45Genesis 45

1ולא יכל יוסף להתאפק לכל הנצבים עליו ויקרא הוציאו כל איש מעלי ולא עמד איש אתו בהתודע יוסף אל אחיוSelect Genesis 45:1

2ויתן את קלו בבכי וישמעו מצרים וישמע בית פרעהSelect Genesis 45:2

3ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניוSelect Genesis 45:3

4ויאמר יוסף אל אחיו גשו נא אלי ויגשו ויאמר אני יוסף אחיכם אשר מכרתם אתי מצרימהSelect Genesis 45:4

5ועתה אל תעצבו ואל יחר בעיניכם כי מכרתם אתי הנה כי למחיה שלחני אלהים לפניכםSelect Genesis 45:5

6כי זה שנתים הרעב בקרב הארץ ועוד חמש שנים אשר אין חריש וקצירSelect Genesis 45:6

7וישלחני אלהים לפניכם לשום לכם שארית בארץ ולהחיות לכם לפליטה גדלהSelect Genesis 45:7

8ועתה לא אתם שלחתם אתי הנה כי האלהים וישימני לאב לפרעה ולאדון לכל ביתו ומשל בכל ארץ מצריםSelect Genesis 45:8

9מהרו ועלו אל אבי ואמרתם אליו כה אמר בנך יוסף שמני אלהים לאדון לכל מצרים רדה אלי אל תעמדSelect Genesis 45:9

10וישבת בארץ גשן והיית קרוב אלי—אתה ובניך ובני בניך וצאנך ובקרך וכל אשר לךSelect Genesis 45:10

11וכלכלתי אתך שם כי עוד חמש שנים רעב פן תורש אתה וביתך וכל אשר לךSelect Genesis 45:11

12והנה עיניכם ראות ועיני אחי בנימין כי פי המדבר אליכםSelect Genesis 45:12

13והגדתם לאבי את כל כבודי במצרים ואת כל אשר ראיתם ומהרתם והורדתם את אבי הנהSelect Genesis 45:13

14ויפל על צוארי בנימן אחיו ויבך ובנימן—בכה על צואריוSelect Genesis 45:14

15וינשק לכל אחיו ויבך עלהם ואחרי כן דברו אחיו אתוSelect Genesis 45:15

16והקל נשמע בית פרעה לאמר באו אחי יוסף וייטב בעיני פרעה ובעיני עבדיוSelect Genesis 45:16

17ויאמר פרעה אל יוסף אמר אל אחיך זאת עשו טענו את בעירכם ולכו באו ארצה כנעןSelect Genesis 45:17

18וקחו את אביכם ואת בתיכם ובאו אלי ואתנה לכם את טוב ארץ מצרים ואכלו את חלב הארץSelect Genesis 45:18

19ואתה צויתה זאת עשו קחו לכם מארץ מצרים עגלות לטפכם ולנשיכם ונשאתם את אביכם ובאתםSelect Genesis 45:19

20ועינכם אל תחס על כליכם כי טוב כל ארץ מצרים לכם הואSelect Genesis 45:20

21ויעשו כן בני ישראל ויתן להם יוסף עגלות על פי פרעה ויתן להם צדה לדרךSelect Genesis 45:21

22לכלם נתן לאיש חלפות שמלת ולבנימן נתן שלש מאות כסף וחמש חלפת שמלתSelect Genesis 45:22

23ולאביו שלח כזאת עשרה חמרים נשאים מטוב מצרים ועשר אתנת נשאת בר ולחם ומזון לאביו—לדרךSelect Genesis 45:23

24וישלח את אחיו וילכו ויאמר אלהם אל תרגזו בדרךSelect Genesis 45:24

25ויעלו ממצרים ויבאו ארץ כנען אל יעקב אביהםSelect Genesis 45:25

26ויגדו לו לאמר עוד יוסף חי וכי הוא משל בכל ארץ מצרים ויפג לבו כי לא האמין להםSelect Genesis 45:26

27וידברו אליו את כל דברי יוסף אשר דבר אלהם וירא את העגלות אשר שלח יוסף לשאת אתו ותחי רוח יעקב אביהםSelect Genesis 45:27

28ויאמר ישראל רב עוד יוסף בני חי אלכה ואראנו בטרם אמותSelect Genesis 45:28