2Genesis 2

1ויכלו השמים והארץ וכל צבאםSelect Genesis 2:1

2ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשהSelect Genesis 2:2

3ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשותSelect Genesis 2:3

4אלה תולדות השמים והארץ בהבראם ביום עשות יהוה אלהים—ארץ ושמיםSelect Genesis 2:4

5וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמהSelect Genesis 2:5

6ואד יעלה מן הארץ והשקה את כל פני האדמהSelect Genesis 2:6

7וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיהSelect Genesis 2:7

8ויטע יהוה אלהים גן בעדן—מקדם וישם שם את האדם אשר יצרSelect Genesis 2:8

9ויצמח יהוה אלהים מן האדמה כל עץ נחמד למראה וטוב למאכל—ועץ החיים בתוך הגן ועץ הדעת טוב ורעSelect Genesis 2:9

10ונהר יצא מעדן להשקות את הגן ומשם יפרד והיה לארבעה ראשיםSelect Genesis 2:10

11שם האחד פישון—הוא הסבב את כל ארץ החוילה אשר שם הזהבSelect Genesis 2:11

12וזהב הארץ ההוא טוב שם הבדלח ואבן השהםSelect Genesis 2:12

13ושם הנהר השני גיחון—הוא הסובב את כל ארץ כושSelect Genesis 2:13

14ושם הנהר השלישי חדקל הוא ההלך קדמת אשור והנהר הרביעי הוא פרתSelect Genesis 2:14

15ויקח יהוה אלהים את האדם וינחהו בגן עדן לעבדה ולשמרהSelect Genesis 2:15

16ויצו יהוה אלהים על האדם לאמר מכל עץ הגן אכל תאכלSelect Genesis 2:16

17ומעץ הדעת טוב ורע—לא תאכל ממנו כי ביום אכלך ממנו—מות תמותSelect Genesis 2:17

18ויאמר יהוה אלהים לא טוב היות האדם לבדו אעשה לו עזר כנגדוSelect Genesis 2:18

19ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמוSelect Genesis 2:19

20ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדוSelect Genesis 2:20

21ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנהSelect Genesis 2:21

22ויבן יהוה אלהים את הצלע אשר לקח מן האדם לאשה ויבאה אל האדםSelect Genesis 2:22

23ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאתSelect Genesis 2:23

24על כן יעזב איש את אביו ואת אמו ודבק באשתו והיו לבשר אחדSelect Genesis 2:24

25ויהיו שניהם ערומים האדם ואשתו ולא יתבששוSelect Genesis 2:25