16Genesis 16

1ושרי אשת אברם לא ילדה לו ולה שפחה מצרית ושמה הגרSelect Genesis 16:1

2ותאמר שרי אל אברם הנה נא עצרני יהוה מלדת—בא נא אל שפחתי אולי אבנה ממנה וישמע אברם לקול שריSelect Genesis 16:2

3ותקח שרי אשת אברם את הגר המצרית שפחתה מקץ עשר שנים לשבת אברם בארץ כנען ותתן אתה לאברם אישה לו לאשהSelect Genesis 16:3

4ויבא אל הגר ותהר ותרא כי הרתה ותקל גברתה בעיניהSelect Genesis 16:4

5ותאמר שרי אל אברם חמסי עליך—אנכי נתתי שפחתי בחיקך ותרא כי הרתה ואקל בעיניה ישפט יהוה ביני וביניךSelect Genesis 16:5

6ויאמר אברם אל שרי הנה שפחתך בידך—עשי לה הטוב בעיניך ותענה שרי ותברח מפניהSelect Genesis 16:6

7וימצאה מלאך יהוה על עין המים—במדבר על העין בדרך שורSelect Genesis 16:7

8ויאמר הגר שפחת שרי אי מזה באת—ואנה תלכי ותאמר—מפני שרי גברתי אנכי ברחתSelect Genesis 16:8

9ויאמר לה מלאך יהוה שובי אל גברתך והתעני תחת ידיהSelect Genesis 16:9

10ויאמר לה מלאך יהוה הרבה ארבה את זרעך ולא יספר מרבSelect Genesis 16:10

11ויאמר לה מלאך יהוה הנך הרה וילדת בן וקראת שמו ישמעאל כי שמע יהוה אל עניךSelect Genesis 16:11

12והוא יהיה פרא אדם—ידו בכל ויד כל בו ועל פני כל אחיו ישכןSelect Genesis 16:12

13ותקרא שם יהוה הדבר אליה אתה אל ראי כי אמרה הגם הלם ראיתי—אחרי ראיSelect Genesis 16:13

14על כן קרא לבאר באר לחי ראי—הנה בין קדש ובין ברדSelect Genesis 16:14

15ותלד הגר לאברם בן ויקרא אברם שם בנו אשר ילדה הגר ישמעאלSelect Genesis 16:15

16ואברם בן שמנים שנה ושש שנים בלדת הגר את ישמעאל לאברםSelect Genesis 16:16