2Habakkuk 2

1על משמרתי אעמדה ואתיצבה על מצור ואצפה לראות מה ידבר בי ומה אשיב על תוכחתיSelect Habakkuk 2:1

2ויענני יהוה ויאמר כתב חזון ובאר על הלחות—למען ירוץ קורא בוSelect Habakkuk 2:2

3כי עוד חזון למועד ויפח לקץ ולא יכזב אם יתמהמה חכה לו—כי בא יבא לא יאחרSelect Habakkuk 2:3

4הנה עפלה לא ישרה נפשו בו וצדיק באמונתו יחיהSelect Habakkuk 2:4

5ואף כי היין בגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמיםSelect Habakkuk 2:5

6הלוא אלה כלם עליו משל ישאו ומליצה חידות לו ויאמר הוי המרבה לא לו—עד מתי ומכביד עליו עבטיטSelect Habakkuk 2:6

7הלוא פתע יקומו נשכיך ויקצו מזעזעיך והיית למשסות למוSelect Habakkuk 2:7

8כי אתה שלות גוים רבים ישלוך כל יתר עמים מדמי אדם וחמס ארץ קריה וכל ישבי בהSelect Habakkuk 2:8

9הוי בצע בצע רע—לביתו לשום במרום קנו להנצל מכף רעSelect Habakkuk 2:9

10יעצת בשת לביתך קצות עמים רבים וחוטא נפשךSelect Habakkuk 2:10

11כי אבן מקיר תזעק וכפיס מעץ יעננהSelect Habakkuk 2:11

12הוי בנה עיר בדמים וכונן קריה בעולהSelect Habakkuk 2:12

13הלוא הנה מאת יהוה צבאות וייגעו עמים בדי אש ולאמים בדי ריק יעפוSelect Habakkuk 2:13

14כי תמלא הארץ לדעת את כבוד יהוה כמים יכסו על יםSelect Habakkuk 2:14

15הוי משקה רעהו מספח חמתך ואף שכר—למען הביט על מעוריהםSelect Habakkuk 2:15

16שבעת קלון מכבוד שתה גם אתה והערל תסוב עליך כוס ימין יהוה וקיקלון על כבודךSelect Habakkuk 2:16

17כי חמס לבנון יכסך ושד בהמות יחיתן מדמי אדם וחמס ארץ קריה וכל ישבי בהSelect Habakkuk 2:17

18מה הועיל פסל כי פסלו יצרו—מסכה ומורה שקר כי בטח יצר יצרו עליו לעשות אלילים אלמיםSelect Habakkuk 2:18

19הוי אמר לעץ הקיצה עורי לאבן דומם הוא יורה—הנה הוא תפוש זהב וכסף וכל רוח אין בקרבוSelect Habakkuk 2:19

20ויהוה בהיכל קדשו הס מפניו כל הארץSelect Habakkuk 2:20