19Exodus 19

1בחדש השלישי לצאת בני ישראל מארץ מצרים—ביום הזה באו מדבר סיניSelect Exodus 19:1

2ויסעו מרפידים ויבאו מדבר סיני ויחנו במדבר ויחן שם ישראל נגד ההרSelect Exodus 19:2

3ומשה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישראלSelect Exodus 19:3

4אתם ראיתם אשר עשיתי למצרים ואשא אתכם על כנפי נשרים ואבא אתכם אליSelect Exodus 19:4

5ועתה אם שמוע תשמעו בקלי ושמרתם את בריתי—והייתם לי סגלה מכל העמים כי לי כל הארץSelect Exodus 19:5

6ואתם תהיו לי ממלכת כהנים וגוי קדוש אלה הדברים אשר תדבר אל בני ישראלSelect Exodus 19:6

7ויבא משה ויקרא לזקני העם וישם לפניהם את כל הדברים האלה אשר צוהו יהוהSelect Exodus 19:7

8ויענו כל העם יחדו ויאמרו כל אשר דבר יהוה נעשה וישב משה את דברי העם אל יהוהSelect Exodus 19:8

9ויאמר יהוה אל משה הנה אנכי בא אליך בעב הענן בעבור ישמע העם בדברי עמך וגם בך יאמינו לעולם ויגד משה את דברי העם אל יהוהSelect Exodus 19:9

10ויאמר יהוה אל משה לך אל העם וקדשתם היום ומחר וכבסו שמלתםSelect Exodus 19:10

11והיו נכנים ליום השלישי כי ביום השלשי ירד יהוה לעיני כל העם—על הר סיניSelect Exodus 19:11

12והגבלת את העם סביב לאמר השמרו לכם עלות בהר ונגע בקצהו כל הנגע בהר מות יומתSelect Exodus 19:12

13לא תגע בו יד כי סקול יסקל או ירה יירה—אם בהמה אם איש לא יחיה במשך היבל המה יעלו בהרSelect Exodus 19:13

14וירד משה מן ההר אל העם ויקדש את העם ויכבסו שמלתםSelect Exodus 19:14

15ויאמר אל העם היו נכנים לשלשת ימים אל תגשו אל אשהSelect Exodus 19:15

16ויהי ביום השלישי בהית הבקר ויהי קלת וברקים וענן כבד על ההר וקל שפר חזק מאד ויחרד כל העם אשר במחנהSelect Exodus 19:16

17ויוצא משה את העם לקראת האלהים מן המחנה ויתיצבו בתחתית ההרSelect Exodus 19:17

18והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאדSelect Exodus 19:18

19ויהי קול השפר הולך וחזק מאד משה ידבר והאלהים יעננו בקולSelect Exodus 19:19

20וירד יהוה על הר סיני אל ראש ההר ויקרא יהוה למשה אל ראש ההר ויעל משהSelect Exodus 19:20

21ויאמר יהוה אל משה רד העד בעם פן יהרסו אל יהוה לראות ונפל ממנו רבSelect Exodus 19:21

22וגם הכהנים הנגשים אל יהוה יתקדשו פן יפרץ בהם יהוהSelect Exodus 19:22

23ויאמר משה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשתוSelect Exodus 19:23

24ויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה—פן יפרץ בםSelect Exodus 19:24

25וירד משה אל העם ויאמר אלהםSelect Exodus 19:25