4Jeremiah 4

1אם תשוב ישראל נאם יהוה אלי תשוב ואם תסיר שקוציך מפני ולא תנודSelect Jeremiah 4:1

2ונשבעת חי יהוה באמת במשפט ובצדקה והתברכו בו גוים ובו יתהללוSelect Jeremiah 4:2

3כי כה אמר יהוה לאיש יהודה ולירושלם נירו לכם ניר ואל תזרעו אל קציםSelect Jeremiah 4:3

4המלו ליהוה והסרו ערלות לבבכם איש יהודה וישבי ירושלם פן תצא כאש חמתי ובערה ואין מכבה—מפני רע מעלליכםSelect Jeremiah 4:4

5הגידו ביהודה ובירושלם השמיעו ואמרו ותקעו (תקעו) שופר בארץ קראו מלאו ואמרו האספו ונבואה אל ערי המבצרSelect Jeremiah 4:5

6שאו נס ציונה העיזו אל תעמדו כי רעה אנכי מביא מצפון—ושבר גדולSelect Jeremiah 4:6

7עלה אריה מסבכו ומשחית גוים נסע יצא ממקמו—לשום ארצך לשמה עריך תצינה מאין יושבSelect Jeremiah 4:7

8על זאת חגרו שקים ספדו והילילו כי לא שב חרון אף יהוה ממנוSelect Jeremiah 4:8

9והיה ביום ההוא נאם יהוה יאבד לב המלך ולב השרים ונשמו הכהנים והנבאים יתמהוSelect Jeremiah 4:9

10ואמר אהה אדני יהוה אכן השא השאת לעם הזה ולירושלם לאמר שלום יהיה לכם ונגעה חרב עד הנפשSelect Jeremiah 4:10

11בעת ההיא יאמר לעם הזה ולירושלם רוח צח שפים במדבר דרך בת עמי—לוא לזרות ולוא להברSelect Jeremiah 4:11

12רוח מלא מאלה יבוא לי עתה גם אני אדבר משפטים אותםSelect Jeremiah 4:12

13הנה כעננים יעלה וכסופה מרכבותיו—קלו מנשרים סוסיו אוי לנו כי שדדנוSelect Jeremiah 4:13

14כבסי מרעה לבך ירושלם למען תושעי עד מתי תלין בקרבך מחשבות אונךSelect Jeremiah 4:14

15כי קול מגיד מדן ומשמיע און מהר אפריםSelect Jeremiah 4:15

16הזכירו לגוים הנה השמיעו על ירושלם נצרים באים מארץ המרחק ויתנו על ערי יהודה קולםSelect Jeremiah 4:16

17כשמרי שדי היו עליה מסביב כי אתי מרתה נאם יהוהSelect Jeremiah 4:17

18דרכך ומעלליך עשו אלה לך זאת רעתך כי מר כי נגע עד לבךSelect Jeremiah 4:18

19מעי מעי אחולה (אחילה) קירות לבי המה לי לבי—לא אחרש כי קול שופר שמעתי (שמעת) נפשי תרועת מלחמהSelect Jeremiah 4:19

20שבר על שבר נקרא כי שדדה כל הארץ פתאם שדדו אהלי רגע יריעתיSelect Jeremiah 4:20

21עד מתי אראה נס—אשמעה קול שופרSelect Jeremiah 4:21

22כי אויל עמי אותי לא ידעו—בנים סכלים המה ולא נבונים המה חכמים המה להרע ולהיטיב לא ידעוSelect Jeremiah 4:22

23ראיתי את הארץ והנה תהו ובהו ואל השמים ואין אורםSelect Jeremiah 4:23

24ראיתי ההרים והנה רעשים וכל הגבעות התקלקלוSelect Jeremiah 4:24

25ראיתי והנה אין האדם וכל עוף השמים נדדוSelect Jeremiah 4:25

26ראיתי והנה הכרמל המדבר וכל עריו נתצו מפני יהוה—מפני חרון אפוSelect Jeremiah 4:26

27כי כה אמר יהוה שממה תהיה כל הארץ וכלה לא אעשהSelect Jeremiah 4:27

28על זאת תאבל הארץ וקדרו השמים ממעל—על כי דברתי זמתי ולא נחמתי ולא אשוב ממנהSelect Jeremiah 4:28

29מקול פרש ורמה קשת ברחת כל העיר—באו בעבים ובכפים עלו כל העיר עזובה ואין יושב בהן אישSelect Jeremiah 4:29

30ואתי (ואת) שדוד מה תעשי כי תלבשי שני כי תעדי עדי זהב כי תקרעי בפוך עיניך—לשוא תתיפי מאסו בך עגבים נפשך יבקשוSelect Jeremiah 4:30

31כי קול כחולה שמעתי צרה כמבכירה—קול בת ציון תתיפח תפרש כפיה אוי נא לי כי עיפה נפשי להרגיםSelect Jeremiah 4:31