36Exodus 36

1ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש—לכל אשר צוה יהוהSelect Exodus 36:1

2ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו—כל אשר נשאו לבו לקרבה אל המלאכה לעשת אתהSelect Exodus 36:2

3ויקחו מלפני משה את כל התרומה אשר הביאו בני ישראל למלאכת עבדת הקדש—לעשת אתה והם הביאו אליו עוד נדבה—בבקר בבקרSelect Exodus 36:3

4ויבאו כל החכמים העשים את כל מלאכת הקדש—איש איש ממלאכתו אשר המה עשיםSelect Exodus 36:4

5ויאמרו אל משה לאמר מרבים העם להביא מדי העבדה למלאכה אשר צוה יהוה לעשת אתהSelect Exodus 36:5

6ויצו משה ויעבירו קול במחנה לאמר איש ואשה אל יעשו עוד מלאכה לתרומת הקדש ויכלא העם מהביאSelect Exodus 36:6

7והמלאכה היתה דים לכל המלאכה—לעשות אתה והותרSelect Exodus 36:7

8ויעשו כל חכם לב בעשי המלאכה את המשכן—עשר יריעת שש משזר ותכלת וארגמן ותולעת שני—כרבים מעשה חשב עשה אתםSelect Exodus 36:8

9ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעתSelect Exodus 36:9

10ויחבר את חמש היריעת אחת אל אחת וחמש יריעת חבר אחת אל אחתSelect Exodus 36:10

11ויעש ללאת תכלת על שפת היריעה האחת מקצה במחברת כן עשה בשפת היריעה הקיצונה במחברת השניתSelect Exodus 36:11

12חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת—אחת אל אחתSelect Exodus 36:12

13ויעש חמשים קרסי זהב ויחבר את היריעת אחת אל אחת בקרסים ויהי המשכן אחדSelect Exodus 36:13

14ויעש יריעת עזים לאהל על המשכן עשתי עשרה יריעת עשה אתםSelect Exodus 36:14

15ארך היריעה האחת שלשים באמה וארבע אמות רחב היריעה האחת מדה אחת לעשתי עשרה יריעתSelect Exodus 36:15

16ויחבר את חמש היריעת לבד ואת שש היריעת לבדSelect Exodus 36:16

17ויעש ללאת חמשים על שפת היריעה הקיצנה במחברת וחמשים ללאת עשה על שפת היריעה החברת השניתSelect Exodus 36:17

18ויעש קרסי נחשת חמשים לחבר את האהל להית אחדSelect Exodus 36:18

19ויעש מכסה לאהל ערת אילם מאדמים ומכסה ערת תחשים מלמעלהSelect Exodus 36:19

20ויעש את הקרשים למשכן עצי שטים עמדיםSelect Exodus 36:20

21עשר אמת ארך הקרש ואמה וחצי האמה רחב הקרש האחדSelect Exodus 36:21

22שתי ידת לקרש האחד משלבת אחת אל אחת כן עשה לכל קרשי המשכןSelect Exodus 36:22

23ויעש את הקרשים למשכן עשרים קרשים לפאת נגב תימנהSelect Exodus 36:23

24וארבעים אדני כסף—עשה תחת עשרים הקרשים שני אדנים תחת הקרש האחד לשתי ידתיו ושני אדנים תחת הקרש האחד לשתי ידתיוSelect Exodus 36:24

25ולצלע המשכן השנית לפאת צפון עשה עשרים קרשיםSelect Exodus 36:25

26וארבעים אדניהם כסף—שני אדנים תחת הקרש האחד ושני אדנים תחת הקרש האחדSelect Exodus 36:26

27ולירכתי המשכן ימה עשה ששה קרשיםSelect Exodus 36:27

28ושני קרשים עשה למקצעת המשכן—בירכתיםSelect Exodus 36:28

29והיו תואמם מלמטה ויחדו יהיו תמים אל ראשו אל הטבעת האחת כן עשה לשניהם לשני המקצעתSelect Exodus 36:29

30והיו שמנה קרשים ואדניהם כסף ששה עשר אדנים—שני אדנים שני אדנים תחת הקרש האחדSelect Exodus 36:30

31ויעש בריחי עצי שטים—חמשה לקרשי צלע המשכן האחתSelect Exodus 36:31

32וחמשה בריחם לקרשי צלע המשכן השנית וחמשה בריחם לקרשי המשכן לירכתים ימהSelect Exodus 36:32

33ויעש את הבריח התיכן לברח בתוך הקרשים מן הקצה אל הקצהSelect Exodus 36:33

34ואת הקרשים צפה זהב ואת טבעתם עשה זהב—בתים לבריחם ויצף את הבריחם זהבSelect Exodus 36:34

35ויעש את הפרכת תכלת וארגמן ותולעת שני ושש משזר מעשה חשב עשה אתה כרביםSelect Exodus 36:35

36ויעש לה ארבעה עמודי שטים ויצפם זהב וויהם זהב ויצק להם ארבעה אדני כסףSelect Exodus 36:36

37ויעש מסך לפתח האהל תכלת וארגמן ותולעת שני ושש משזר מעשה רקםSelect Exodus 36:37

38ואת עמודיו חמשה ואת וויהם וצפה ראשיהם וחשקיהם זהב ואדניהם חמשה נחשתSelect Exodus 36:38