23Genesis 23

1ויהיו חיי שרה מאה שנה ועשרים שנה ושבע שנים—שני חיי שרהSelect Genesis 23:1

2ותמת שרה בקרית ארבע הוא חברון—בארץ כנען ויבא אברהם לספד לשרה ולבכתהSelect Genesis 23:2

3ויקם אברהם מעל פני מתו וידבר אל בני חת לאמרSelect Genesis 23:3

4גר ותושב אנכי עמכם תנו לי אחזת קבר עמכם ואקברה מתי מלפניSelect Genesis 23:4

5ויענו בני חת את אברהם לאמר לוSelect Genesis 23:5

6שמענו אדני נשיא אלהים אתה בתוכנו—במבחר קברינו קבר את מתך איש ממנו את קברו לא יכלה ממך מקבר מתךSelect Genesis 23:6

7ויקם אברהם וישתחו לעם הארץ לבני חתSelect Genesis 23:7

8וידבר אתם לאמר אם יש את נפשכם לקבר את מתי מלפני—שמעוני ופגעו לי בעפרון בן צחרSelect Genesis 23:8

9ויתן לי את מערת המכפלה אשר לו אשר בקצה שדהו בכסף מלא יתננה לי בתוככם—לאחזת קברSelect Genesis 23:9

10ועפרון ישב בתוך בני חת ויען עפרון החתי את אברהם באזני בני חת לכל באי שער עירו לאמרSelect Genesis 23:10

11לא אדני שמעני—השדה נתתי לך והמערה אשר בו לך נתתיה לעיני בני עמי נתתיה לך קבר מתךSelect Genesis 23:11

12וישתחו אברהם לפני עם הארץSelect Genesis 23:12

13וידבר אל עפרון באזני עם הארץ לאמר אך אם אתה לו שמעני נתתי כסף השדה קח ממני ואקברה את מתי שמהSelect Genesis 23:13

14ויען עפרון את אברהם לאמר לוSelect Genesis 23:14

15אדני שמעני ארץ ארבע מאת שקל כסף ביני ובינך מה הוא ואת מתך קברSelect Genesis 23:15

16וישמע אברהם אל עפרון וישקל אברהם לעפרן את הכסף אשר דבר באזני בני חת—ארבע מאות שקל כסף עבר לסחרSelect Genesis 23:16

17ויקם שדה עפרון אשר במכפלה אשר לפני ממרא השדה והמערה אשר בו וכל העץ אשר בשדה אשר בכל גבלו סביבSelect Genesis 23:17

18לאברהם למקנה לעיני בני חת בכל באי שער עירוSelect Genesis 23:18

19ואחרי כן קבר אברהם את שרה אשתו אל מערת שדה המכפלה על פני ממרא—הוא חברון בארץ כנעןSelect Genesis 23:19

20ויקם השדה והמערה אשר בו לאברהם—לאחזת קבר מאת בני חתSelect Genesis 23:20