33Exodus 33

1וידבר יהוה אל משה לך עלה מזה—אתה והעם אשר העלית מארץ מצרים אל הארץ אשר נשבעתי לאברהם ליצחק וליעקב לאמר לזרעך אתננהSelect Exodus 33:1

2ושלחתי לפניך מלאך וגרשתי את הכנעני האמרי והחתי והפרזי החוי והיבוסיSelect Exodus 33:2

3אל ארץ זבת חלב ודבש כי לא אעלה בקרבך כי עם קשה ערף אתה—פן אכלך בדרךSelect Exodus 33:3

4וישמע העם את הדבר הרע הזה—ויתאבלו ולא שתו איש עדיו עליוSelect Exodus 33:4

5ויאמר יהוה אל משה אמר אל בני ישראל אתם עם קשה ערף—רגע אחד אעלה בקרבך וכליתיך ועתה הורד עדיך מעליך ואדעה מה אעשה לךSelect Exodus 33:5

6ויתנצלו בני ישראל את עדים מהר חורבSelect Exodus 33:6

7ומשה יקח את האהל ונטה לו מחוץ למחנה הרחק מן המחנה וקרא לו אהל מועד והיה כל מבקש יהוה יצא אל אהל מועד אשר מחוץ למחנהSelect Exodus 33:7

8והיה כצאת משה אל האהל יקומו כל העם ונצבו איש פתח אהלו והביטו אחרי משה עד באו האהלהSelect Exodus 33:8

9והיה כבא משה האהלה ירד עמוד הענן ועמד פתח האהל ודבר עם משהSelect Exodus 33:9

10וראה כל העם את עמוד הענן עמד פתח האהל וקם כל העם והשתחוו איש פתח אהלוSelect Exodus 33:10

11ודבר יהוה אל משה פנים אל פנים כאשר ידבר איש אל רעהו ושב אל המחנה ומשרתו יהושע בן נון נער לא ימיש מתוך האהלSelect Exodus 33:11

12ויאמר משה אל יהוה ראה אתה אמר אלי העל את העם הזה ואתה לא הודעתני את אשר תשלח עמי ואתה אמרת ידעתיך בשם וגם מצאת חן בעיניSelect Exodus 33:12

13ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזהSelect Exodus 33:13

14ויאמר פני ילכו והנחתי לךSelect Exodus 33:14

15ויאמר אליו אם אין פניך הלכים אל תעלנו מזהSelect Exodus 33:15

16ובמה יודע אפוא כי מצאתי חן בעיניך אני ועמך—הלוא בלכתך עמנו ונפלינו אני ועמך מכל העם אשר על פני האדמהSelect Exodus 33:16

17ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשםSelect Exodus 33:17

18ויאמר הראני נא את כבדךSelect Exodus 33:18

19ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחםSelect Exodus 33:19

20ויאמר לא תוכל לראת את פני כי לא יראני האדם וחיSelect Exodus 33:20

21ויאמר יהוה הנה מקום אתי ונצבת על הצורSelect Exodus 33:21

22והיה בעבר כבדי ושמתיך בנקרת הצור ושכתי כפי עליך עד עבריSelect Exodus 33:22

23והסרתי את כפי וראית את אחרי ופני לא יראוSelect Exodus 33:23