38Genesis 38

1ויהי בעת ההוא וירד יהודה מאת אחיו ויט עד איש עדלמי ושמו חירהSelect Genesis 38:1

2וירא שם יהודה בת איש כנעני ושמו שוע ויקחה ויבא אליהSelect Genesis 38:2

3ותהר ותלד בן ויקרא את שמו ערSelect Genesis 38:3

4ותהר עוד ותלד בן ותקרא את שמו אונןSelect Genesis 38:4

5ותסף עוד ותלד בן ותקרא את שמו שלה והיה בכזיב בלדתה אתוSelect Genesis 38:5

6ויקח יהודה אשה לער בכורו ושמה תמרSelect Genesis 38:6

7ויהי ער בכור יהודה—רע בעיני יהוה וימתהו יהוהSelect Genesis 38:7

8ויאמר יהודה לאונן בא אל אשת אחיך ויבם אתה והקם זרע לאחיךSelect Genesis 38:8

9וידע אונן כי לא לו יהיה הזרע והיה אם בא אל אשת אחיו ושחת ארצה לבלתי נתן זרע לאחיוSelect Genesis 38:9

10וירע בעיני יהוה אשר עשה וימת גם אתוSelect Genesis 38:10

11ויאמר יהודה לתמר כלתו שבי אלמנה בית אביך עד יגדל שלה בני—כי אמר פן ימות גם הוא כאחיו ותלך תמר ותשב בית אביהSelect Genesis 38:11

12וירבו הימים ותמת בת שוע אשת יהודה וינחם יהודה ויעל על גזזי צאנו הוא וחירה רעהו העדלמי—תמנתהSelect Genesis 38:12

13ויגד לתמר לאמר הנה חמיך עלה תמנתה לגז צאנוSelect Genesis 38:13

14ותסר בגדי אלמנותה מעליה ותכס בצעיף ותתעלף ותשב בפתח עינים אשר על דרך תמנתה כי ראתה כי גדל שלה והוא לא נתנה לו לאשהSelect Genesis 38:14

15ויראה יהודה ויחשבה לזונה כי כסתה פניהSelect Genesis 38:15

16ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אליSelect Genesis 38:16

17ויאמר אנכי אשלח גדי עזים מן הצאן ותאמר אם תתן ערבון עד שלחךSelect Genesis 38:17

18ויאמר מה הערבון אשר אתן לך ותאמר חתמך ופתילך ומטך אשר בידך ויתן לה ויבא אליה ותהר לוSelect Genesis 38:18

19ותקם ותלך ותסר צעיפה מעליה ותלבש בגדי אלמנותהSelect Genesis 38:19

20וישלח יהודה את גדי העזים ביד רעהו העדלמי לקחת הערבון מיד האשה ולא מצאהSelect Genesis 38:20

21וישאל את אנשי מקמה לאמר איה הקדשה הוא בעינים על הדרך ויאמרו לא היתה בזה קדשהSelect Genesis 38:21

22וישב אל יהודה ויאמר לא מצאתיה וגם אנשי המקום אמרו לא היתה בזה קדשהSelect Genesis 38:22

23ויאמר יהודה תקח לה פן נהיה לבוז הנה שלחתי הגדי הזה ואתה לא מצאתהSelect Genesis 38:23

24ויהי כמשלש חדשים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשרףSelect Genesis 38:24

25הוא מוצאת והיא שלחה אל חמיה לאמר לאיש אשר אלה לו אנכי הרה ותאמר הכר נא—למי החתמת והפתילים והמטה האלהSelect Genesis 38:25

26ויכר יהודה ויאמר צדקה ממני כי על כן לא נתתיה לשלה בני ולא יסף עוד לדעתהSelect Genesis 38:26

27ויהי בעת לדתה והנה תאומים בבטנהSelect Genesis 38:27

28ויהי בלדתה ויתן יד ותקח המילדת ותקשר על ידו שני לאמר זה יצא ראשנהSelect Genesis 38:28

29ויהי כמשיב ידו והנה יצא אחיו ותאמר מה פרצת עליך פרץ ויקרא שמו פרץSelect Genesis 38:29

30ואחר יצא אחיו אשר על ידו השני ויקרא שמו זרחSelect Genesis 38:30