Genesis Chapter 44 Aleppo Codex

Pentateuch · Genesis · Aleppo Codex · 34 verses

Verse layout

📖 As a novel 📝 Commentary Overview of this chapter About Genesis

📝 Overview of this chapter Flow, key verses and people

창세기 44장은 요셉이 은잔으로 형들을 시험하고, 막내 베냐민이 종으로 붙잡히게 되자 유다가 아이 대신 자신이 종이 되겠다고 청하는 장이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34

44Genesis · Aleppo Codex

¹ויצו את אשר על ביתו לאמר מלא את אמתחת האנשים אכל כאשר יוכלון שאת ושים כסף איש בפי אמתחתו

²ואת גביעי גביע הכסף תשים בפי אמתחת הקטן ואת כסף שברו ויעש כדבר יוסף אשר דבר

³הבקר אור והאנשים שלחו המה וחמריהם

⁴הם יצאו את העיר לא הרחיקו ויוסף אמר לאשר על ביתו קום רדף אחרי האנשים והשגתם ואמרת אלהם למה שלמתם רעה תחת טובה

⁵הלוא זה אשר ישתה אדני בו והוא נחש ינחש בו הרעתם אשר עשיתם

⁶וישגם וידבר אלהם את הדברים האלה

⁷ויאמרו אליו—למה ידבר אדני כדברים האלה חלילה לעבדיך מעשות כדבר הזה

⁸הן כסף אשר מצאנו בפי אמתחתינו—השיבנו אליך מארץ כנען ואיך נגנב מבית אדניך כסף או זהב

⁹אשר ימצא אתו מעבדיך ומת וגם אנחנו נהיה לאדני לעבדים

¹⁰ויאמר גם עתה כדבריכם כן הוא אשר ימצא אתו יהיה לי עבד ואתם תהיו נקים

¹¹וימהרו ויורדו איש את אמתחתו—ארצה ויפתחו איש אמתחתו

¹²ויחפש—בגדול החל ובקטן כלה וימצא הגביע באמתחת בנימן

¹³ויקרעו שמלתם ויעמס איש על חמרו וישבו העירה

¹⁴ויבא יהודה ואחיו ביתה יוסף והוא עודנו שם ויפלו לפניו ארצה

¹⁵ויאמר להם יוסף מה המעשה הזה אשר עשיתם הלוא ידעתם כי נחש ינחש איש אשר כמני

¹⁶ויאמר יהודה מה נאמר לאדני מה נדבר ומה נצטדק האלהים מצא את עון עבדיך—הננו עבדים לאדני גם אנחנו גם אשר נמצא הגביע בידו

¹⁷ויאמר—חלילה לי מעשות זאת האיש אשר נמצא הגביע בידו הוא יהיה לי עבד ואתם עלו לשלום אל אביכם

¹⁸ויגש אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה

¹⁹אדני שאל את עבדיו לאמר היש לכם אב או אח

²⁰ונאמר אל אדני יש לנו אב זקן וילד זקנים קטן ואחיו מת ויותר הוא לבדו לאמו ואביו אהבו

²¹ותאמר אל עבדיך הורדהו אלי ואשימה עיני עליו

²²ונאמר אל אדני לא יוכל הנער לעזב את אביו ועזב את אביו ומת

²³ותאמר אל עבדיך אם לא ירד אחיכם הקטן אתכם—לא תספון לראות פני

²⁴ויהי כי עלינו אל עבדך אבי ונגד לו—את דברי אדני

²⁵ויאמר אבינו שבו שברו לנו מעט אכל

²⁶ונאמר לא נוכל לרדת אם יש אחינו הקטן אתנו וירדנו—כי לא נוכל לראות פני האיש ואחינו הקטן איננו אתנו

²⁷ויאמר עבדך אבי אלינו אתם ידעתם כי שנים ילדה לי אשתי

²⁸ויצא האחד מאתי ואמר אך טרף טרף ולא ראיתיו עד הנה

²⁹ולקחתם גם את זה מעם פני וקרהו אסון—והורדתם את שיבתי ברעה שאלה

³⁰ועתה כבאי אל עבדך אבי והנער איננו אתנו ונפשו קשורה בנפשו

³¹והיה כראותו כי אין הנער—ומת והורידו עבדיך את שיבת עבדך אבינו ביגון—שאלה

³²כי עבדך ערב את הנער מעם אבי לאמר אם לא אביאנו אליך וחטאתי לאבי כל הימים

³³ועתה ישב נא עבדך תחת הנער—עבד לאדני והנער יעל עם אחיו

³⁴כי איך אעלה אל אבי והנער איננו אתי פן אראה ברע אשר ימצא את אבי

Aleppo Codex
Tap a verse to copy, share, highlight or add a note. Dotted words link to encyclopedia articles.

34 verses in this chapter

44 / 50 chapters

The text is Aleppo Codex(고대 히브리어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Genesis Chapter 44 Aleppo Codex

Articles mentioning this chapter

More