31Genesis 31

1וישמע את דברי בני לבן לאמר לקח יעקב את כל אשר לאבינו ומאשר לאבינו—עשה את כל הכבד הזהSelect Genesis 31:1

2וירא יעקב את פני לבן והנה איננו עמו כתמול שלשוםSelect Genesis 31:2

3ויאמר יהוה אל יעקב שוב אל ארץ אבותיך ולמולדתך ואהיה עמךSelect Genesis 31:3

4וישלח יעקב ויקרא לרחל וללאה השדה אל צאנוSelect Genesis 31:4

5ויאמר להן ראה אנכי את פני אביכן כי איננו אלי כתמל שלשם ואלהי אבי היה עמדיSelect Genesis 31:5

6ואתנה ידעתן כי בכל כחי עבדתי את אביכןSelect Genesis 31:6

7ואביכן התל בי והחלף את משכרתי עשרת מנים ולא נתנו אלהים להרע עמדיSelect Genesis 31:7

8אם כה יאמר נקדים יהיה שכרך—וילדו כל הצאן נקדים ואם כה יאמר עקדים יהיה שכרך—וילדו כל הצאן עקדיםSelect Genesis 31:8

9ויצל אלהים את מקנה אביכם ויתן ליSelect Genesis 31:9

10ויהי בעת יחם הצאן ואשא עיני וארא בחלום והנה העתדים העלים על הצאן עקדים נקדים וברדיםSelect Genesis 31:10

11ויאמר אלי מלאך האלהים בחלום—יעקב ואמר הנניSelect Genesis 31:11

12ויאמר שא נא עיניך וראה כל העתדים העלים על הצאן עקדים נקדים וברדים כי ראיתי את כל אשר לבן עשה לךSelect Genesis 31:12

13אנכי האל בית אל אשר משחת שם מצבה אשר נדרת לי שם נדר עתה קום צא מן הארץ הזאת ושוב אל ארץ מולדתךSelect Genesis 31:13

14ותען רחל ולאה ותאמרנה לו העוד לנו חלק ונחלה בבית אבינוSelect Genesis 31:14

15הלוא נכריות נחשבנו לו כי מכרנו ויאכל גם אכול את כספנוSelect Genesis 31:15

16כי כל העשר אשר הציל אלהים מאבינו—לנו הוא ולבנינו ועתה כל אשר אמר אלהים אליך—עשהSelect Genesis 31:16

17ויקם יעקב וישא את בניו ואת נשיו על הגמליםSelect Genesis 31:17

18וינהג את כל מקנהו ואת כל רכשו אשר רכש—מקנה קנינו אשר רכש בפדן ארם לבוא אל יצחק אביו ארצה כנעןSelect Genesis 31:18

19ולבן הלך לגזז את צאנו ותגנב רחל את התרפים אשר לאביהSelect Genesis 31:19

20ויגנב יעקב את לב לבן הארמי—על בלי הגיד לו כי ברח הואSelect Genesis 31:20

21ויברח הוא וכל אשר לו ויקם ויעבר את הנהר וישם את פניו הר הגלעדSelect Genesis 31:21

22ויגד ללבן ביום השלישי כי ברח יעקבSelect Genesis 31:22

23ויקח את אחיו עמו וירדף אחריו דרך שבעת ימים וידבק אתו בהר הגלעדSelect Genesis 31:23

24ויבא אלהים אל לבן הארמי בחלם הלילה ויאמר לו השמר לך פן תדבר עם יעקב—מטוב עד רעSelect Genesis 31:24

25וישג לבן את יעקב ויעקב תקע את אהלו בהר ולבן תקע את אחיו בהר הגלעדSelect Genesis 31:25

26ויאמר לבן ליעקב מה עשית ותגנב את לבבי ותנהג את בנתי כשביות חרבSelect Genesis 31:26

27למה נחבאת לברח ותגנב אתי ולא הגדת לי ואשלחך בשמחה ובשרים בתף ובכנורSelect Genesis 31:27

28ולא נטשתני לנשק לבני ולבנתי עתה הסכלת עשוSelect Genesis 31:28

29יש לאל ידי לעשות עמכם רע ואלהי אביכם אמש אמר אלי לאמר השמר לך מדבר עם יעקב—מטוב עד רעSelect Genesis 31:29

30ועתה הלך הלכת כי נכסף נכספתה לבית אביך למה גנבת את אלהיSelect Genesis 31:30

31ויען יעקב ויאמר ללבן כי יראתי—כי אמרתי פן תגזל את בנותיך מעמיSelect Genesis 31:31

32עם אשר תמצא את אלהיך לא יחיה—נגד אחינו הכר לך מה עמדי וקח לך ולא ידע יעקב כי רחל גנבתםSelect Genesis 31:32

33ויבא לבן באהל יעקב ובאהל לאה ובאהל שתי האמהת—ולא מצא ויצא מאהל לאה ויבא באהל רחלSelect Genesis 31:33

34ורחל לקחה את התרפים ותשמם בכר הגמל—ותשב עליהם וימשש לבן את כל האהל ולא מצאSelect Genesis 31:34

35ותאמר אל אביה אל יחר בעיני אדני כי לוא אוכל לקום מפניך כי דרך נשים לי ויחפש ולא מצא את התרפיםSelect Genesis 31:35

36ויחר ליעקב וירב בלבן ויען יעקב ויאמר ללבן מה פשעי מה חטאתי כי דלקת אחריSelect Genesis 31:36

37כי מששת את כל כלי מה מצאת מכל כלי ביתך—שים כה נגד אחי ואחיך ויוכיחו בין שנינוSelect Genesis 31:37

38זה עשרים שנה אנכי עמך רחליך ועזיך לא שכלו ואילי צאנך לא אכלתיSelect Genesis 31:38

39טרפה לא הבאתי אליך—אנכי אחטנה מידי תבקשנה גנבתי יום וגנבתי לילהSelect Genesis 31:39

40הייתי ביום אכלני חרב וקרח בלילה ותדד שנתי מעיניSelect Genesis 31:40

41זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מניםSelect Genesis 31:41

42לולי אלהי אבי אלהי אברהם ופחד יצחק היה לי—כי עתה ריקם שלחתני את עניי ואת יגיע כפי ראה אלהים—ויוכח אמשSelect Genesis 31:42

43ויען לבן ויאמר אל יעקב הבנות בנתי והבנים בני והצאן צאני וכל אשר אתה ראה לי הוא ולבנתי מה אעשה לאלה היום או לבניהן אשר ילדוSelect Genesis 31:43

44ועתה לכה נכרתה ברית—אני ואתה והיה לעד ביני ובינךSelect Genesis 31:44

45ויקח יעקב אבן וירימה מצבהSelect Genesis 31:45

46ויאמר יעקב לאחיו לקטו אבנים ויקחו אבנים ויעשו גל ויאכלו שם על הגלSelect Genesis 31:46

47ויקרא לו לבן יגר שהדותא ויעקב קרא לו גלעדSelect Genesis 31:47

48ויאמר לבן הגל הזה עד ביני ובינך היום על כן קרא שמו גלעדSelect Genesis 31:48

49והמצפה אשר אמר יצף יהוה ביני ובינך כי נסתר איש מרעהוSelect Genesis 31:49

50אם תענה את בנתי ואם תקח נשים על בנתי—אין איש עמנו ראה אלהים עד ביני ובינךSelect Genesis 31:50

51ויאמר לבן ליעקב הנה הגל הזה והנה המצבה אשר יריתי ביני ובינךSelect Genesis 31:51

52עד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעהSelect Genesis 31:52

53אלהי אברהם ואלהי נחור ישפטו בינינו—אלהי אביהם וישבע יעקב בפחד אביו יצחקSelect Genesis 31:53

54ויזבח יעקב זבח בהר ויקרא לאחיו לאכל לחם ויאכלו לחם וילינו בהרSelect Genesis 31:54