9Genesis 9

1ויברך אלהים את נח ואת בניו ויאמר להם פרו ורבו ומלאו את הארץSelect Genesis 9:1

2ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנוSelect Genesis 9:2

3כל רמש אשר הוא חי לכם יהיה לאכלה כירק עשב נתתי לכם את כלSelect Genesis 9:3

4אך בשר בנפשו דמו לא תאכלוSelect Genesis 9:4

5ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו—אדרש את נפש האדםSelect Genesis 9:5

6שפך דם האדם באדם דמו ישפך כי בצלם אלהים עשה את האדםSelect Genesis 9:6

7ואתם פרו ורבו שרצו בארץ ורבו בהSelect Genesis 9:7

8ויאמר אלהים אל נח ואל בניו אתו לאמרSelect Genesis 9:8

9ואני הנני מקים את בריתי אתכם ואת זרעכם אחריכםSelect Genesis 9:9

10ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץSelect Genesis 9:10

11והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץSelect Genesis 9:11

12ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם—לדרת עולםSelect Genesis 9:12

13את קשתי נתתי בענן והיתה לאות ברית ביני ובין הארץSelect Genesis 9:13

14והיה בענני ענן על הארץ ונראתה הקשת בענןSelect Genesis 9:14

15וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשרSelect Genesis 9:15

16והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץSelect Genesis 9:16

17ויאמר אלהים אל נח זאת אות הברית אשר הקמתי ביני ובין כל בשר אשר על הארץSelect Genesis 9:17

18ויהיו בני נח היצאים מן התבה—שם וחם ויפת וחם הוא אבי כנעןSelect Genesis 9:18

19שלשה אלה בני נח ומאלה נפצה כל הארץSelect Genesis 9:19

20ויחל נח איש האדמה ויטע כרםSelect Genesis 9:20

21וישת מן היין וישכר ויתגל בתוך אהלהSelect Genesis 9:21

22וירא חם אבי כנען את ערות אביו ויגד לשני אחיו בחוץSelect Genesis 9:22

23ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראוSelect Genesis 9:23

24וייקץ נח מיינו וידע את אשר עשה לו בנו הקטןSelect Genesis 9:24

25ויאמר ארור כנען עבד עבדים יהיה לאחיוSelect Genesis 9:25

26ויאמר ברוך יהוה אלהי שם ויהי כנען עבד למוSelect Genesis 9:26

27יפת אלהים ליפת וישכן באהלי שם ויהי כנען עבד למוSelect Genesis 9:27

28ויחי נח אחר המבול שלש מאות שנה וחמשים שנהSelect Genesis 9:28

29ויהיו כל ימי נח תשע מאות שנה וחמשים שנה וימתSelect Genesis 9:29