50Jeremiah 50

1הדבר אשר דבר יהוה אל בבל—אל ארץ כשדים ביד ירמיהו הנביאSelect Jeremiah 50:1

2הגידו בגוים והשמיעו ושאו נס השמיעו אל תכחדו אמרו נלכדה בבל הביש בל חת מרדך הבישו עצביה חתו גלוליהSelect Jeremiah 50:2

3כי עלה עליה גוי מצפון הוא ישית את ארצה לשמה ולא יהיה יושב בה מאדם ועד בהמה נדו הלכוSelect Jeremiah 50:3

4בימים ההמה ובעת ההיא נאם יהוה יבאו בני ישראל המה ובני יהודה יחדו הלוך ובכו ילכו ואת יהוה אלהיהם יבקשוSelect Jeremiah 50:4

5ציון ישאלו דרך הנה פניהם באו ונלוו אל יהוה ברית עולם לא תשכחSelect Jeremiah 50:5

6צאן אבדות היה (היו) עמי—רעיהם התעום הרים שובבים (שובבום) מהר אל גבעה הלכו שכחו רבצםSelect Jeremiah 50:6

7כל מוצאיהם אכלום וצריהם אמרו לא נאשם תחת אשר חטאו ליהוה נוה צדק ומקוה אבותיהם יהוהSelect Jeremiah 50:7

8נדו מתוך בבל ומארץ כשדים יצאו (צאו) והיו כעתודים לפני צאןSelect Jeremiah 50:8

9כי הנה אנכי מעיר ומעלה על בבל קהל גוים גדלים מארץ צפון וערכו לה משם תלכד חציו כגבור משכיל לא ישוב ריקםSelect Jeremiah 50:9

10והיתה כשדים לשלל כל שלליה ישבעו נאם יהוהSelect Jeremiah 50:10

11כי תשמחי (תשמחו) כי תעלזי (תעלזו) שסי נחלתי כי תפושי (תפושו) כעגלה דשה ותצהלי (ותצהלו) כאבריםSelect Jeremiah 50:11

12בושה אמכם מאד חפרה יולדתכם הנה אחרית גוים מדבר ציה וערבהSelect Jeremiah 50:12

13מקצף יהוה לא תשב והיתה שממה כלה כל עבר על בבל ישם וישרק על כל מכותיהSelect Jeremiah 50:13

14ערכו על בבל סביב כל דרכי קשת ידו אליה אל תחמלו אל חץ כי ליהוה חטאהSelect Jeremiah 50:14

15הריעו עליה סביב נתנה ידה נפלו אשויתיה (אשיותיה) נהרסו חומותיה כי נקמת יהוה היא הנקמו בה כאשר עשתה עשו להSelect Jeremiah 50:15

16כרתו זורע מבבל ותפש מגל בעת קציר—מפני חרב היונה איש אל עמו יפנו ואיש לארצו ינסוSelect Jeremiah 50:16

17שה פזורה ישראל אריות הדיחו הראשון אכלו מלך אשור וזה האחרון עצמו נבוכדראצר מלך בבלSelect Jeremiah 50:17

18לכן כה אמר יהוה צבאות אלהי ישראל הנני פקד אל מלך בבל ואל ארצו—כאשר פקדתי אל מלך אשורSelect Jeremiah 50:18

19ושבבתי את ישראל אל נוהו ורעה הכרמל והבשן ובהר אפרים והגלעד תשבע נפשוSelect Jeremiah 50:19

20בימים ההם ובעת ההיא נאם יהוה יבקש את עון ישראל ואיננו ואת חטאת יהודה ולא תמצאינה כי אסלח לאשר אשאירSelect Jeremiah 50:20

21על הארץ מרתים עלה עליה ואל יושבי פקוד חרב והחרם אחריהם נאם יהוה ועשה ככל אשר צויתיךSelect Jeremiah 50:21

22קול מלחמה בארץ—ושבר גדולSelect Jeremiah 50:22

23איך נגדע וישבר פטיש כל הארץ איך היתה לשמה בבל בגויםSelect Jeremiah 50:23

24יקשתי לך וגם נלכדת בבל ואת לא ידעת נמצאת וגם נתפשת—כי ביהוה התגריתSelect Jeremiah 50:24

25פתח יהוה את אוצרו ויוצא את כלי זעמו כי מלאכה היא לאדני יהוה צבאות—בארץ כשדיםSelect Jeremiah 50:25

26באו לה מקץ פתחו מאבסיה סלוה כמו ערמים והחרימוה אל תהי לה שאריתSelect Jeremiah 50:26

27חרבו כל פריה ירדו לטבח הוי עליהם כי בא יומם עת פקדתםSelect Jeremiah 50:27

28קול נסים ופלטים מארץ בבל להגיד בציון את נקמת יהוה אלהינו—נקמת היכלוSelect Jeremiah 50:28

29השמיעו אל בבל רבים כל דרכי קשת חנו עליה סביב אל יהי (לה) פליטה שלמו לה כפעלה ככל אשר עשתה עשו לה כי אל יהוה זדה אל קדוש ישראלSelect Jeremiah 50:29

30לכן יפלו בחוריה ברחבתיה וכל אנשי מלחמתה ידמו ביום ההוא נאם יהוהSelect Jeremiah 50:30

31הנני אליך זדון נאם אדני יהוה צבאות כי בא יומך עת פקדתיךSelect Jeremiah 50:31

32וכשל זדון ונפל ואין לו מקים והצתי אש בעריו ואכלה כל סביבתיוSelect Jeremiah 50:32

33כה אמר יהוה צבאות עשוקים בני ישראל ובני יהודה יחדו וכל שביהם החזיקו בם מאנו שלחםSelect Jeremiah 50:33

34גאלם חזק יהוה צבאות שמו—ריב יריב את ריבם למען הרגיע את הארץ והרגיז לישבי בבלSelect Jeremiah 50:34

35חרב על כשדים נאם יהוה ואל ישבי בבל ואל שריה ואל חכמיהSelect Jeremiah 50:35

36חרב אל הבדים ונאלו חרב אל גבוריה וחתוSelect Jeremiah 50:36

37חרב אל סוסיו ואל רכבו ואל כל הערב אשר בתוכה—והיו לנשים חרב אל אוצרתיה ובזזוSelect Jeremiah 50:37

38חרב אל מימיה ויבשו כי ארץ פסלים היא ובאימים יתהללוSelect Jeremiah 50:38

39לכן ישבו ציים את איים וישבו בה בנות יענה ולא תשב עוד לנצח ולא תשכון עד דור ודרSelect Jeremiah 50:39

40כמהפכת אלהים את סדם ואת עמרה ואת שכניה—נאם יהוה לא ישב שם איש ולא יגור בה בן אדםSelect Jeremiah 50:40

41הנה עם בא מצפון וגוי גדול ומלכים רבים יערו מירכתי ארץSelect Jeremiah 50:41

42קשת וכידן יחזיקו אכזרי המה ולא ירחמו—קולם כים יהמה ועל סוסים ירכבו ערוך כאיש למלחמה עליך בת בבלSelect Jeremiah 50:42

43שמע מלך בבל את שמעם ורפו ידיו צרה החזיקתהו—חיל כיולדהSelect Jeremiah 50:43

44הנה כאריה יעלה מגאון הירדן אל נוה איתן—כי ארגעה ארוצם (אריצם) מעליה ומי בחור אליה אפקד כי מי כמוני ומי יועדני ומי זה רעה אשר יעמד לפניSelect Jeremiah 50:44

45לכן שמעו עצת יהוה אשר יעץ אל בבל ומחשבותיו אשר חשב אל ארץ כשדים אם לא יסחבום צעירי הצאן אם לא ישים עליהם נוהSelect Jeremiah 50:45

46מקול נתפשה בבל נרעשה הארץ וזעקה בגוים נשמעSelect Jeremiah 50:46