4Hosea 4

1שמעו דבר יהוה בני ישראל כי ריב ליהוה עם יושבי הארץ—כי אין אמת ואין חסד ואין דעת אלהים בארץSelect Hosea 4:1

2אלה וכחש ורצח וגנב ונאף פרצו ודמים בדמים נגעוSelect Hosea 4:2

3על כן תאבל הארץ ואמלל כל יושב בה בחית השדה ובעוף השמים וגם דגי הים יאספוSelect Hosea 4:3

4אך איש אל ירב ואל יוכח איש ועמך כמריבי כהןSelect Hosea 4:4

5וכשלת היום וכשל גם נביא עמך לילה ודמיתי אמךSelect Hosea 4:5

6נדמו עמי מבלי הדעת כי אתה הדעת מאסת ואמאסאך (ואמאסך) מכהן לי ותשכח תורת אלהיך אשכח בניך גם אניSelect Hosea 4:6

7כרבם כן חטאו לי כבודם בקלון אמירSelect Hosea 4:7

8חטאת עמי יאכלו ואל עונם ישאו נפשוSelect Hosea 4:8

9והיה כעם ככהן ופקדתי עליו דרכיו ומעלליו אשיב לוSelect Hosea 4:9

10ואכלו ולא ישבעו הזנו ולא יפרצו כי את יהוה עזבו לשמרSelect Hosea 4:10

11זנות ויין ותירוש יקח לבSelect Hosea 4:11

12עמי בעצו ישאל ומקלו יגיד לו כי רוח זנונים התעה ויזנו מתחת אלהיהםSelect Hosea 4:12

13על ראשי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנהSelect Hosea 4:13

14לא אפקוד על בנותיכם כי תזנינה ועל כלותיכם כי תנאפנה—כי הם עם הזנות יפרדו ועם הקדשות יזבחו ועם לא יבין ילבטSelect Hosea 4:14

15אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוהSelect Hosea 4:15

16כי כפרה סררה סרר ישראל עתה ירעם יהוה ככבש במרחבSelect Hosea 4:16

17חבור עצבים אפרים הנח לוSelect Hosea 4:17

18סר סבאם הזנה הזנו אהבו הבו קלון מגניהSelect Hosea 4:18

19צרר רוח אותה בכנפיה ויבשו מזבחותםSelect Hosea 4:19