5Exodus 5

1ואחר באו משה ואהרן ויאמרו אל פרעה כה אמר יהוה אלהי ישראל שלח את עמי ויחגו לי במדברSelect Exodus 5:1

2ויאמר פרעה—מי יהוה אשר אשמע בקלו לשלח את ישראל לא ידעתי את יהוה וגם את ישראל לא אשלחSelect Exodus 5:2

3ויאמרו אלהי העברים נקרא עלינו נלכה נא דרך שלשת ימים במדבר ונזבחה ליהוה אלהינו—פן יפגענו בדבר או בחרבSelect Exodus 5:3

4ויאמר אלהם מלך מצרים למה משה ואהרן תפריעו את העם ממעשיו לכו לסבלתיכםSelect Exodus 5:4

5ויאמר פרעה הן רבים עתה עם הארץ והשבתם אתם מסבלתםSelect Exodus 5:5

6ויצו פרעה ביום ההוא את הנגשים בעם ואת שטריו לאמרSelect Exodus 5:6

7לא תאספון לתת תבן לעם ללבן הלבנים—כתמול שלשם הם ילכו וקששו להם תבןSelect Exodus 5:7

8ואת מתכנת הלבנים אשר הם עשים תמול שלשם תשימו עליהם—לא תגרעו ממנו כי נרפים הם—על כן הם צעקים לאמר נלכה נזבחה לאלהינוSelect Exodus 5:8

9תכבד העבדה על האנשים ויעשו בה ואל ישעו בדברי שקרSelect Exodus 5:9

10ויצאו נגשי העם ושטריו ויאמרו אל העם לאמר כה אמר פרעה אינני נתן לכם תבןSelect Exodus 5:10

11אתם לכו קחו לכם תבן מאשר תמצאו כי אין נגרע מעבדתכם דברSelect Exodus 5:11

12ויפץ העם בכל ארץ מצרים לקשש קש לתבןSelect Exodus 5:12

13והנגשים אצים לאמר כלו מעשיכם דבר יום ביומו כאשר בהיות התבןSelect Exodus 5:13

14ויכו שטרי בני ישראל אשר שמו עלהם נגשי פרעה לאמר מדוע לא כליתם חקכם ללבן כתמול שלשם—גם תמול גם היוםSelect Exodus 5:14

15ויבאו שטרי בני ישראל ויצעקו אל פרעה לאמר למה תעשה כה לעבדיךSelect Exodus 5:15

16תבן אין נתן לעבדיך ולבנים אמרים לנו עשו והנה עבדיך מכים וחטאת עמךSelect Exodus 5:16

17ויאמר נרפים אתם נרפים על כן אתם אמרים נלכה נזבחה ליהוהSelect Exodus 5:17

18ועתה לכו עבדו ותבן לא ינתן לכם ותכן לבנים תתנוSelect Exodus 5:18

19ויראו שטרי בני ישראל אתם—ברע לאמר לא תגרעו מלבניכם דבר יום ביומוSelect Exodus 5:19

20ויפגעו את משה ואת אהרן נצבים לקראתם בצאתם מאת פרעהSelect Exodus 5:20

21ויאמרו אלהם ירא יהוה עליכם וישפט אשר הבאשתם את ריחנו בעיני פרעה ובעיני עבדיו לתת חרב בידם להרגנוSelect Exodus 5:21

22וישב משה אל יהוה ויאמר אדני למה הרעתה לעם הזה—למה זה שלחתניSelect Exodus 5:22

23ומאז באתי אל פרעה לדבר בשמך הרע לעם הזה והצל לא הצלת את עמךSelect Exodus 5:23