14Exodus 14

1וידבר יהוה אל משה לאמרSelect Exodus 14:1

2דבר אל בני ישראל וישבו ויחנו לפני פי החירת בין מגדל ובין הים לפני בעל צפן נכחו תחנו על היםSelect Exodus 14:2

3ואמר פרעה לבני ישראל נבכים הם בארץ סגר עליהם המדברSelect Exodus 14:3

4וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כןSelect Exodus 14:4

5ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנוSelect Exodus 14:5

6ויאסר את רכבו ואת עמו לקח עמוSelect Exodus 14:6

7ויקח שש מאות רכב בחור וכל רכב מצרים ושלשם על כלוSelect Exodus 14:7

8ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמהSelect Exodus 14:8

9וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו—על פי החירת לפני בעל צפןSelect Exodus 14:9

10ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוהSelect Exodus 14:10

11ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצריםSelect Exodus 14:11

12הלא זה הדבר אשר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדברSelect Exodus 14:12

13ויאמר משה אל העם אל תיראו—התיצבו וראו את ישועת יהוה אשר יעשה לכם היום כי אשר ראיתם את מצרים היום—לא תספו לראתם עוד עד עולםSelect Exodus 14:13

14יהוה ילחם לכם ואתם תחרשוןSelect Exodus 14:14

15ויאמר יהוה אל משה מה תצעק אלי דבר אל בני ישראל ויסעוSelect Exodus 14:15

16ואתה הרם את מטך ונטה את ידך על הים—ובקעהו ויבאו בני ישראל בתוך הים ביבשהSelect Exodus 14:16

17ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשיוSelect Exodus 14:17

18וידעו מצרים כי אני יהוה בהכבדי בפרעה ברכבו ובפרשיוSelect Exodus 14:18

19ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהםSelect Exodus 14:19

20ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילהSelect Exodus 14:20

21ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המיםSelect Exodus 14:21

22ויבאו בני ישראל בתוך הים ביבשה והמים להם חומה מימינם ומשמאלםSelect Exodus 14:22

23וירדפו מצרים ויבאו אחריהם—כל סוס פרעה רכבו ופרשיו אל תוך היםSelect Exodus 14:23

24ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצריםSelect Exodus 14:24

25ויסר את אפן מרכבתיו וינהגהו בכבדת ויאמר מצרים אנוסה מפני ישראל—כי יהוה נלחם להם במצריםSelect Exodus 14:25

26ויאמר יהוה אל משה נטה את ידך על הים וישבו המים על מצרים על רכבו ועל פרשיוSelect Exodus 14:26

27ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך היםSelect Exodus 14:27

28וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחדSelect Exodus 14:28

29ובני ישראל הלכו ביבשה בתוך הים והמים להם חמה מימינם ומשמאלםSelect Exodus 14:29

30ויושע יהוה ביום ההוא את ישראל—מיד מצרים וירא ישראל את מצרים מת על שפת היםSelect Exodus 14:30

31וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדוSelect Exodus 14:31