32Genesis 32

1וישכם לבן בבקר וינשק לבניו ולבנותיו—ויברך אתהם וילך וישב לבן למקמוSelect Genesis 32:1

2ויעקב הלך לדרכו ויפגעו בו מלאכי אלהיםSelect Genesis 32:2

3ויאמר יעקב כאשר ראם מחנה אלהים זה ויקרא שם המקום ההוא מחניםSelect Genesis 32:3

4וישלח יעקב מלאכים לפניו אל עשו אחיו ארצה שעיר שדה אדוםSelect Genesis 32:4

5ויצו אתם לאמר כה תאמרון לאדני לעשו כה אמר עבדך יעקב עם לבן גרתי ואחר עד עתהSelect Genesis 32:5

6ויהי לי שור וחמור צאן ועבד ושפחה ואשלחה להגיד לאדני למצא חן בעיניךSelect Genesis 32:6

7וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמוSelect Genesis 32:7

8ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים—לשני מחנותSelect Genesis 32:8

9ויאמר אם יבוא עשו אל המחנה האחת והכהו—והיה המחנה הנשאר לפליטהSelect Genesis 32:9

10ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך—ואיטיבה עמךSelect Genesis 32:10

11קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנותSelect Genesis 32:11

12הצילני נא מיד אחי מיד עשו כי ירא אנכי אתו—פן יבוא והכני אם על בניםSelect Genesis 32:12

13ואתה אמרת היטב איטיב עמך ושמתי את זרעך כחול הים אשר לא יספר מרבSelect Genesis 32:13

14וילן שם בלילה ההוא ויקח מן הבא בידו מנחה—לעשו אחיוSelect Genesis 32:14

15עזים מאתים ותישים עשרים רחלים מאתים ואילים עשריםSelect Genesis 32:15

16גמלים מיניקות ובניהם שלשים פרות ארבעים ופרים עשרה אתנת עשרים ועירם עשרהSelect Genesis 32:16

17ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדרSelect Genesis 32:17

18ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניךSelect Genesis 32:18

19ואמרת לעבדך ליעקב—מנחה הוא שלוחה לאדני לעשו והנה גם הוא אחרינוSelect Genesis 32:19

20ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתוSelect Genesis 32:20

21ואמרתם—גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פניSelect Genesis 32:21

22ותעבר המנחה על פניו והוא לן בלילה ההוא במחנהSelect Genesis 32:22

23ויקם בלילה הוא ויקח את שתי נשיו ואת שתי שפחתיו ואת אחד עשר ילדיו ויעבר את מעבר יבקSelect Genesis 32:23

24ויקחם—ויעברם את הנחל ויעבר את אשר לוSelect Genesis 32:24

25ויותר יעקב לבדו ויאבק איש עמו עד עלות השחרSelect Genesis 32:25

26וירא כי לא יכל לו ויגע בכף ירכו ותקע כף ירך יעקב בהאבקו עמוSelect Genesis 32:26

27ויאמר שלחני כי עלה השחר ויאמר לא אשלחך כי אם ברכתניSelect Genesis 32:27

28ויאמר אליו מה שמך ויאמר יעקבSelect Genesis 32:28

29ויאמר לא יעקב יאמר עוד שמך—כי אם ישראל כי שרית עם אלהים ועם אנשים ותוכלSelect Genesis 32:29

30וישאל יעקב ויאמר הגידה נא שמך ויאמר למה זה תשאל לשמי ויברך אתו שםSelect Genesis 32:30

31ויקרא יעקב שם המקום פניאל כי ראיתי אלהים פנים אל פנים ותנצל נפשיSelect Genesis 32:31

32ויזרח לו השמש כאשר עבר את פנואל והוא צלע על ירכוSelect Genesis 32:32

33על כן לא יאכלו בני ישראל את גיד הנשה אשר על כף הירך עד היום הזה כי נגע בכף ירך יעקב בגיד הנשהSelect Genesis 32:33