47Genesis 47

1ויבא יוסף ויגד לפרעה ויאמר אבי ואחי וצאנם ובקרם וכל אשר להם באו מארץ כנען והנם בארץ גשןSelect Genesis 47:1

2ומקצה אחיו לקח חמשה אנשים ויצגם לפני פרעהSelect Genesis 47:2

3ויאמר פרעה אל אחיו מה מעשיכם ויאמרו אל פרעה רעה צאן עבדיך—גם אנחנו גם אבותינוSelect Genesis 47:3

4ויאמרו אל פרעה לגור בארץ באנו כי אין מרעה לצאן אשר לעבדיך כי כבד הרעב בארץ כנען ועתה ישבו נא עבדיך בארץ גשןSelect Genesis 47:4

5ויאמר פרעה אל יוסף לאמר אביך ואחיך באו אליךSelect Genesis 47:5

6ארץ מצרים לפניך הוא—במיטב הארץ הושב את אביך ואת אחיך ישבו בארץ גשן—ואם ידעת ויש בם אנשי חיל ושמתם שרי מקנה על אשר ליSelect Genesis 47:6

7ויבא יוסף את יעקב אביו ויעמדהו לפני פרעה ויברך יעקב את פרעהSelect Genesis 47:7

8ויאמר פרעה אל יעקב כמה ימי שני חייךSelect Genesis 47:8

9ויאמר יעקב אל פרעה ימי שני מגורי שלשים ומאת שנה מעט ורעים היו ימי שני חיי ולא השיגו את ימי שני חיי אבתי בימי מגוריהםSelect Genesis 47:9

10ויברך יעקב את פרעה ויצא מלפני פרעהSelect Genesis 47:10

11ויושב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס—כאשר צוה פרעהSelect Genesis 47:11

12ויכלכל יוסף את אביו ואת אחיו ואת כל בית אביו—לחם לפי הטףSelect Genesis 47:12

13ולחם אין בכל הארץ כי כבד הרעב מאד ותלה ארץ מצרים וארץ כנען מפני הרעבSelect Genesis 47:13

14וילקט יוסף את כל הכסף הנמצא בארץ מצרים ובארץ כנען בשבר אשר הם שברים ויבא יוסף את הכסף ביתה פרעהSelect Genesis 47:14

15ויתם הכסף מארץ מצרים ומארץ כנען ויבאו כל מצרים אל יוסף לאמר הבה לנו לחם ולמה נמות נגדך כי אפס כסףSelect Genesis 47:15

16ויאמר יוסף הבו מקניכם ואתנה לכם במקניכם—אם אפס כסףSelect Genesis 47:16

17ויביאו את מקניהם אל יוסף ויתן להם יוסף לחם בסוסים ובמקנה הצאן ובמקנה הבקר ובחמרים וינהלם בלחם בכל מקנהם בשנה ההואSelect Genesis 47:17

18ותתם השנה ההוא ויבאו אליו בשנה השנית ויאמרו לו לא נכחד מאדני כי אם תם הכסף ומקנה הבהמה אל אדני לא נשאר לפני אדני בלתי אם גויתנו ואדמתנוSelect Genesis 47:18

19למה נמות לעיניך גם אנחנו גם אדמתנו—קנה אתנו ואת אדמתנו בלחם ונהיה אנחנו ואדמתנו עבדים לפרעה ותן זרע ונחיה ולא נמות והאדמה לא תשםSelect Genesis 47:19

20ויקן יוסף את כל אדמת מצרים לפרעה כי מכרו מצרים איש שדהו כי חזק עלהם הרעב ותהי הארץ לפרעהSelect Genesis 47:20

21ואת העם—העביר אתו לערים מקצה גבול מצרים ועד קצהוSelect Genesis 47:21

22רק אדמת הכהנים לא קנה כי חק לכהנים מאת פרעה ואכלו את חקם אשר נתן להם פרעה—על כן לא מכרו את אדמתםSelect Genesis 47:22

23ויאמר יוסף אל העם הן קניתי אתכם היום ואת אדמתכם לפרעה הא לכם זרע וזרעתם את האדמהSelect Genesis 47:23

24והיה בתבואת ונתתם חמישית לפרעה וארבע הידת יהיה לכם לזרע השדה ולאכלכם ולאשר בבתיכם—ולאכל לטפכםSelect Genesis 47:24

25ויאמרו החיתנו נמצא חן בעיני אדני והיינו עבדים לפרעהSelect Genesis 47:25

26וישם אתה יוסף לחק עד היום הזה על אדמת מצרים לפרעה—לחמש רק אדמת הכהנים לבדם—לא היתה לפרעהSelect Genesis 47:26

27וישב ישראל בארץ מצרים בארץ גשן ויאחזו בה ויפרו וירבו מאדSelect Genesis 47:27

28ויחי יעקב בארץ מצרים שבע עשרה שנה ויהי ימי יעקב שני חייו—שבע שנים וארבעים ומאת שנהSelect Genesis 47:28

29ויקרבו ימי ישראל למות ויקרא לבנו ליוסף ויאמר לו אם נא מצאתי חן בעיניך שים נא ידך תחת ירכי ועשית עמדי חסד ואמת אל נא תקברני במצריםSelect Genesis 47:29

30ושכבתי עם אבתי ונשאתני ממצרים וקברתני בקברתם ויאמר אנכי אעשה כדברךSelect Genesis 47:30

31ויאמר השבעה לי—וישבע לו וישתחו ישראל על ראש המטהSelect Genesis 47:31