43Jeremiah 43

1ויהי ככלות ירמיהו לדבר אל כל העם את כל דברי יהוה אלהיהם אשר שלחו יהוה אלהיהם אליהם—את כל הדברים האלהSelect Jeremiah 43:1

2ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר—לא שלחך יהוה אלהינו לאמר לא תבאו מצרים לגור שםSelect Jeremiah 43:2

3כי ברוך בן נריה מסית אתך בנו—למען תת אתנו ביד הכשדים להמית אתנו ולהגלות אתנו בבלSelect Jeremiah 43:3

4ולא שמע יוחנן בן קרח וכל שרי החילים וכל העם—בקול יהוה לשבת בארץ יהודהSelect Jeremiah 43:4

5ויקח יוחנן בן קרח וכל שרי החילים את כל שארית יהודה—אשר שבו מכל הגוים אשר נדחו שם לגור בארץ יהודהSelect Jeremiah 43:5

6את הגברים ואת הנשים ואת הטף ואת בנות המלך ואת כל הנפש אשר הניח נבוזראדן רב טבחים את גדליהו בן אחיקם בן שפן ואת ירמיהו הנביא ואת ברוך בן נריהוSelect Jeremiah 43:6

7ויבאו ארץ מצרים כי לא שמעו בקול יהוה ויבאו עד תחפנחסSelect Jeremiah 43:7

8ויהי דבר יהוה אל ירמיהו בתחפנחס לאמרSelect Jeremiah 43:8

9קח בידך אבנים גדלות וטמנתם במלט במלבן אשר בפתח בית פרעה בתחפנחס—לעיני אנשים יהודיםSelect Jeremiah 43:9

10ואמרת אליהם כה אמר יהוה צבאות אלהי ישראל הנני שלח ולקחתי את נבוכדראצר מלך בבל עבדי ושמתי כסאו ממעל לאבנים האלה אשר טמנתי ונטה את שפרורו (שפרירו) עליהםSelect Jeremiah 43:10

11ובאה (ובא) והכה את ארץ מצרים—אשר למות למות ואשר לשבי לשבי ואשר לחרב לחרבSelect Jeremiah 43:11

12והצתי אש בבתי אלהי מצרים ושרפם ושבם ועטה את ארץ מצרים כאשר יעטה הרעה את בגדו ויצא משם בשלוםSelect Jeremiah 43:12

13ושבר את מצבות בית שמש אשר בארץ מצרים ואת בתי אלהי מצרים ישרף באשSelect Jeremiah 43:13