52Jeremiah 52

1בן עשרים ואחת שנה צדקיהו במלכו ואחת עשרה שנה מלך בירושלם ושם אמו חמיטל (חמוטל) בת ירמיהו מלבנהSelect Jeremiah 52:1

2ויעש הרע בעיני יהוה ככל אשר עשה יהויקםSelect Jeremiah 52:2

3כי על אף יהוה היתה בירושלם ויהודה עד השליכו אותם מעל פניו וימרד צדקיהו במלך בבלSelect Jeremiah 52:3

4ויהי בשנה התשעית למלכו בחדש העשירי בעשור לחדש בא נבוכדראצר מלך בבל הוא וכל חילו על ירושלם ויחנו עליה ויבנו עליה דיק סביבSelect Jeremiah 52:4

5ותבא העיר במצור עד עשתי עשרה שנה למלך צדקיהוSelect Jeremiah 52:5

6בחדש הרביעי בתשעה לחדש ויחזק הרעב בעיר ולא היה לחם לעם הארץSelect Jeremiah 52:6

7ותבקע העיר וכל אנשי המלחמה יברחו ויצאו מהעיר לילה דרך שער בין החמתים אשר על גן המלך וכשדים על העיר סביב וילכו דרך הערבהSelect Jeremiah 52:7

8וירדפו חיל כשדים אחרי המלך וישיגו את צדקיהו בערבת ירחו וכל חילו—נפצו מעליוSelect Jeremiah 52:8

9ויתפשו את המלך ויעלו אתו אל מלך בבל רבלתה בארץ חמת וידבר אתו משפטיםSelect Jeremiah 52:9

10וישחט מלך בבל את בני צדקיהו לעיניו וגם את כל שרי יהודה שחט ברבלתהSelect Jeremiah 52:10

11ואת עיני צדקיהו עור ויאסרהו בנחשתים ויבאהו מלך בבל בבלה ויתנהו בבית (בית) הפקדת עד יום מותוSelect Jeremiah 52:11

12ובחדש החמישי בעשור לחדש היא שנת תשע עשרה שנה למלך נבוכדראצר מלך בבל—בא נבוזראדן רב טבחים עמד לפני מלך בבל בירושלםSelect Jeremiah 52:12

13וישרף את בית יהוה ואת בית המלך ואת כל בתי ירושלם ואת כל בית הגדול שרף באשSelect Jeremiah 52:13

14ואת כל חמות ירושלם סביב נתצו כל חיל כשדים אשר את רב טבחיםSelect Jeremiah 52:14

15ומדלות העם ואת יתר העם הנשארים בעיר ואת הנפלים אשר נפלו אל מלך בבל ואת יתר האמון—הגלה נבוזראדן רב טבחיםSelect Jeremiah 52:15

16ומדלות הארץ—השאיר נבוזראדן רב טבחים לכרמים וליגביםSelect Jeremiah 52:16

17ואת עמודי הנחשת אשר לבית יהוה ואת המכנות ואת ים הנחשת אשר בבית יהוה—שברו כשדים וישאו את כל נחשתם בבלהSelect Jeremiah 52:17

18ואת הסרות ואת היעים ואת המזמרות ואת המזרקת ואת הכפות ואת כל כלי הנחשת אשר ישרתו בהם—לקחוSelect Jeremiah 52:18

19ואת הספים ואת המחתות ואת המזרקות ואת הסירות ואת המנרות ואת הכפות ואת המנקיות אשר זהב זהב ואשר כסף כסף—לקח רב טבחיםSelect Jeremiah 52:19

20העמודים שנים הים אחד והבקר שנים עשר נחשת אשר תחת המכנות אשר עשה המלך שלמה לבית יהוה—לא היה משקל לנחשתם כל הכלים האלהSelect Jeremiah 52:20

21והעמודים שמנה עשרה אמה קומה (קומת) העמד האחד וחוט שתים עשרה אמה יסבנו ועביו ארבע אצבעות נבובSelect Jeremiah 52:21

22וכתרת עליו נחשת וקומת הכתרת האחת חמש אמות ושבכה ורמונים על הכותרת סביב הכל נחשת וכאלה לעמוד השני ורמוניםSelect Jeremiah 52:22

23ויהיו הרמנים—תשעים וששה רוחה כל הרמונים מאה על השבכה סביבSelect Jeremiah 52:23

24ויקח רב טבחים את שריה כהן הראש ואת צפניה כהן המשנה—ואת שלשת שמרי הסףSelect Jeremiah 52:24

25ומן העיר לקח סריס אחד אשר היה פקיד על אנשי המלחמה ושבעה אנשים מראי פני המלך אשר נמצאו בעיר ואת ספר שר הצבא המצבא את עם הארץ וששים איש מעם הארץ הנמצאים בתוך העירSelect Jeremiah 52:25

26ויקח אותם נבוזראדן רב טבחים וילך אותם אל מלך בבל רבלתהSelect Jeremiah 52:26

27ויכה אותם מלך בבל וימתם ברבלה בארץ חמת ויגל יהודה מעל אדמתוSelect Jeremiah 52:27

28זה העם אשר הגלה נבוכדראצר בשנת שבע—יהודים שלשת אלפים ועשרים ושלשהSelect Jeremiah 52:28

29בשנת שמונה עשרה לנבוכדראצר מירושלם—נפש שמנה מאות שלשים ושניםSelect Jeremiah 52:29

30בשנת שלש ועשרים לנבוכדראצר הגלה נבוזראדן רב טבחים יהודים נפש שבע מאות ארבעים וחמשה כל נפש ארבעת אלפים ושש מאותSelect Jeremiah 52:30

31ויהי בשלשים ושבע שנה לגלות יהויכן מלך יהודה בשנים עשר חדש בעשרים וחמשה לחדש נשא אויל מרדך מלך בבל בשנת מלכתו את ראש יהויכין מלך יהודה ויצא אתו מבית הכליא (הכלוא)Select Jeremiah 52:31

32וידבר אתו טבות ויתן את כסאו ממעל לכסא מלכים (המלכים) אשר אתו בבבלSelect Jeremiah 52:32

33ושנה את בגדי כלאו ואכל לחם לפניו תמיד כל ימי חיוSelect Jeremiah 52:33

34וארחתו ארחת תמיד נתנה לו מאת מלך בבל דבר יום ביומו—עד יום מותו כל ימי חייוSelect Jeremiah 52:34