42Genesis 42

1וירא יעקב כי יש שבר במצרים ויאמר יעקב לבניו למה תתראוSelect Genesis 42:1

2ויאמר—הנה שמעתי כי יש שבר במצרים רדו שמה ושברו לנו משם ונחיה ולא נמותSelect Genesis 42:2

3וירדו אחי יוסף עשרה לשבר בר ממצריםSelect Genesis 42:3

4ואת בנימין אחי יוסף לא שלח יעקב את אחיו כי אמר פן יקראנו אסוןSelect Genesis 42:4

5ויבאו בני ישראל לשבר בתוך הבאים כי היה הרעב בארץ כנעןSelect Genesis 42:5

6ויוסף הוא השליט על הארץ—הוא המשביר לכל עם הארץ ויבאו אחי יוסף וישתחוו לו אפים ארצהSelect Genesis 42:6

7וירא יוסף את אחיו ויכרם ויתנכר אליהם וידבר אתם קשות ויאמר אלהם מאין באתם ויאמרו מארץ כנען לשבר אכלSelect Genesis 42:7

8ויכר יוסף את אחיו והם לא הכרהוSelect Genesis 42:8

9ויזכר יוסף—את החלמות אשר חלם להם ויאמר אלהם מרגלים אתם לראות את ערות הארץ באתםSelect Genesis 42:9

10ויאמרו אליו לא אדני ועבדיך באו לשבר אכלSelect Genesis 42:10

11כלנו בני איש אחד נחנו כנים אנחנו לא היו עבדיך מרגליםSelect Genesis 42:11

12ויאמר אלהם לא כי ערות הארץ באתם לראותSelect Genesis 42:12

13ויאמרו שנים עשר עבדיך אחים אנחנו בני איש אחד—בארץ כנען והנה הקטן את אבינו היום והאחד איננוSelect Genesis 42:13

14ויאמר אלהם יוסף הוא אשר דברתי אלכם לאמר—מרגלים אתםSelect Genesis 42:14

15בזאת תבחנו חי פרעה אם תצאו מזה כי אם בבוא אחיכם הקטן הנהSelect Genesis 42:15

16שלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא—חי פרעה כי מרגלים אתםSelect Genesis 42:16

17ויאסף אתם אל משמר שלשת ימיםSelect Genesis 42:17

18ויאמר אלהם יוסף ביום השלישי זאת עשו וחיו את האלהים אני יראSelect Genesis 42:18

19אם כנים אתם—אחיכם אחד יאסר בבית משמרכם ואתם לכו הביאו שבר רעבון בתיכםSelect Genesis 42:19

20ואת אחיכם הקטן תביאו אלי ויאמנו דבריכם ולא תמותו ויעשו כןSelect Genesis 42:20

21ויאמרו איש אל אחיו אבל אשמים אנחנו על אחינו אשר ראינו צרת נפשו בהתחננו אלינו ולא שמענו על כן באה אלינו הצרה הזאתSelect Genesis 42:21

22ויען ראובן אתם לאמר הלוא אמרתי אליכם לאמר אל תחטאו בילד—ולא שמעתם וגם דמו הנה נדרשSelect Genesis 42:22

23והם לא ידעו כי שמע יוסף כי המליץ בינתםSelect Genesis 42:23

24ויסב מעליהם ויבך וישב אלהם וידבר אלהם ויקח מאתם את שמעון ויאסר אתו לעיניהםSelect Genesis 42:24

25ויצו יוסף וימלאו את כליהם בר ולהשיב כספיהם איש אל שקו ולתת להם צדה לדרך ויעש להם כןSelect Genesis 42:25

26וישאו את שברם על חמריהם וילכו משםSelect Genesis 42:26

27ויפתח האחד את שקו לתת מספוא לחמרו—במלון וירא את כספו והנה הוא בפי אמתחתוSelect Genesis 42:27

28ויאמר אל אחיו הושב כספי וגם הנה באמתחתי ויצא לבם ויחרדו איש אל אחיו לאמר מה זאת עשה אלהים לנוSelect Genesis 42:28

29ויבאו אל יעקב אביהם ארצה כנען ויגידו לו את כל הקרת אתם לאמרSelect Genesis 42:29

30דבר האיש אדני הארץ אתנו—קשות ויתן אתנו כמרגלים את הארץSelect Genesis 42:30

31ונאמר אליו כנים אנחנו לא היינו מרגליםSelect Genesis 42:31

32שנים עשר אנחנו אחים בני אבינו האחד איננו והקטן היום את אבינו בארץ כנעןSelect Genesis 42:32

33ויאמר אלינו האיש אדני הארץ בזאת אדע כי כנים אתם אחיכם האחד הניחו אתי ואת רעבון בתיכם קחו ולכוSelect Genesis 42:33

34והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרוSelect Genesis 42:34

35ויהי הם מריקים שקיהם והנה איש צרור כספו בשקו ויראו את צררות כספיהם המה ואביהם—וייראוSelect Genesis 42:35

36ויאמר אלהם יעקב אביהם אתי שכלתם יוסף איננו ושמעון איננו ואת בנימן תקחו עלי היו כלנהSelect Genesis 42:36

37ויאמר ראובן אל אביו לאמר את שני בני תמית אם לא אביאנו אליך תנה אתו על ידי ואני אשיבנו אליךSelect Genesis 42:37

38ויאמר לא ירד בני עמכם כי אחיו מת והוא לבדו נשאר וקראהו אסון בדרך אשר תלכו בה והורדתם את שיבתי ביגון שאולהSelect Genesis 42:38