1 Kings 1
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1והמלך דוד זקן בא בימים ויכסהו בבגדים ולא יחם לוSelect 1 Kings 1:1
2ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלךSelect 1 Kings 1:2
3ויבקשו נערה יפה בכל גבול ישראל וימצאו את אבישג השונמית ויבאו אתה למלךSelect 1 Kings 1:3
4והנערה יפה עד מאד ותהי למלך סכנת ותשרתהו והמלך לא ידעהSelect 1 Kings 1:4
5ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניוSelect 1 Kings 1:5
6ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלוםSelect 1 Kings 1:6
7ויהיו דבריו—עם יואב בן צרויה ועם אביתר הכהן ויעזרו אחרי אדניהSelect 1 Kings 1:7
8וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד—לא היו עם אדניהוSelect 1 Kings 1:8
9ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלךSelect 1 Kings 1:9
10ואת נתן הנביא ובניהו ואת הגבורים ואת שלמה אחיו—לא קראSelect 1 Kings 1:10
11ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידעSelect 1 Kings 1:11
12ועתה לכי איעצך נא עצה ומלטי את נפשך ואת נפש בנך שלמהSelect 1 Kings 1:12
13לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהוSelect 1 Kings 1:13
14הנה עודך מדברת שם—עם המלך ואני אבוא אחריך ומלאתי את דבריךSelect 1 Kings 1:14
15ותבא בת שבע אל המלך החדרה והמלך זקן מאד ואבישג השונמית משרת את המלךSelect 1 Kings 1:15
16ותקד בת שבע ותשתחו למלך ויאמר המלך מה לךSelect 1 Kings 1:16
17ותאמר לו אדני אתה נשבעת ביהוה אלהיך לאמתך כי שלמה בנך ימלך אחרי והוא ישב על כסאיSelect 1 Kings 1:17
18ועתה הנה אדניה מלך ועתה אדני המלך לא ידעתSelect 1 Kings 1:18
19ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קראSelect 1 Kings 1:19
20ואתה אדני המלך עיני כל ישראל עליך להגיד להם—מי ישב על כסא אדני המלך אחריוSelect 1 Kings 1:20
21והיה כשכב אדני המלך עם אבתיו והייתי אני ובני שלמה—חטאיםSelect 1 Kings 1:21
22והנה עודנה מדברת עם המלך ונתן הנביא באSelect 1 Kings 1:22
23ויגידו למלך לאמר הנה נתן הנביא ויבא לפני המלך וישתחו למלך על אפיו ארצהSelect 1 Kings 1:23
24ויאמר נתן אדני המלך אתה אמרת אדניהו ימלך אחרי והוא ישב על כסאיSelect 1 Kings 1:24
25כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהוSelect 1 Kings 1:25
26ולי אני עבדך ולצדק הכהן ולבניהו בן יהוידע ולשלמה עבדך—לא קראSelect 1 Kings 1:26
27אם מאת אדני המלך נהיה הדבר הזה ולא הודעת את עבדיך (עבדך) מי ישב על כסא אדני המלך אחריוSelect 1 Kings 1:27
28ויען המלך דוד ויאמר קראו לי לבת שבע ותבא לפני המלך ותעמד לפני המלךSelect 1 Kings 1:28
29וישבע המלך ויאמר חי יהוה אשר פדה את נפשי מכל צרהSelect 1 Kings 1:29
30כי כאשר נשבעתי לך ביהוה אלהי ישראל לאמר כי שלמה בנך ימלך אחרי והוא ישב על כסאי תחתי כי כן אעשה היום הזהSelect 1 Kings 1:30
31ותקד בת שבע אפים ארץ ותשתחו למלך ותאמר—יחי אדני המלך דוד לעלםSelect 1 Kings 1:31
32ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלךSelect 1 Kings 1:32
33ויאמר המלך להם קחו עמכם את עבדי אדניכם והרכבתם את שלמה בני על הפרדה אשר לי והורדתם אתו אל גחוןSelect 1 Kings 1:33
34ומשח אתו שם צדוק הכהן ונתן הנביא למלך—על ישראל ותקעתם בשופר ואמרתם יחי המלך שלמהSelect 1 Kings 1:34
35ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודהSelect 1 Kings 1:35
36ויען בניהו בן יהוידע את המלך ויאמר אמן כן יאמר יהוה אלהי אדני המלךSelect 1 Kings 1:36
37כאשר היה יהוה עם אדני המלך כן יהי (יהיה) עם שלמה ויגדל את כסאו מכסא אדני המלך דודSelect 1 Kings 1:37
38וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחוןSelect 1 Kings 1:38
39ויקח צדוק הכהן את קרן השמן מן האהל וימשח את שלמה ויתקעו בשופר ויאמרו כל העם יחי המלך שלמהSelect 1 Kings 1:39
40ויעלו כל העם אחריו והעם מחללים בחללים ושמחים שמחה גדולה ותבקע הארץ בקולםSelect 1 Kings 1:40
41וישמע אדניהו וכל הקראים אשר אתו והם כלו לאכל וישמע יואב את קול השופר ויאמר מדוע קול הקריה הומהSelect 1 Kings 1:41
42עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשרSelect 1 Kings 1:42
43ויען יונתן ויאמר לאדניהו אבל אדנינו המלך דוד המליך את שלמהSelect 1 Kings 1:43
44וישלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלךSelect 1 Kings 1:44
45וימשחו אתו צדוק הכהן ונתן הנביא למלך בגחון ויעלו משם שמחים ותהם הקריה הוא הקול אשר שמעתםSelect 1 Kings 1:45
46וגם ישב שלמה על כסא המלוכהSelect 1 Kings 1:46
47וגם באו עבדי המלך לברך את אדנינו המלך דוד לאמר ייטב אלהיך (אלהים) את שם שלמה משמך ויגדל את כסאו מכסאך וישתחו המלך על המשכבSelect 1 Kings 1:47
48וגם ככה אמר המלך ברוך יהוה אלהי ישראל אשר נתן היום ישב על כסאי—ועיני ראותSelect 1 Kings 1:48
49ויחרדו ויקמו כל הקראים אשר לאדניהו וילכו איש לדרכוSelect 1 Kings 1:49
50ואדניהו ירא מפני שלמה ויקם וילך ויחזק בקרנות המזבחSelect 1 Kings 1:50
51ויגד לשלמה לאמר הנה אדניהו ירא את המלך שלמה והנה אחז בקרנות המזבח לאמר ישבע לי כיום המלך שלמה אם ימית את עבדו בחרבSelect 1 Kings 1:51
52ויאמר שלמה—אם יהיה לבן חיל לא יפל משערתו ארצה ואם רעה תמצא בו ומתSelect 1 Kings 1:52
53וישלח המלך שלמה ויורדהו מעל המזבח ויבא וישתחו למלך שלמה ויאמר לו שלמה לך לביתךSelect 1 Kings 1:53
Aleppo Codex (ALEPPO). Public domain. Text from the CrossWire Bible Society module. About this translation