7Jeremiah 7

1הדבר אשר היה אל ירמיהו מאת יהוה לאמרSelect Jeremiah 7:1

2עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוהSelect Jeremiah 7:2

3כה אמר יהוה צבאות אלהי ישראל היטיבו דרכיכם ומעלליכם ואשכנה אתכם במקום הזהSelect Jeremiah 7:3

4אל תבטחו לכם אל דברי השקר לאמר היכל יהוה היכל יהוה היכל יהוה המהSelect Jeremiah 7:4

5כי אם היטיב תיטיבו את דרכיכם ואת מעלליכם אם עשו תעשו משפט בין איש ובין רעהוSelect Jeremiah 7:5

6גר יתום ואלמנה לא תעשקו ודם נקי אל תשפכו במקום הזה ואחרי אלהים אחרים לא תלכו לרע לכםSelect Jeremiah 7:6

7ושכנתי אתכם במקום הזה—בארץ אשר נתתי לאבותיכם למן עולם ועד עולםSelect Jeremiah 7:7

8הנה אתם בטחים לכם על דברי השקר—לבלתי הועילSelect Jeremiah 7:8

9הגנב רצח ונאף והשבע לשקר וקטר לבעל והלך אחרי אלהים אחרים—אשר לא ידעתםSelect Jeremiah 7:9

10ובאתם ועמדתם לפני בבית הזה אשר נקרא שמי עליו ואמרתם נצלנו—למען עשות את כל התועבות האלהSelect Jeremiah 7:10

11המערת פרצים היה הבית הזה אשר נקרא שמי עליו—בעיניכם גם אנכי הנה ראיתי נאם יהוהSelect Jeremiah 7:11

12כי לכו נא אל מקומי אשר בשילו אשר שכנתי שמי שם בראשונה וראו את אשר עשיתי לו מפני רעת עמי ישראלSelect Jeremiah 7:12

13ועתה יען עשותכם את כל המעשים האלה—נאם יהוה ואדבר אליכם השכם ודבר ולא שמעתם ואקרא אתכם ולא עניתםSelect Jeremiah 7:13

14ועשיתי לבית אשר נקרא שמי עליו אשר אתם בטחים בו ולמקום אשר נתתי לכם ולאבותיכם—כאשר עשיתי לשלוSelect Jeremiah 7:14

15והשלכתי אתכם מעל פני כאשר השלכתי את כל אחיכם את כל זרע אפריםSelect Jeremiah 7:15

16ואתה אל תתפלל בעד העם הזה ואל תשא בעדם רנה ותפלה—ואל תפגע בי כי אינני שמע אתךSelect Jeremiah 7:16

17האינך ראה מה המה עשים בערי יהודה ובחצות ירושלםSelect Jeremiah 7:17

18הבנים מלקטים עצים והאבות מבערים את האש והנשים לשות בצק לעשות כונים למלכת השמים והסך נסכים לאלהים אחרים—למען הכעסניSelect Jeremiah 7:18

19האתי הם מכעסים נאם יהוה הלוא אתם למען בשת פניהםSelect Jeremiah 7:19

20לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השדה ועל פרי האדמה ובערה ולא תכבהSelect Jeremiah 7:20

21כה אמר יהוה צבאות אלהי ישראל עלותיכם ספו על זבחיכם ואכלו בשרSelect Jeremiah 7:21

22כי לא דברתי את אבותיכם ולא צויתים ביום הוציא (הוציאי) אותם מארץ מצרים—על דברי עולה וזבחSelect Jeremiah 7:22

23כי אם את הדבר הזה צויתי אותם לאמר שמעו בקולי—והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכםSelect Jeremiah 7:23

24ולא שמעו ולא הטו את אזנם וילכו במעצות בשררות לבם הרע ויהיו לאחור ולא לפניםSelect Jeremiah 7:24

25למן היום אשר יצאו אבותיכם מארץ מצרים עד היום הזה—ואשלח אליכם את כל עבדי הנביאים יום השכם ושלחSelect Jeremiah 7:25

26ולוא שמעו אלי ולא הטו את אזנם ויקשו את ערפם—הרעו מאבותםSelect Jeremiah 7:26

27ודברת אליהם את כל הדברים האלה ולא ישמעו אליך וקראת אליהם ולא יענוכהSelect Jeremiah 7:27

28ואמרת אליהם זה הגוי אשר לוא שמעו בקול יהוה אלהיו ולא לקחו מוסר אבדה האמונה ונכרתה מפיהםSelect Jeremiah 7:28

29גזי נזרך והשליכי ושאי על שפים קינה כי מאס יהוה ויטש את דור עברתוSelect Jeremiah 7:29

30כי עשו בני יהודה הרע בעיני נאם יהוה שמו שקוציהם בבית אשר נקרא שמי עליו—לטמאוSelect Jeremiah 7:30

31ובנו במות התפת אשר בגיא בן הנם לשרף את בניהם ואת בנתיהם באש—אשר לא צויתי ולא עלתה על לביSelect Jeremiah 7:31

32לכן הנה ימים באים נאם יהוה ולא יאמר עוד התפת וגיא בן הנם כי אם גיא ההרגה וקברו בתפת מאין מקוםSelect Jeremiah 7:32

33והיתה נבלת העם הזה למאכל לעוף השמים ולבהמת הארץ ואין מחרידSelect Jeremiah 7:33

34והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץSelect Jeremiah 7:34