5Jeremiah 5

1שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה—ואסלח להSelect Jeremiah 5:1

2ואם חי יהוה יאמרו לכן לשקר ישבעוSelect Jeremiah 5:2

3יהוה עיניך הלוא לאמונה—הכיתה אתם ולא חלו כליתם מאנו קחת מוסר חזקו פניהם מסלע מאנו לשובSelect Jeremiah 5:3

4ואני אמרתי אך דלים הם נואלו—כי לא ידעו דרך יהוה משפט אלהיהםSelect Jeremiah 5:4

5אלכה לי אל הגדלים ואדברה אותם—כי המה ידעו דרך יהוה משפט אלהיהם אך המה יחדו שברו על נתקו מוסרותSelect Jeremiah 5:5

6על כן הכם אריה מיער זאב ערבות ישדדם—נמר שקד על עריהם כל היוצא מהנה יטרף כי רבו פשעיהם עצמו משבותיהםSelect Jeremiah 5:6

7אי לזאת אסלוח (אסלח) לך—בניך עזבוני וישבעו בלא אלהים ואשבע אותם וינאפו ובית זונה יתגודדוSelect Jeremiah 5:7

8סוסים מיזנים משכים היו איש אל אשת רעהו יצהלוSelect Jeremiah 5:8

9העל אלה לוא אפקד נאם יהוה ואם בגוי אשר כזה לא תתנקם נפשיSelect Jeremiah 5:9

10עלו בשרותיה ושחתו וכלה אל תעשו הסירו נטישותיה כי לוא ליהוה המהSelect Jeremiah 5:10

11כי בגוד בגדו בי בית ישראל ובית יהודה—נאם יהוהSelect Jeremiah 5:11

12כחשו ביהוה ויאמרו לוא הוא ולא תבוא עלינו רעה וחרב ורעב לוא נראהSelect Jeremiah 5:12

13והנביאים יהיו לרוח והדבר אין בהם כה יעשה להםSelect Jeremiah 5:13

14לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים—ואכלתםSelect Jeremiah 5:14

15הנני מביא עליכם גוי ממרחק בית ישראל נאם יהוה גוי איתן הוא גוי מעולם הוא—גוי לא תדע לשנו ולא תשמע מה ידברSelect Jeremiah 5:15

16אשפתו כקבר פתוח כלם גבוריםSelect Jeremiah 5:16

17ואכל קצירך ולחמך יאכלו בניך ובנותיך—יאכל צאנך ובקרך יאכל גפנך ותאנתך ירשש ערי מבצריך אשר אתה בטח בהנה—בחרבSelect Jeremiah 5:17

18וגם בימים ההמה נאם יהוה לא אעשה אתכם כלהSelect Jeremiah 5:18

19והיה כי תאמרו תחת מה עשה יהוה אלהינו לנו את כל אלה ואמרת אליהם כאשר עזבתם אותי ותעבדו אלהי נכר בארצכם—כן תעבדו זרים בארץ לא לכםSelect Jeremiah 5:19

20הגידו זאת בבית יעקב והשמיעוה ביהודה לאמרSelect Jeremiah 5:20

21שמעו נא זאת עם סכל ואין לב עינים להם ולא יראו אזנים להם ולא ישמעוSelect Jeremiah 5:21

22האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהוSelect Jeremiah 5:22

23ולעם הזה היה לב סורר ומורה סרו וילכוSelect Jeremiah 5:23

24ולוא אמרו בלבבם נירא נא את יהוה אלהינו הנתן גשם וירה (יורה) ומלקוש בעתו שבעת חקות קציר ישמר לנוSelect Jeremiah 5:24

25עונותיכם הטו אלה וחטאותיכם מנעו הטוב מכםSelect Jeremiah 5:25

26כי נמצאו בעמי רשעים ישור כשך יקושים הציבו משחית אנשים ילכדוSelect Jeremiah 5:26

27ככלוב מלא עוף כן בתיהם מלאים מרמה על כן גדלו ויעשירוSelect Jeremiah 5:27

28שמנו עשתו גם עברו דברי רע—דין לא דנו דין יתום ויצליחו ומשפט אביונים לא שפטוSelect Jeremiah 5:28

29העל אלה לא אפקד נאם יהוה אם בגוי אשר כזה לא תתנקם נפשיSelect Jeremiah 5:29

30שמה ושערורה נהיתה בארץSelect Jeremiah 5:30

31הנבאים נבאו בשקר והכהנים ירדו על ידיהם ועמי אהבו כן ומה תעשו לאחריתהSelect Jeremiah 5:31