41Genesis 41

1ויהי מקץ שנתים ימים ופרעה חלם והנה עמד על היארSelect Genesis 41:1

2והנה מן היאר עלת שבע פרות יפות מראה ובריאת בשר ותרעינה באחוSelect Genesis 41:2

3והנה שבע פרות אחרות עלות אחריהן מן היאר רעות מראה ודקות בשר ותעמדנה אצל הפרות על שפת היארSelect Genesis 41:3

4ותאכלנה הפרות רעות המראה ודקת הבשר את שבע הפרות יפת המראה והבריאת וייקץ פרעהSelect Genesis 41:4

5ויישן ויחלם שנית והנה שבע שבלים עלות בקנה אחד—בריאות וטבותSelect Genesis 41:5

6והנה שבע שבלים דקות ושדופת קדים—צמחות אחריהןSelect Genesis 41:6

7ותבלענה השבלים הדקות את שבע השבלים הבריאות והמלאות וייקץ פרעה והנה חלוםSelect Genesis 41:7

8ויהי בבקר ותפעם רוחו וישלח ויקרא את כל חרטמי מצרים ואת כל חכמיה ויספר פרעה להם את חלמו ואין פותר אותם לפרעהSelect Genesis 41:8

9וידבר שר המשקים את פרעה לאמר את חטאי אני מזכיר היוםSelect Genesis 41:9

10פרעה קצף על עבדיו ויתן אתי במשמר בית שר הטבחים—אתי ואת שר האפיםSelect Genesis 41:10

11ונחלמה חלום בלילה אחד אני והוא איש כפתרון חלמו חלמנוSelect Genesis 41:11

12ושם אתנו נער עברי עבד לשר הטבחים ונספר לו ויפתר לנו את חלמתינו איש כחלמו פתרSelect Genesis 41:12

13ויהי כאשר פתר לנו כן היה אתי השיב על כני ואתו תלהSelect Genesis 41:13

14וישלח פרעה ויקרא את יוסף ויריצהו מן הבור ויגלח ויחלף שמלתיו ויבא אל פרעהSelect Genesis 41:14

15ויאמר פרעה אל יוסף חלום חלמתי ופתר אין אתו ואני שמעתי עליך לאמר תשמע חלום לפתר אתוSelect Genesis 41:15

16ויען יוסף את פרעה לאמר בלעדי אלהים יענה את שלום פרעהSelect Genesis 41:16

17וידבר פרעה אל יוסף בחלמי הנני עמד על שפת היארSelect Genesis 41:17

18והנה מן היאר עלת שבע פרות בריאות בשר ויפת תאר ותרעינה באחוSelect Genesis 41:18

19והנה שבע פרות אחרות עלות אחריהן דלות ורעות תאר מאד ורקות בשר לא ראיתי כהנה בכל ארץ מצרים לרעSelect Genesis 41:19

20ותאכלנה הפרות הרקות והרעות—את שבע הפרות הראשנות הבריאתSelect Genesis 41:20

21ותבאנה אל קרבנה ולא נודע כי באו אל קרבנה ומראיהן רע כאשר בתחלה ואיקץSelect Genesis 41:21

22וארא בחלמי והנה שבע שבלים עלת בקנה אחד—מלאת וטבותSelect Genesis 41:22

23והנה שבע שבלים צנמות דקות שדפות קדים—צמחות אחריהםSelect Genesis 41:23

24ותבלען השבלים הדקת את שבע השבלים הטבות ואמר אל החרטמים ואין מגיד ליSelect Genesis 41:24

25ויאמר יוסף אל פרעה חלום פרעה אחד הוא את אשר האלהים עשה הגיד לפרעהSelect Genesis 41:25

26שבע פרת הטבת שבע שנים הנה ושבע השבלים הטבת שבע שנים הנה חלום אחד הואSelect Genesis 41:26

27ושבע הפרות הרקות והרעת העלת אחריהן שבע שנים הנה ושבע השבלים הרקות שדפות הקדים—יהיו שבע שני רעבSelect Genesis 41:27

28הוא הדבר אשר דברתי אל פרעה אשר האלהים עשה הראה את פרעהSelect Genesis 41:28

29הנה שבע שנים באות—שבע גדול בכל ארץ מצריםSelect Genesis 41:29

30וקמו שבע שני רעב אחריהן ונשכח כל השבע בארץ מצרים וכלה הרעב את הארץSelect Genesis 41:30

31ולא יודע השבע בארץ מפני הרעב ההוא אחרי כן כי כבד הוא מאדSelect Genesis 41:31

32ועל השנות החלום אל פרעה פעמים—כי נכון הדבר מעם האלהים וממהר האלהים לעשתוSelect Genesis 41:32

33ועתה ירא פרעה איש נבון וחכם וישיתהו על ארץ מצריםSelect Genesis 41:33

34יעשה פרעה ויפקד פקדים על הארץ וחמש את ארץ מצרים בשבע שני השבעSelect Genesis 41:34

35ויקבצו את כל אכל השנים הטבות הבאת האלה ויצברו בר תחת יד פרעה אכל בערים—ושמרוSelect Genesis 41:35

36והיה האכל לפקדון לארץ לשבע שני הרעב אשר תהיין בארץ מצרים ולא תכרת הארץ ברעבSelect Genesis 41:36

37וייטב הדבר בעיני פרעה ובעיני כל עבדיוSelect Genesis 41:37

38ויאמר פרעה אל עבדיו הנמצא כזה—איש אשר רוח אלהים בוSelect Genesis 41:38

39ויאמר פרעה אל יוסף אחרי הודיע אלהים אותך את כל זאת אין נבון וחכם כמוךSelect Genesis 41:39

40אתה תהיה על ביתי ועל פיך ישק כל עמי רק הכסא אגדל ממךSelect Genesis 41:40

41ויאמר פרעה אל יוסף ראה נתתי אתך על כל ארץ מצריםSelect Genesis 41:41

42ויסר פרעה את טבעתו מעל ידו ויתן אתה על יד יוסף וילבש אתו בגדי שש וישם רבד הזהב על צוארוSelect Genesis 41:42

43וירכב אתו במרכבת המשנה אשר לו ויקראו לפניו אברך ונתון אתו על כל ארץ מצריםSelect Genesis 41:43

44ויאמר פרעה אל יוסף אני פרעה ובלעדיך לא ירים איש את ידו ואת רגלו—בכל ארץ מצריםSelect Genesis 41:44

45ויקרא פרעה שם יוסף צפנת פענח ויתן לו את אסנת בת פוטי פרע כהן אן לאשה ויצא יוסף על ארץ מצריםSelect Genesis 41:45

46ויוסף בן שלשים שנה בעמדו לפני פרעה מלך מצרים ויצא יוסף מלפני פרעה ויעבר בכל ארץ מצריםSelect Genesis 41:46

47ותעש הארץ בשבע שני השבע—לקמציםSelect Genesis 41:47

48ויקבץ את כל אכל שבע שנים אשר היו בארץ מצרים ויתן אכל בערים אכל שדה העיר אשר סביבתיה נתן בתוכהSelect Genesis 41:48

49ויצבר יוסף בר כחול הים הרבה מאד—עד כי חדל לספר כי אין מספרSelect Genesis 41:49

50וליוסף ילד שני בנים בטרם תבוא שנת הרעב אשר ילדה לו אסנת בת פוטי פרע כהן אוןSelect Genesis 41:50

51ויקרא יוסף את שם הבכור מנשה כי נשני אלהים את כל עמלי ואת כל בית אביSelect Genesis 41:51

52ואת שם השני קרא אפרים כי הפרני אלהים בארץ ענייSelect Genesis 41:52

53ותכלינה שבע שני השבע אשר היה בארץ מצריםSelect Genesis 41:53

54ותחלינה שבע שני הרעב לבוא כאשר אמר יוסף ויהי רעב בכל הארצות ובכל ארץ מצרים היה לחםSelect Genesis 41:54

55ותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף אשר יאמר לכם תעשוSelect Genesis 41:55

56והרעב היה על כל פני הארץ ויפתח יוסף את כל אשר בהם וישבר למצרים ויחזק הרעב בארץ מצריםSelect Genesis 41:56

57וכל הארץ באו מצרימה לשבר אל יוסף כי חזק הרעב בכל הארץSelect Genesis 41:57