41Jeremiah 41

1ויהי בחדש השביעי בא ישמעאל בן נתניה בן אלישמע מזרע המלוכה ורבי המלך ועשרה אנשים אתו אל גדליהו בן אחיקם—המצפתה ויאכלו שם לחם יחדו במצפהSelect Jeremiah 41:1

2ויקם ישמעאל בן נתניה ועשרת האנשים אשר היו אתו ויכו את גדליהו בן אחיקם בן שפן בחרב—וימת אתו אשר הפקיד מלך בבל בארץSelect Jeremiah 41:2

3ואת כל היהודים אשר היו אתו את גדליהו במצפה ואת הכשדים אשר נמצאו שם—את אנשי המלחמה הכה ישמעאלSelect Jeremiah 41:3

4ויהי ביום השני להמית את גדליהו ואיש לא ידעSelect Jeremiah 41:4

5ויבאו אנשים משכם משלו ומשמרון שמנים איש מגלחי זקן וקרעי בגדים ומתגדדים ומנחה ולבונה בידם להביא בית יהוהSelect Jeremiah 41:5

6ויצא ישמעאל בן נתניה לקראתם מן המצפה הלך הלך ובכה ויהי כפגש אתם ויאמר אליהם באו אל גדליהו בן אחיקםSelect Jeremiah 41:6

7ויהי כבואם אל תוך העיר וישחטם ישמעאל בן נתניה אל תוך הבור—הוא והאנשים אשר אתוSelect Jeremiah 41:7

8ועשרה אנשים נמצאו בם ויאמרו אל ישמעאל אל תמתנו—כי יש לנו מטמנים בשדה חטים ושערים ושמן ודבש ויחדל ולא המיתם בתוך אחיהםSelect Jeremiah 41:8

9והבור אשר השליך שם ישמעאל את כל פגרי האנשים אשר הכה ביד גדליהו—הוא אשר עשה המלך אסא מפני בעשא מלך ישראל אתו מלא ישמעאל בן נתניהו—חלליםSelect Jeremiah 41:9

10וישב ישמעאל את כל שארית העם אשר במצפה את בנות המלך ואת כל העם הנשארים במצפה אשר הפקיד נבוזראדן רב טבחים את גדליהו בן אחיקם וישבם ישמעאל בן נתניה וילך לעבר אל בני עמוןSelect Jeremiah 41:10

11וישמע יוחנן בן קרח וכל שרי החילים אשר אתו את כל הרעה אשר עשה ישמעאל בן נתניהSelect Jeremiah 41:11

12ויקחו את כל האנשים וילכו להלחם עם ישמעאל בן נתניה וימצאו אתו אל מים רבים אשר בגבעוןSelect Jeremiah 41:12

13ויהי כראות כל העם אשר את ישמעאל את יוחנן בן קרח ואת כל שרי החילים אשר אתו—וישמחוSelect Jeremiah 41:13

14ויסבו כל העם אשר שבה ישמעאל מן המצפה וישבו וילכו אל יוחנן בן קרחSelect Jeremiah 41:14

15וישמעאל בן נתניה נמלט בשמנה אנשים מפני יוחנן וילך אל בני עמוןSelect Jeremiah 41:15

16ויקח יוחנן בן קרח וכל שרי החילים אשר אתו את כל שארית העם אשר השיב מאת ישמעאל בן נתניה מן המצפה אחר הכה את גדליה בן אחיקם—גברים אנשי המלחמה ונשים וטף וסרסים אשר השיב מגבעוןSelect Jeremiah 41:16

17וילכו וישבו בגרות כמוהם (כמהם) אשר אצל בית לחם—ללכת לבוא מצריםSelect Jeremiah 41:17

18מפני הכשדים כי יראו מפניהם כי הכה ישמעאל בן נתניה את גדליהו בן אחיקם אשר הפקיד מלך בבל בארץSelect Jeremiah 41:18