37Jeremiah 37

1וימלך מלך—צדקיהו בן יאשיהו תחת כניהו בן יהויקים אשר המליך נבוכדראצר מלך בבל בארץ יהודהSelect Jeremiah 37:1

2ולא שמע הוא ועבדיו ועם הארץ אל דברי יהוה—אשר דבר ביד ירמיהו הנביאSelect Jeremiah 37:2

3וישלח המלך צדקיהו את יהוכל בן שלמיה ואת צפניהו בן מעשיה הכהן אל ירמיהו הנביא לאמר התפלל נא בעדנו אל יהוה אלהינוSelect Jeremiah 37:3

4וירמיהו בא ויצא בתוך העם ולא נתנו אתו בית הכליא (הכלוא)Select Jeremiah 37:4

5וחיל פרעה יצא ממצרים וישמעו הכשדים הצרים על ירושלם את שמעם ויעלו מעל ירושלםSelect Jeremiah 37:5

6ויהי דבר יהוה אל ירמיהו הנביא לאמרSelect Jeremiah 37:6

7כה אמר יהוה אלהי ישראל כה תאמרו אל מלך יהודה השלח אתכם אלי לדרשני הנה חיל פרעה היצא לכם לעזרה שב לארצו מצריםSelect Jeremiah 37:7

8ושבו הכשדים ונלחמו על העיר הזאת ולכדה ושרפה באשSelect Jeremiah 37:8

9כה אמר יהוה אל תשאו נפשתיכם לאמר הלך ילכו מעלינו הכשדים כי לא ילכוSelect Jeremiah 37:9

10כי אם הכיתם כל חיל כשדים הנלחמים אתכם ונשארו בם אנשים מדקרים—איש באהלו יקומו ושרפו את העיר הזאת באשSelect Jeremiah 37:10

11והיה בהעלות חיל הכשדים מעל ירושלם—מפני חיל פרעהSelect Jeremiah 37:11

12ויצא ירמיהו מירושלם ללכת ארץ בנימן לחלק משם בתוך העםSelect Jeremiah 37:12

13ויהי הוא בשער בנימן ושם בעל פקדת ושמו יראייה בן שלמיה בן חנניה ויתפש את ירמיהו הנביא לאמר אל הכשדים אתה נפלSelect Jeremiah 37:13

14ויאמר ירמיהו שקר אינני נפל על הכשדים—ולא שמע אליו ויתפש יראייה בירמיהו ויבאהו אל השריםSelect Jeremiah 37:14

15ויקצפו השרים על ירמיהו והכו אתו ונתנו אותו בית האסור בית יהונתן הספר—כי אתו עשו לבית הכלאSelect Jeremiah 37:15

16כי בא ירמיהו אל בית הבור ואל החניות וישב שם ירמיהו ימים רביםSelect Jeremiah 37:16

17וישלח המלך צדקיהו ויקחהו וישאלהו המלך בביתו בסתר ויאמר היש דבר מאת יהוה ויאמר ירמיהו יש ויאמר ביד מלך בבל תנתןSelect Jeremiah 37:17

18ויאמר ירמיהו אל המלך צדקיהו מה חטאתי לך ולעבדיך ולעם הזה כי נתתם אותי אל בית הכלאSelect Jeremiah 37:18

19ואיו (ואיה) נביאיכם אשר נבאו לכם לאמר לא יבא מלך בבל עליכם ועל הארץ הזאתSelect Jeremiah 37:19

20ועתה שמע נא אדני המלך תפל נא תחנתי לפניך ואל תשבני בית יהונתן הספר ולא אמות שםSelect Jeremiah 37:20

21ויצוה המלך צדקיהו ויפקדו את ירמיהו בחצר המטרה ונתן לו ככר לחם ליום מחוץ האפים עד תם כל הלחם מן העיר וישב ירמיהו בחצר המטרהSelect Jeremiah 37:21