19Genesis 19

1ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצהSelect Genesis 19:1

2ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נליןSelect Genesis 19:2

3ויפצר בם מאד—ויסרו אליו ויבאו אל ביתו ויעש להם משתה ומצות אפה ויאכלוSelect Genesis 19:3

4טרם ישכבו ואנשי העיר אנשי סדם נסבו על הבית מנער ועד זקן כל העם מקצהSelect Genesis 19:4

5ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתםSelect Genesis 19:5

6ויצא אלהם לוט הפתחה והדלת סגר אחריוSelect Genesis 19:6

7ויאמר אל נא אחי תרעוSelect Genesis 19:7

8הנה נא לי שתי בנות אשר לא ידעו איש—אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתיSelect Genesis 19:8

9ויאמרו גש הלאה ויאמרו האחד בא לגור וישפט שפוט—עתה נרע לך מהם ויפצרו באיש בלוט מאד ויגשו לשבר הדלתSelect Genesis 19:9

10וישלחו האנשים את ידם ויביאו את לוט אליהם הביתה ואת הדלת סגרוSelect Genesis 19:10

11ואת האנשים אשר פתח הבית הכו בסנורים מקטן ועד גדול וילאו למצא הפתחSelect Genesis 19:11

12ויאמרו האנשים אל לוט עד מי לך פה—חתן ובניך ובנתיך וכל אשר לך בעיר הוצא מן המקוםSelect Genesis 19:12

13כי משחתים אנחנו את המקום הזה כי גדלה צעקתם את פני יהוה וישלחנו יהוה לשחתהSelect Genesis 19:13

14ויצא לוט וידבר אל חתניו לקחי בנתיו ויאמר קומו צאו מן המקום הזה כי משחית יהוה את העיר ויהי כמצחק בעיני חתניוSelect Genesis 19:14

15וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת—פן תספה בעון העירSelect Genesis 19:15

16ויתמהמה—ויחזיקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעירSelect Genesis 19:16

17ויהי כהוציאם אתם החוצה ויאמר המלט על נפשך—אל תביט אחריך ואל תעמד בכל הככר ההרה המלט פן תספהSelect Genesis 19:17

18ויאמר לוט אלהם אל נא אדניSelect Genesis 19:18

19הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה—פן תדבקני הרעה ומתיSelect Genesis 19:19

20הנה נא העיר הזאת קרבה לנוס שמה—והוא מצער אמלטה נא שמה הלא מצער הוא—ותחי נפשיSelect Genesis 19:20

21ויאמר אליו—הנה נשאתי פניך גם לדבר הזה לבלתי הפכי את העיר אשר דברתSelect Genesis 19:21

22מהר המלט שמה כי לא אוכל לעשות דבר עד באך שמה על כן קרא שם העיר צוערSelect Genesis 19:22

23השמש יצא על הארץ ולוט בא צערהSelect Genesis 19:23

24ויהוה המטיר על סדם ועל עמרה—גפרית ואש מאת יהוה מן השמיםSelect Genesis 19:24

25ויהפך את הערים האל ואת כל הככר ואת כל ישבי הערים וצמח האדמהSelect Genesis 19:25

26ותבט אשתו מאחריו ותהי נציב מלחSelect Genesis 19:26

27וישכם אברהם בבקר אל המקום—אשר עמד שם את פני יהוהSelect Genesis 19:27

28וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשןSelect Genesis 19:28

29ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוטSelect Genesis 19:29

30ויעל לוט מצוער וישב בהר ושתי בנתיו עמו כי ירא לשבת בצוער וישב במערה—הוא ושתי בנתיוSelect Genesis 19:30

31ותאמר הבכירה אל הצעירה אבינו זקן ואיש אין בארץ לבוא עלינו כדרך כל הארץSelect Genesis 19:31

32לכה נשקה את אבינו יין ונשכבה עמו ונחיה מאבינו זרעSelect Genesis 19:32

33ותשקין את אביהן יין בלילה הוא ותבא הבכירה ותשכב את אביה ולא ידע בשכבה ובקומהSelect Genesis 19:33

34ויהי ממחרת ותאמר הבכירה אל הצעירה הן שכבתי אמש את אבי נשקנו יין גם הלילה ובאי שכבי עמו ונחיה מאבינו זרעSelect Genesis 19:34

35ותשקין גם בלילה ההוא את אביהן—יין ותקם הצעירה ותשכב עמו ולא ידע בשכבה ובקמהSelect Genesis 19:35

36ותהרין שתי בנות לוט מאביהןSelect Genesis 19:36

37ותלד הבכירה בן ותקרא שמו מואב הוא אבי מואב עד היוםSelect Genesis 19:37

38והצעירה גם הוא ילדה בן ותקרא שמו בן עמי הוא אבי בני עמון עד היוםSelect Genesis 19:38