46Jeremiah 46

1אשר היה דבר יהוה אל ירמיהו הנביא על הגויםSelect Jeremiah 46:1

2למצרים על חיל פרעה נכו מלך מצרים אשר היה על נהר פרת בכרכמש—אשר הכה נבוכדראצר מלך בבל בשנת הרביעית ליהויקים בן יאשיהו מלך יהודהSelect Jeremiah 46:2

3ערכו מגן וצנה וגשו למלחמהSelect Jeremiah 46:3

4אסרו הסוסים ועלו הפרשים והתיצבו בכובעים מרקו הרמחים לבשו הסרינתSelect Jeremiah 46:4

5מדוע ראיתי המה חתים נסגים אחור וגבוריהם יכתו ומנוס נסו ולא הפנו—מגור מסביב נאם יהוהSelect Jeremiah 46:5

6אל ינוס הקל ואל ימלט הגבור צפונה על יד נהר פרת כשלו ונפלוSelect Jeremiah 46:6

7מי זה כיאר יעלה כנהרות יתגעשו מימיוSelect Jeremiah 46:7

8מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בהSelect Jeremiah 46:8

9עלו הסוסים והתהללו הרכב ויצאו הגבורים—כוש ופוט תפשי מגן ולודים תפשי דרכי קשתSelect Jeremiah 46:9

10והיום ההוא לאדני יהוה צבאות יום נקמה להנקם מצריו ואכלה חרב ושבעה ורותה מדמם כי זבח לאדני יהוה צבאות בארץ צפון—אל נהר פרתSelect Jeremiah 46:10

11עלי גלעד וקחי צרי בתולת בת מצרים לשוא הרביתי (הרבית) רפאות תעלה אין לךSelect Jeremiah 46:11

12שמעו גוים קלונך וצוחתך מלאה הארץ כי גבור בגבור כשלו יחדיו נפלו שניהםSelect Jeremiah 46:12

13הדבר אשר דבר יהוה אל ירמיהו הנביא—לבוא נבוכדראצר מלך בבל להכות את ארץ מצריםSelect Jeremiah 46:13

14הגידו במצרים והשמיעו במגדול והשמיעו בנף ובתחפנחס אמרו התיצב והכן לך—כי אכלה חרב סביביךSelect Jeremiah 46:14

15מדוע נסחף אביריך לא עמד כי יהוה הדפוSelect Jeremiah 46:15

16הרבה כושל גם נפל איש אל רעהו ויאמרו קומה ונשבה אל עמנו ואל ארץ מולדתנו מפני חרב היונהSelect Jeremiah 46:16

17קראו שם פרעה מלך מצרים שאון העביר המועדSelect Jeremiah 46:17

18חי אני נאם המלך—יהוה צבאות שמו כי כתבור בהרים וככרמל בים יבואSelect Jeremiah 46:18

19כלי גולה עשי לך יושבת בת מצרים כי נף לשמה תהיה ונצתה מאין יושבSelect Jeremiah 46:19

20עגלה יפה פיה מצרים קרץ מצפון בא באSelect Jeremiah 46:20

21גם שכריה בקרבה כעגלי מרבק כי גם המה הפנו נסו יחדיו לא עמדו כי יום אידם בא עליהם עת פקדתםSelect Jeremiah 46:21

22קולה כנחש ילך כי בחיל ילכו—ובקרדמות באו לה כחטבי עציםSelect Jeremiah 46:22

23כרתו יערה נאם יהוה כי לא יחקר כי רבו מארבה ואין להם מספרSelect Jeremiah 46:23

24הבישה בת מצרים נתנה ביד עם צפוןSelect Jeremiah 46:24

25אמר יהוה צבאות אלהי ישראל הנני פוקד אל אמון מנא ועל פרעה ועל מצרים ועל אלהיה ועל מלכיה ועל פרעה—ועל הבטחים בוSelect Jeremiah 46:25

26ונתתים ביד מבקשי נפשם וביד נבוכדראצר מלך בבל וביד עבדיו ואחרי כן תשכן כימי קדם נאם יהוהSelect Jeremiah 46:26

27ואתה אל תירא עבדי יעקב ואל תחת ישראל—כי הנני מושעך מרחוק ואת זרעך מארץ שבים ושב יעקוב ושקט ושאנן ואין מחרידSelect Jeremiah 46:27

28אתה אל תירא עבדי יעקב נאם יהוה—כי אתך אני כי אעשה כלה בכל הגוים אשר הדחתיך שמה ואתך לא אעשה כלה ויסרתיך למשפט ונקה לא אנקךSelect Jeremiah 46:28