49Genesis 49

1ויקרא יעקב אל בניו ויאמר האספו ואגידה לכם את אשר יקרא אתכם באחרית הימיםSelect Genesis 49:1

2הקבצו ושמעו בני יעקב ושמעו אל ישראל אביכםSelect Genesis 49:2

3ראובן בכרי אתה כחי וראשית אוני—יתר שאת ויתר עזSelect Genesis 49:3

4פחז כמים אל תותר כי עלית משכבי אביך אז חללת יצועי עלהSelect Genesis 49:4

5שמעון ולוי אחים—כלי חמס מכרתיהםSelect Genesis 49:5

6בסדם אל תבא נפשי בקהלם אל תחד כבדי כי באפם הרגו איש וברצנם עקרו שורSelect Genesis 49:6

7ארור אפם כי עז ועברתם כי קשתה אחלקם ביעקב ואפיצם בישראלSelect Genesis 49:7

8יהודה אתה יודוך אחיך—ידך בערף איביך ישתחוו לך בני אביךSelect Genesis 49:8

9גור אריה יהודה מטרף בני עלית כרע רבץ כאריה וכלביא מי יקימנוSelect Genesis 49:9

10לא יסור שבט מיהודה ומחקק מבין רגליו עד כי יבא שילה ולו יקהת עמיםSelect Genesis 49:10

11אסרי לגפן עירה ולשרקה בני אתנו כבס ביין לבשו ובדם ענבים סותהSelect Genesis 49:11

12חכלילי עינים מיין ולבן שנים מחלבSelect Genesis 49:12

13זבולן לחוף ימים ישכן והוא לחוף אנית וירכתו על צידןSelect Genesis 49:13

14יששכר חמר גרם—רבץ בין המשפתיםSelect Genesis 49:14

15וירא מנחה כי טוב ואת הארץ כי נעמה ויט שכמו לסבל ויהי למס עבדSelect Genesis 49:15

16דן ידין עמו—כאחד שבטי ישראלSelect Genesis 49:16

17יהי דן נחש עלי דרך שפיפן עלי ארח—הנשך עקבי סוס ויפל רכבו אחורSelect Genesis 49:17

18לישועתך קויתי יהוהSelect Genesis 49:18

19גד גדוד יגודנו והוא יגד עקבSelect Genesis 49:19

20מאשר שמנה לחמו והוא יתן מעדני מלךSelect Genesis 49:20

21נפתלי אילה שלחה—הנתן אמרי שפרSelect Genesis 49:21

22בן פרת יוסף בן פרת עלי עין בנות צעדה עלי שורSelect Genesis 49:22

23וימררהו ורבו וישטמהו בעלי חציםSelect Genesis 49:23

24ותשב באיתן קשתו ויפזו זרעי ידיו מידי אביר יעקב משם רעה אבן ישראלSelect Genesis 49:24

25מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחםSelect Genesis 49:25

26ברכת אביך גברו על ברכת הורי עד תאות גבעת עולם תהיין לראש יוסף ולקדקד נזיר אחיוSelect Genesis 49:26

27בנימין זאב יטרף בבקר יאכל עד ולערב יחלק שללSelect Genesis 49:27

28כל אלה שבטי ישראל שנים עשר וזאת אשר דבר להם אביהם ויברך אותם—איש אשר כברכתו ברך אתםSelect Genesis 49:28

29ויצו אותם ויאמר אלהם אני נאסף אל עמי—קברו אתי אל אבתי אל המערה—אשר בשדה עפרון החתיSelect Genesis 49:29

30במערה אשר בשדה המכפלה אשר על פני ממרא—בארץ כנען אשר קנה אברהם את השדה מאת עפרן החתי—לאחזת קברSelect Genesis 49:30

31שמה קברו את אברהם ואת שרה אשתו שמה קברו את יצחק ואת רבקה אשתו ושמה קברתי את לאהSelect Genesis 49:31

32מקנה השדה והמערה אשר בו מאת בני חתSelect Genesis 49:32

33ויכל יעקב לצות את בניו ויאסף רגליו אל המטה ויגוע ויאסף אל עמיוSelect Genesis 49:33