Exodus 11
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויאמר יהוה אל משה עוד נגע אחד אביא על פרעה ועל מצרים—אחרי כן ישלח אתכם מזה כשלחו—כלה גרש יגרש אתכם מזהSelect Exodus 11:1
2דבר נא באזני העם וישאלו איש מאת רעהו ואשה מאת רעותה כלי כסף וכלי זהבSelect Exodus 11:2
3ויתן יהוה את חן העם בעיני מצרים גם האיש משה גדול מאד בארץ מצרים בעיני עבדי פרעה ובעיני העםSelect Exodus 11:3
4ויאמר משה כה אמר יהוה כחצת הלילה אני יוצא בתוך מצריםSelect Exodus 11:4
5ומת כל בכור בארץ מצרים—מבכור פרעה הישב על כסאו עד בכור השפחה אשר אחר הרחים וכל בכור בהמהSelect Exodus 11:5
6והיתה צעקה גדלה בכל ארץ מצרים אשר כמהו לא נהיתה וכמהו לא תסףSelect Exodus 11:6
7ולכל בני ישראל לא יחרץ כלב לשנו למאיש ועד בהמה—למען תדעון אשר יפלה יהוה בין מצרים ובין ישראלSelect Exodus 11:7
8וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אףSelect Exodus 11:8
9ויאמר יהוה אל משה לא ישמע אליכם פרעה—למען רבות מופתי בארץ מצריםSelect Exodus 11:9
10ומשה ואהרן עשו את כל המפתים האלה—לפני פרעה ויחזק יהוה את לב פרעה ולא שלח את בני ישראל מארצוSelect Exodus 11:10
Aleppo Codex (ALEPPO). Public domain. Text from the CrossWire Bible Society module. About this translation