוה—אחרי כרת המלך צדקיהו ברית את כל העם אשר בירושלם לקרא להם דרורSelect Jeremiah 34:8

9לשלח איש את עבדו ואיש את שפחתו העברי והעבריה—חפשים לבלתי עבד בם ביהודי אחיהו אישSelect Jeremiah 34:9

10וישמעו כל השרים וכל העם אשר באו בברית לשלח איש את עבדו ואיש את שפחתו חפשים לבלתי עבד בם עוד וישמעו וישלחוSelect Jeremiah 34:10

11וישובו אחרי כן וישבו את העבדים ואת השפחות אשר שלחו חפשים ויכבישום (ויכבשום) לעבדים ולשפחותSelect Jeremiah 34:11

12ויהי דבר יהוה אל ירמיהו מאת יהוה לאמרSelect Jeremiah 34:12

13כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמרSelect Jeremiah 34:13

14מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנםSelect Jeremiah 34:14

15ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליוSelect Jeremiah 34:15

16ותשבו ותחללו את שמי ותשבו איש את עבדו ואיש את שפחתו אשר שלחתם חפשים לנפשם ותכבשו אתם—להיות לכם לעבדים ולשפחותSelect Jeremiah 34:16

17לכן כה אמר יהוה אתם לא שמעתם אלי לקרא דרור איש לאחיו ואיש לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה (לזעוה) לכל ממלכות הארץSelect Jeremiah 34:17

18ונתתי את האנשים העברים את ברתי אשר לא הקימו את דברי הברית אשר כרתו לפני—העגל אשר כרתו לשנים ויעברו בין בתריוSelect Jeremiah 34:18

19שרי יהודה ושרי ירושלם הסרסים והכהנים וכל עם הארץ—העברים בין בתרי העגלSelect Jeremiah 34:19

20ונתתי אותם ביד איביהם וביד מבקשי נפשם והיתה נבלתם למאכל לעוף השמים ולבהמת הארץSelect Jeremiah 34:20

21ואת צדקיהו מלך יהודה ואת שריו אתן ביד איביהם וביד מבקשי נפשם וביד חיל מלך בבל העלים מעליכםSelect Jeremiah 34:21

22הנני מצוה נאם יהוה והשבתים אל העיר הזאת ונלחמו עליה ולכדוה ושרפה באש ואת ערי יהודה אתן שממה מאין ישבSelect Jeremiah 34:22