Isaiah Chapter 7 Aleppo Codex

Major prophets · Isaiah · Aleppo Codex · 25 verses

Verse layout

📝 Overview of this chapter Flow, key verses and people

이사야 7장은 아람과 북이스라엘의 동맹군 앞에서 두려워하는 유다 왕 아하스에게 이사야가 믿음을 촉구하고 임마누엘의 징조를 전하는 장이다. 이어 앗수르의 침략을 예고한다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

7Isaiah · Aleppo Codex

¹ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישראל ירושלם למלחמה עליה ולא יכל להלחם עליה

²ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח

³ויאמר יהוה אל ישעיהו צא נא לקראת אחז אתה ושאר ישוב בנך אל קצה תעלת הברכה העליונה—אל מסלת שדה כובס

⁴ואמרת אליו השמר והשקט אל תירא ולבבך אל ירך משני זנבות האודים העשנים האלה—בחרי אף רצין וארם ובן רמליהו

⁵יען כי יעץ עליך ארם—רעה אפרים ובן רמליהו לאמר

⁶נעלה ביהודה ונקיצנה ונבקענה אלינו ונמליך מלך בתוכה את בן טבאל

⁷כה אמר אדני יהוה לא תקום ולא תהיה

⁸כי ראש ארם דמשק וראש דמשק רצין ובעוד ששים וחמש שנה יחת אפרים מעם

⁹וראש אפרים שמרון וראש שמרון בן רמליהו אם לא תאמינו כי לא תאמנו

¹⁰ויוסף יהוה דבר אל אחז לאמר

¹¹שאל לך אות מעם יהוה אלהיך העמק שאלה או הגבה למעלה

¹²ויאמר אחז לא אשאל ולא אנסה את יהוה

¹³ויאמר שמעו נא בית דוד המעט מכם הלאות אנשים כי תלאו גם את אלהי

¹⁴לכן יתן אדני הוא לכם—אות הנה העלמה הרה וילדת בן וקראת שמו עמנו אל Notes

¹⁵חמאה ודבש יאכל—לדעתו מאוס ברע ובחור בטוב

¹⁶כי בטרם ידע הנער מאס ברע—ובחר בטוב תעזב האדמה אשר אתה קץ מפני שני מלכיה

¹⁷יביא יהוה עליך ועל עמך ועל בית אביך ימים אשר לא באו למיום סור אפרים מעל יהודה את מלך אשור

¹⁸והיה ביום ההוא ישרק יהוה לזבוב אשר בקצה יארי מצרים ולדבורה—אשר בארץ אשור

¹⁹ובאו ונחו כלם בנחלי הבתות ובנקיקי הסלעים ובכל הנעצוצים ובכל הנהללים

²⁰ביום ההוא יגלח אדני בתער השכירה בעברי נהר במלך אשור את הראש ושער הרגלים וגם את הזקן תספה

²¹והיה ביום ההוא יחיה איש עגלת בקר ושתי צאן

²²והיה מרב עשות חלב—יאכל חמאה כי חמאה ודבש יאכל כל הנותר בקרב הארץ

²³והיה ביום ההוא—יהיה כל מקום אשר יהיה שם אלף גפן באלף כסף לשמיר ולשית יהיה

²⁴בחצים ובקשת יבוא שמה כי שמיר ושית תהיה כל הארץ

²⁵וכל ההרים אשר במעדר יעדרון—לא תבוא שמה יראת שמיר ושית והיה למשלח שור ולמרמס שה

Aleppo Codex
Tap a verse to copy, share, highlight or add a note. Dotted words link to encyclopedia articles.

25 verses in this chapter

7 / 66 chapters

The text is Aleppo Codex(고대 히브리어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Isaiah Chapter 7 Aleppo Codex

Verse commentaries for this chapter 1

Articles mentioning this chapter

More