13Exodus 13

1וידבר יהוה אל משה לאמרSelect Exodus 13:1

2קדש לי כל בכור פטר כל רחם בבני ישראל—באדם ובבהמה לי הואSelect Exodus 13:2

3ויאמר משה אל העם זכור את היום הזה אשר יצאתם ממצרים מבית עבדים כי בחזק יד הוציא יהוה אתכם מזה ולא יאכל חמץSelect Exodus 13:3

4היום אתם יצאים בחדש האביבSelect Exodus 13:4

5והיה כי יביאך יהוה אל ארץ הכנעני והחתי והאמרי והחוי והיבוסי אשר נשבע לאבתיך לתת לך ארץ זבת חלב ודבש ועבדת את העבדה הזאת בחדש הזהSelect Exodus 13:5

6שבעת ימים תאכל מצת וביום השביעי חג ליהוהSelect Exodus 13:6

7מצות יאכל את שבעת הימים ולא יראה לך חמץ ולא יראה לך שאר—בכל גבלךSelect Exodus 13:7

8והגדת לבנך ביום ההוא לאמר בעבור זה עשה יהוה לי בצאתי ממצריםSelect Exodus 13:8

9והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצריםSelect Exodus 13:9

10ושמרת את החקה הזאת למועדה מימים ימימהSelect Exodus 13:10

11והיה כי יבאך יהוה אל ארץ הכנעני כאשר נשבע לך ולאבתיך ונתנה לךSelect Exodus 13:11

12והעברת כל פטר רחם ליהוה וכל פטר שגר בהמה אשר יהיה לך הזכרים—ליהוהSelect Exodus 13:12

13וכל פטר חמר תפדה בשה ואם לא תפדה וערפתו וכל בכור אדם בבניך תפדהSelect Exodus 13:13

14והיה כי ישאלך בנך מחר—לאמר מה זאת ואמרת אליו—בחזק יד הוציאנו יהוה ממצרים מבית עבדיםSelect Exodus 13:14

15ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדהSelect Exodus 13:15

16והיה לאות על ידכה ולטוטפת בין עיניך כי בחזק יד הוציאנו יהוה ממצריםSelect Exodus 13:16

17ויהי בשלח פרעה את העם ולא נחם אלהים דרך ארץ פלשתים כי קרוב הוא כי אמר אלהים פן ינחם העם בראתם מלחמה—ושבו מצרימהSelect Exodus 13:17

18ויסב אלהים את העם דרך המדבר ים סוף וחמשים עלו בני ישראל מארץ מצריםSelect Exodus 13:18

19ויקח משה את עצמות יוסף עמו כי השבע השביע את בני ישראל לאמר פקד יפקד אלהים אתכם והעליתם את עצמתי מזה אתכםSelect Exodus 13:19

20ויסעו מסכת ויחנו באתם בקצה המדברSelect Exodus 13:20

21ויהוה הלך לפניהם יומם בעמוד ענן לנחתם הדרך ולילה בעמוד אש להאיר להם—ללכת יומם ולילהSelect Exodus 13:21

22לא ימיש עמוד הענן יומם ועמוד האש לילה—לפני העםSelect Exodus 13:22