42Jeremiah 42

1ויגשו כל שרי החילים ויוחנן בן קרח ויזניה בן הושעיה—וכל העם מקטן ועד גדולSelect Jeremiah 42:1

2ויאמרו אל ירמיהו הנביא תפל נא תחנתנו לפניך והתפלל בעדנו אל יהוה אלהיך בעד כל השארית הזאת כי נשארנו מעט מהרבה כאשר עיניך ראות אתנוSelect Jeremiah 42:2

3ויגד לנו יהוה אלהיך את הדרך אשר נלך בה ואת הדבר אשר נעשהSelect Jeremiah 42:3

4ויאמר אליהם ירמיהו הנביא שמעתי—הנני מתפלל אל יהוה אלהיכם כדבריכם והיה כל הדבר אשר יענה יהוה אתכם אגיד לכם—לא אמנע מכם דברSelect Jeremiah 42:4

5והמה אמרו אל ירמיהו יהי יהוה בנו לעד אמת ונאמן אם לא ככל הדבר אשר ישלחך יהוה אלהיך אלינו—כן נעשהSelect Jeremiah 42:5

6אם טוב ואם רע—בקול יהוה אלהינו אשר אנו (אנחנו) שלחים אתך אליו נשמע למען אשר ייטב לנו כי נשמע בקול יהוה אלהינוSelect Jeremiah 42:6

7ויהי מקץ עשרת ימים ויהי דבר יהוה אל ירמיהוSelect Jeremiah 42:7

8ויקרא אל יוחנן בן קרח ואל כל שרי החילים אשר אתו ולכל העם—למקטן ועד גדולSelect Jeremiah 42:8

9ויאמר אליהם כה אמר יהוה אלהי ישראל אשר שלחתם אתי אליו להפיל תחנתכם לפניוSelect Jeremiah 42:9

10אם שוב תשבו בארץ הזאת—ובניתי אתכם ולא אהרס ונטעתי אתכם ולא אתוש כי נחמתי אל הרעה אשר עשיתי לכםSelect Jeremiah 42:10

11אל תיראו מפני מלך בבל אשר אתם יראים מפניו אל תיראו ממנו נאם יהוה—כי אתכם אני להושיע אתכם ולהציל אתכם מידוSelect Jeremiah 42:11

12ואתן לכם רחמים ורחם אתכם והשיב אתכם אל אדמתכםSelect Jeremiah 42:12

13ואם אמרים אתם לא נשב בארץ הזאת לבלתי שמע בקול יהוה אלהיכםSelect Jeremiah 42:13

14לאמר לא כי ארץ מצרים נבוא אשר לא נראה מלחמה וקול שופר לא נשמע וללחם לא נרעב ושם נשבSelect Jeremiah 42:14

15ועתה—לכן שמעו דבר יהוה שארית יהודה כה אמר יהוה צבאות אלהי ישראל אם אתם שום תשמון פניכם לבא מצרים ובאתם לגור שםSelect Jeremiah 42:15

16והיתה החרב אשר אתם יראים ממנה שם תשיג אתכם בארץ מצרים והרעב אשר אתם דאגים ממנו שם ידבק אחריכם מצרים—ושם תמתוSelect Jeremiah 42:16

17ויהיו כל האנשים אשר שמו את פניהם לבוא מצרים לגור שם—ימותו בחרב ברעב ובדבר ולא יהיה להם שריד ופליט מפני הרעה אשר אני מביא עליהםSelect Jeremiah 42:17

18כי כה אמר יהוה צבאות אלהי ישראל כאשר נתך אפי וחמתי על ישבי ירושלם כן תתך חמתי עליכם בבאכם מצרים והייתם לאלה ולשמה ולקללה ולחרפה ולא תראו עוד את המקום הזהSelect Jeremiah 42:18

19דבר יהוה עליכם שארית יהודה אל תבאו מצרים ידע תדעו כי העידתי בכם היוםSelect Jeremiah 42:19

20כי התעתים (התעיתם) בנפשותיכם—כי אתם שלחתם אתי אל יהוה אלהיכם לאמר התפלל בעדנו אל יהוה אלהינו וככל אשר יאמר יהוה אלהינו כן הגד לנו—ועשינוSelect Jeremiah 42:20

21ואגד לכם היום ולא שמעתם בקול יהוה אלהיכם ולכל אשר שלחני אליכםSelect Jeremiah 42:21

22ועתה ידע תדעו כי בחרב ברעב ובדבר תמותו—במקום אשר חפצתם לבוא לגור שםSelect Jeremiah 42:22