35Exodus 35

1ויקהל משה את כל עדת בני ישראל—ויאמר אלהם אלה הדברים אשר צוה יהוה לעשת אתםSelect Exodus 35:1

2ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומתSelect Exodus 35:2

3לא תבערו אש בכל משבתיכם ביום השבתSelect Exodus 35:3

4ויאמר משה אל כל עדת בני ישראל לאמר זה הדבר אשר צוה יהוה לאמרSelect Exodus 35:4

5קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשתSelect Exodus 35:5

6ותכלת וארגמן ותולעת שני ושש ועזיםSelect Exodus 35:6

7וערת אילם מאדמים וערת תחשים ועצי שטיםSelect Exodus 35:7

8ושמן למאור ובשמים לשמן המשחה ולקטרת הסמיםSelect Exodus 35:8

9ואבני שהם—ואבני מלאים לאפוד ולחשןSelect Exodus 35:9

10וכל חכם לב בכם יבאו ויעשו את כל אשר צוה יהוהSelect Exodus 35:10

11את המשכן—את אהלו ואת מכסהו את קרסיו ואת קרשיו את בריחו את עמדיו ואת אדניוSelect Exodus 35:11

12את הארן ואת בדיו את הכפרת ואת פרכת המסךSelect Exodus 35:12

13את השלחן ואת בדיו ואת כל כליו ואת לחם הפניםSelect Exodus 35:13

14ואת מנרת המאור ואת כליה ואת נרתיה ואת שמן המאורSelect Exodus 35:14

15ואת מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכןSelect Exodus 35:15

16את מזבח העלה ואת מכבר הנחשת אשר לו את בדיו ואת כל כליו את הכיר ואת כנוSelect Exodus 35:16

17את קלעי החצר את עמדיו ואת אדניה ואת מסך שער החצרSelect Exodus 35:17

18את יתדת המשכן ואת יתדת החצר ואת מיתריהםSelect Exodus 35:18

19את בגדי השרד לשרת בקדש את בגדי הקדש לאהרן הכהן ואת בגדי בניו לכהןSelect Exodus 35:19

20ויצאו כל עדת בני ישראל מלפני משהSelect Exodus 35:20

21ויבאו כל איש אשר נשאו לבו וכל אשר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשSelect Exodus 35:21

22ויבאו האנשים על הנשים כל נדיב לב הביאו חח ונזם וטבעת וכומז כל כלי זהב וכל איש אשר הניף תנופת זהב ליהוהSelect Exodus 35:22

23וכל איש אשר נמצא אתו תכלת וארגמן ותולעת שני—ושש ועזים וערת אילם מאדמים וערת תחשים הביאוSelect Exodus 35:23

24כל מרים תרומת כסף ונחשת הביאו את תרומת יהוה וכל אשר נמצא אתו עצי שטים לכל מלאכת העבדה—הביאוSelect Exodus 35:24

25וכל אשה חכמת לב בידיה טוו ויביאו מטוה את התכלת ואת הארגמן את תולעת השני ואת הששSelect Exodus 35:25

26וכל הנשים—אשר נשא לבן אתנה בחכמה טוו את העזיםSelect Exodus 35:26

27והנשאם הביאו—את אבני השהם ואת אבני המלאים לאפוד ולחשןSelect Exodus 35:27

28ואת הבשם ואת השמן למאור—ולשמן המשחה ולקטרת הסמיםSelect Exodus 35:28

29כל איש ואשה אשר נדב לבם אתם להביא לכל המלאכה אשר צוה יהוה לעשות ביד משה—הביאו בני ישראל נדבה ליהוהSelect Exodus 35:29

30ויאמר משה אל בני ישראל ראו קרא יהוה בשם בצלאל בן אורי בן חור למטה יהודהSelect Exodus 35:30

31וימלא אתו רוח אלהים בחכמה בתבונה ובדעת ובכל מלאכהSelect Exodus 35:31

32ולחשב מחשבת—לעשת בזהב ובכסף ובנחשתSelect Exodus 35:32

33ובחרשת אבן למלאת ובחרשת עץ לעשות בכל מלאכת מחשבתSelect Exodus 35:33

34ולהורת נתן בלבו הוא ואהליאב בן אחיסמך למטה דןSelect Exodus 35:34

35מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבתSelect Exodus 35:35