50Genesis 50

1ויפל יוסף על פני אביו ויבך עליו וישק לוSelect Genesis 50:1

2ויצו יוסף את עבדיו את הרפאים לחנט את אביו ויחנטו הרפאים את ישראלSelect Genesis 50:2

3וימלאו לו ארבעים יום כי כן ימלאו ימי החנטים ויבכו אתו מצרים שבעים יוםSelect Genesis 50:3

4ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם—דברו נא באזני פרעה לאמרSelect Genesis 50:4

5אבי השביעני לאמר הנה אנכי מת—בקברי אשר כריתי לי בארץ כנען שמה תקברני ועתה אעלה נא ואקברה את אבי—ואשובהSelect Genesis 50:5

6ויאמר פרעה עלה וקבר את אביך כאשר השביעךSelect Genesis 50:6

7ויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצריםSelect Genesis 50:7

8וכל בית יוסף ואחיו ובית אביו רק טפם וצאנם ובקרם—עזבו בארץ גשןSelect Genesis 50:8

9ויעל עמו גם רכב גם פרשים ויהי המחנה כבד מאדSelect Genesis 50:9

10ויבאו עד גרן האטד אשר בעבר הירדן ויספדו שם מספד גדול וכבד מאד ויעש לאביו אבל שבעת ימיםSelect Genesis 50:10

11וירא יושב הארץ הכנעני את האבל בגרן האטד ויאמרו אבל כבד זה למצרים על כן קרא שמה אבל מצרים אשר בעבר הירדןSelect Genesis 50:11

12ויעשו בניו לו—כן כאשר צוםSelect Genesis 50:12

13וישאו אתו בניו ארצה כנען ויקברו אתו במערת שדה המכפלה אשר קנה אברהם את השדה לאחזת קבר מאת עפרן החתי—על פני ממראSelect Genesis 50:13

14וישב יוסף מצרימה הוא ואחיו וכל העלים אתו לקבר את אביו אחרי קברו את אביוSelect Genesis 50:14

15ויראו אחי יוסף כי מת אביהם ויאמרו לו ישטמנו יוסף והשב ישיב לנו את כל הרעה אשר גמלנו אתוSelect Genesis 50:15

16ויצוו אל יוסף לאמר אביך צוה לפני מותו לאמרSelect Genesis 50:16

17כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליוSelect Genesis 50:17

18וילכו גם אחיו ויפלו לפניו ויאמרו הננו לך לעבדיםSelect Genesis 50:18

19ויאמר אלהם יוסף אל תיראו כי התחת אלהים אניSelect Genesis 50:19

20ואתם חשבתם עלי רעה אלהים חשבה לטבה למען עשה כיום הזה להחית עם רבSelect Genesis 50:20

21ועתה אל תיראו—אנכי אכלכל אתכם ואת טפכם וינחם אותם וידבר על לבםSelect Genesis 50:21

22וישב יוסף במצרים הוא ובית אביו ויחי יוסף מאה ועשר שניםSelect Genesis 50:22

23וירא יוסף לאפרים בני שלשים גם בני מכיר בן מנשה—ילדו על ברכי יוסףSelect Genesis 50:23

24ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשר נשבע לאברהם ליצחק וליעקבSelect Genesis 50:24

25וישבע יוסף את בני ישראל לאמר פקד יפקד אלהים אתכם והעלתם את עצמתי מזהSelect Genesis 50:25

26וימת יוסף בן מאה ועשר שנים ויחנטו אתו ויישם בארון במצריםSelect Genesis 50:26