11Genesis 11

1ויהי כל הארץ שפה אחת ודברים אחדיםSelect Genesis 11:1

2ויהי בנסעם מקדם וימצאו בקעה בארץ שנער וישבו שםSelect Genesis 11:2

3ויאמרו איש אל רעהו הבה נלבנה לבנים ונשרפה לשרפה ותהי להם הלבנה לאבן והחמר היה להם לחמרSelect Genesis 11:3

4ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץSelect Genesis 11:4

5וירד יהוה לראת את העיר ואת המגדל אשר בנו בני האדםSelect Genesis 11:5

6ויאמר יהוה הן עם אחד ושפה אחת לכלם וזה החלם לעשות ועתה לא יבצר מהם כל אשר יזמו לעשותSelect Genesis 11:6

7הבה נרדה ונבלה שם שפתם—אשר לא ישמעו איש שפת רעהוSelect Genesis 11:7

8ויפץ יהוה אתם משם על פני כל הארץ ויחדלו לבנת העירSelect Genesis 11:8

9על כן קרא שמה בבל כי שם בלל יהוה שפת כל הארץ ומשם הפיצם יהוה על פני כל הארץSelect Genesis 11:9

10אלה תולדת שם—שם בן מאת שנה ויולד את ארפכשד שנתים אחר המבולSelect Genesis 11:10

11ויחי שם אחרי הולידו את ארפכשד חמש מאות שנה ויולד בנים ובנותSelect Genesis 11:11

12וארפכשד חי חמש ושלשים שנה ויולד את שלחSelect Genesis 11:12

13ויחי ארפכשד אחרי הולידו את שלח שלש שנים וארבע מאות שנה ויולד בנים ובנותSelect Genesis 11:13

14ושלח חי שלשים שנה ויולד את עברSelect Genesis 11:14

15ויחי שלח אחרי הולידו את עבר שלש שנים וארבע מאות שנה ויולד בנים ובנותSelect Genesis 11:15

16ויחי עבר ארבע ושלשים שנה ויולד את פלגSelect Genesis 11:16

17ויחי עבר אחרי הולידו את פלג שלשים שנה וארבע מאות שנה ויולד בנים ובנותSelect Genesis 11:17

18ויחי פלג שלשים שנה ויולד את רעוSelect Genesis 11:18

19ויחי פלג אחרי הולידו את רעו תשע שנים ומאתים שנה ויולד בנים ובנותSelect Genesis 11:19

20ויחי רעו שתים ושלשים שנה ויולד את שרוגSelect Genesis 11:20

21ויחי רעו אחרי הולידו את שרוג שבע שנים ומאתים שנה ויולד בנים ובנותSelect Genesis 11:21

22ויחי שרוג שלשים שנה ויולד את נחורSelect Genesis 11:22

23ויחי שרוג אחרי הולידו את נחור—מאתים שנה ויולד בנים ובנותSelect Genesis 11:23

24ויחי נחור תשע ועשרים שנה ויולד את תרחSelect Genesis 11:24

25ויחי נחור אחרי הולידו את תרח תשע עשרה שנה ומאת שנה ויולד בנים ובנותSelect Genesis 11:25

26ויחי תרח שבעים שנה ויולד את אברם את נחור ואת הרןSelect Genesis 11:26

27ואלה תולדת תרח—תרח הוליד את אברם את נחור ואת הרן והרן הוליד את לוטSelect Genesis 11:27

28וימת הרן על פני תרח אביו בארץ מולדתו באור כשדיםSelect Genesis 11:28

29ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכהSelect Genesis 11:29

30ותהי שרי עקרה אין לה ולדSelect Genesis 11:30

31ויקח תרח את אברם בנו ואת לוט בן הרן בן בנו ואת שרי כלתו אשת אברם בנו ויצאו אתם מאור כשדים ללכת ארצה כנען ויבאו עד חרן וישבו שםSelect Genesis 11:31

32ויהיו ימי תרח חמש שנים ומאתים שנה וימת תרח בחרןSelect Genesis 11:32