3Exodus 3

1ומשה היה רעה את צאן יתרו חתנו—כהן מדין וינהג את הצאן אחר המדבר ויבא אל הר האלהים חרבהSelect Exodus 3:1

2וירא מלאך יהוה אליו בלבת אש—מתוך הסנה וירא והנה הסנה בער באש והסנה איננו אכלSelect Exodus 3:2

3ויאמר משה—אסרה נא ואראה את המראה הגדל הזה מדוע לא יבער הסנהSelect Exodus 3:3

4וירא יהוה כי סר לראות ויקרא אליו אלהים מתוך הסנה ויאמר משה משה—ויאמר הנניSelect Exodus 3:4

5ויאמר אל תקרב הלם של נעליך מעל רגליך—כי המקום אשר אתה עומד עליו אדמת קדש הואSelect Exodus 3:5

6ויאמר אנכי אלהי אביך אלהי אברהם אלהי יצחק ואלהי יעקב ויסתר משה פניו כי ירא מהביט אל האלהיםSelect Exodus 3:6

7ויאמר יהוה ראה ראיתי את עני עמי אשר במצרים ואת צעקתם שמעתי מפני נגשיו כי ידעתי את מכאביוSelect Exodus 3:7

8וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבש—אל מקום הכנעני והחתי והאמרי והפרזי והחוי והיבוסיSelect Exodus 3:8

9ועתה הנה צעקת בני ישראל באה אלי וגם ראיתי את הלחץ אשר מצרים לחצים אתםSelect Exodus 3:9

10ועתה לכה ואשלחך אל פרעה והוצא את עמי בני ישראל ממצריםSelect Exodus 3:10

11ויאמר משה אל האלהים מי אנכי כי אלך אל פרעה וכי אוציא את בני ישראל ממצריםSelect Exodus 3:11

12ויאמר כי אהיה עמך וזה לך האות כי אנכי שלחתיך בהוציאך את העם ממצרים תעבדון את האלהים על ההר הזהSelect Exodus 3:12

13ויאמר משה אל האלהים הנה אנכי בא אל בני ישראל ואמרתי להם אלהי אבותיכם שלחני אליכם ואמרו לי מה שמו מה אמר אלהםSelect Exodus 3:13

14ויאמר אלהים אל משה אהיה אשר אהיה ויאמר כה תאמר לבני ישראל אהיה שלחני אליכםSelect Exodus 3:14

15ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דרSelect Exodus 3:15

16לך ואספת את זקני ישראל ואמרת אלהם יהוה אלהי אבתיכם נראה אלי אלהי אברהם יצחק ויעקב לאמר פקד פקדתי אתכם ואת העשוי לכם במצריםSelect Exodus 3:16

17ואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי—אל ארץ זבת חלב ודבשSelect Exodus 3:17

18ושמעו לקלך ובאת אתה וזקני ישראל אל מלך מצרים ואמרתם אליו יהוה אלהי העבריים נקרה עלינו ועתה נלכה נא דרך שלשת ימים במדבר ונזבחה ליהוה אלהינוSelect Exodus 3:18

19ואני ידעתי—כי לא יתן אתכם מלך מצרים להלך ולא ביד חזקהSelect Exodus 3:19

20ושלחתי את ידי והכיתי את מצרים בכל נפלאתי אשר אעשה בקרבו ואחרי כן ישלח אתכםSelect Exodus 3:20

21ונתתי את חן העם הזה בעיני מצרים והיה כי תלכון לא תלכו ריקםSelect Exodus 3:21

22ושאלה אשה משכנתה ומגרת ביתה כלי כסף וכלי זהב ושמלת ושמתם על בניכם ועל בנתיכם ונצלתם את מצריםSelect Exodus 3:22