29Genesis 29

1וישא יעקב רגליו וילך ארצה בני קדםSelect Genesis 29:1

2וירא והנה באר בשדה והנה שם שלשה עדרי צאן רבצים עליה—כי מן הבאר ההוא ישקו העדרים והאבן גדלה על פי הבארSelect Genesis 29:2

3ונאספו שמה כל העדרים וגללו את האבן מעל פי הבאר והשקו את הצאן והשיבו את האבן על פי הבאר למקמהSelect Genesis 29:3

4ויאמר להם יעקב אחי מאין אתם ויאמרו מחרן אנחנוSelect Genesis 29:4

5ויאמר להם הידעתם את לבן בן נחור ויאמרו ידענוSelect Genesis 29:5

6ויאמר להם השלום לו ויאמרו שלום—והנה רחל בתו באה עם הצאןSelect Genesis 29:6

7ויאמר הן עוד היום גדול—לא עת האסף המקנה השקו הצאן ולכו רעוSelect Genesis 29:7

8ויאמרו לא נוכל עד אשר יאספו כל העדרים וגללו את האבן מעל פי הבאר והשקינו הצאןSelect Genesis 29:8

9עודנו מדבר עמם ורחל באה עם הצאן אשר לאביה—כי רעה הואSelect Genesis 29:9

10ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמוSelect Genesis 29:10

11וישק יעקב לרחל וישא את קלו ויבךSelect Genesis 29:11

12ויגד יעקב לרחל כי אחי אביה הוא וכי בן רבקה הוא ותרץ ותגד לאביהSelect Genesis 29:12

13ויהי כשמע לבן את שמע יעקב בן אחתו וירץ לקראתו ויחבק לו וינשק לו ויביאהו אל ביתו ויספר ללבן את כל הדברים האלהSelect Genesis 29:13

14ויאמר לו לבן אך עצמי ובשרי אתה וישב עמו חדש ימיםSelect Genesis 29:14

15ויאמר לבן ליעקב הכי אחי אתה ועבדתני חנם הגידה לי מה משכרתךSelect Genesis 29:15

16וללבן שתי בנות שם הגדלה לאה ושם הקטנה רחלSelect Genesis 29:16

17ועיני לאה רכות ורחל היתה יפת תאר ויפת מראהSelect Genesis 29:17

18ויאהב יעקב את רחל ויאמר אעבדך שבע שנים ברחל בתך הקטנהSelect Genesis 29:18

19ויאמר לבן טוב תתי אתה לך מתתי אתה לאיש אחר שבה עמדיSelect Genesis 29:19

20ויעבד יעקב ברחל שבע שנים ויהיו בעיניו כימים אחדים באהבתו אתהSelect Genesis 29:20

21ויאמר יעקב אל לבן הבה את אשתי כי מלאו ימי ואבואה אליהSelect Genesis 29:21

22ויאסף לבן את כל אנשי המקום ויעש משתהSelect Genesis 29:22

23ויהי בערב—ויקח את לאה בתו ויבא אתה אליו ויבא אליהSelect Genesis 29:23

24ויתן לבן לה את זלפה שפחתו—ללאה בתו שפחהSelect Genesis 29:24

25ויהי בבקר והנה הוא לאה ויאמר אל לבן מה זאת עשית לי—הלא ברחל עבדתי עמך ולמה רמיתניSelect Genesis 29:25

26ויאמר לבן לא יעשה כן במקומנו—לתת הצעירה לפני הבכירהSelect Genesis 29:26

27מלא שבע זאת ונתנה לך גם את זאת בעבדה אשר תעבד עמדי עוד שבע שנים אחרותSelect Genesis 29:27

28ויעש יעקב כן וימלא שבע זאת ויתן לו את רחל בתו לו לאשהSelect Genesis 29:28

29ויתן לבן לרחל בתו את בלהה שפחתו—לה לשפחהSelect Genesis 29:29

30ויבא גם אל רחל ויאהב גם את רחל מלאה ויעבד עמו עוד שבע שנים אחרותSelect Genesis 29:30

31וירא יהוה כי שנואה לאה ויפתח את רחמה ורחל עקרהSelect Genesis 29:31

32ותהר לאה ותלד בן ותקרא שמו ראובן כי אמרה כי ראה יהוה בעניי—כי עתה יאהבני אישיSelect Genesis 29:32

33ותהר עוד ותלד בן ותאמר כי שמע יהוה כי שנואה אנכי ויתן לי גם את זה ותקרא שמו שמעוןSelect Genesis 29:33

34ותהר עוד ותלד בן ותאמר עתה הפעם ילוה אישי אלי כי ילדתי לו שלשה בנים על כן קרא שמו לויSelect Genesis 29:34

35ותהר עוד ותלד בן ותאמר הפעם אודה את יהוה—על כן קראה שמו יהודה ותעמד מלדתSelect Genesis 29:35