35Jeremiah 35

1הדבר אשר היה אל ירמיהו מאת יהוה בימי יהויקים בן יאשיהו מלך יהודה לאמרSelect Jeremiah 35:1

2הלוך אל בית הרכבים ודברת אותם והבאותם בית יהוה אל אחת הלשכות והשקית אותם ייןSelect Jeremiah 35:2

3ואקח את יאזניה בן ירמיהו בן חבצניה ואת אחיו ואת כל בניו—ואת כל בית הרכביםSelect Jeremiah 35:3

4ואבא אתם בית יהוה אל לשכת בני חנן בן יגדליהו איש האלהים—אשר אצל לשכת השרים אשר ממעל ללשכת מעשיהו בן שלם שמר הסףSelect Jeremiah 35:4

5ואתן לפני בני בית הרכבים גבעים מלאים יין—וכסות ואמר אליהם שתו ייןSelect Jeremiah 35:5

6ויאמרו לא נשתה יין כי יונדב בן רכב אבינו צוה עלינו לאמר לא תשתו יין אתם ובניכם עד עולםSelect Jeremiah 35:6

7ובית לא תבנו וזרע לא תזרעו וכרם לא תטעו ולא יהיה לכם כי באהלים תשבו כל ימיכם למען תחיו ימים רבים על פני האדמה אשר אתם גרים שםSelect Jeremiah 35:7

8ונשמע בקול יהונדב בן רכב אבינו לכל אשר צונו לבלתי שתות יין כל ימינו—אנחנו נשינו בנינו ובנתינוSelect Jeremiah 35:8

9ולבלתי בנות בתים לשבתנו וכרם ושדה וזרע לא יהיה לנוSelect Jeremiah 35:9

10ונשב באהלים ונשמע ונעש ככל אשר צונו יונדב אבינוSelect Jeremiah 35:10

11ויהי בעלות נבוכדראצר מלך בבל אל הארץ ונאמר באו ונבוא ירושלם מפני חיל הכשדים ומפני חיל ארם ונשב בירושלםSelect Jeremiah 35:11

12ויהי דבר יהוה אל ירמיהו לאמרSelect Jeremiah 35:12

13כה אמר יהוה צבאות אלהי ישראל הלך ואמרת לאיש יהודה וליושבי ירושלם הלוא תקחו מוסר לשמע אל דברי נאם יהוהSelect Jeremiah 35:13

14הוקם את דברי יהונדב בן רכב אשר צוה את בניו לבלתי שתות יין ולא שתו עד היום הזה—כי שמעו את מצות אביהם ואנכי דברתי אליכם השכם ודבר—ולא שמעתם אליSelect Jeremiah 35:14

15ואשלח אליכם את כל עבדי הנבאים השכם ושלח לאמר שבו נא איש מדרכו הרעה והיטיבו מעלליכם ואל תלכו אחרי אלהים אחרים לעבדם ושבו אל האדמה אשר נתתי לכם ולאבתיכם ולא הטיתם את אזנכם ולא שמעתם אליSelect Jeremiah 35:15

16כי הקימו בני יהונדב בן רכב את מצות אביהם אשר צום והעם הזה לא שמעו אליSelect Jeremiah 35:16

17לכן כה אמר יהוה אלהי צבאות אלהי ישראל הנני מביא אל יהודה ואל כל יושבי ירושלם את כל הרעה אשר דברתי עליהם יען דברתי אליהם ולא שמעו ואקרא להם ולא ענוSelect Jeremiah 35:17

18ולבית הרכבים אמר ירמיהו כה אמר יהוה צבאות אלהי ישראל יען אשר שמעתם על מצות יהונדב אביכם ותשמרו את כל מצותיו ותעשו ככל אשר צוה אתכםSelect Jeremiah 35:18

19לכן כה אמר יהוה צבאות—אלהי ישראל לא יכרת איש ליונדב בן רכב עמד לפני—כל הימיםSelect Jeremiah 35:19