1 Kings 11
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1והמלך שלמה אהב נשים נכריות רבות—ואת בת פרעה מואביות עמניות אדמית צדנית חתיתSelect 1 Kings 11:1
2מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם—בהם דבק שלמה לאהבהSelect 1 Kings 11:2
3ויהי לו נשים שרות שבע מאות ופלגשים שלש מאות ויטו נשיו את לבוSelect 1 Kings 11:3
4ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביוSelect 1 Kings 11:4
5וילך שלמה—אחרי עשתרת אלהי צדנים ואחרי מלכם שקץ עמניםSelect 1 Kings 11:5
6ויעש שלמה הרע בעיני יהוה ולא מלא אחרי יהוה כדוד אביוSelect 1 Kings 11:6
7אז יבנה שלמה במה לכמוש שקץ מואב בהר אשר על פני ירושלם ולמלך שקץ בני עמוןSelect 1 Kings 11:7
8וכן עשה לכל נשיו הנכריות מקטירות ומזבחות לאלהיהןSelect 1 Kings 11:8
9ויתאנף יהוה בשלמה כי נטה לבבו מעם יהוה אלהי ישראל הנראה אליו פעמיםSelect 1 Kings 11:9
10וצוה אליו על הדבר הזה לבלתי לכת אחרי אלהים אחרים ולא שמר את אשר צוה יהוהSelect 1 Kings 11:10
11ויאמר יהוה לשלמה יען אשר היתה זאת עמך ולא שמרת בריתי וחקתי אשר צויתי עליך—קרע אקרע את הממלכה מעליך ונתתיה לעבדךSelect 1 Kings 11:11
12אך בימיך לא אעשנה למען דוד אביך מיד בנך אקרענהSelect 1 Kings 11:12
13רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתיSelect 1 Kings 11:13
14ויקם יהוה שטן לשלמה את הדד האדמי מזרע המלך הוא באדוםSelect 1 Kings 11:14
15ויהי בהיות דוד את אדום בעלות יואב שר הצבא לקבר את החללים ויך כל זכר באדוםSelect 1 Kings 11:15
16כי ששת חדשים ישב שם יואב וכל ישראל עד הכרית כל זכר באדוםSelect 1 Kings 11:16
17ויברח אדד הוא ואנשים אדמיים מעבדי אביו אתו—לבוא מצרים והדד נער קטןSelect 1 Kings 11:17
18ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לוSelect 1 Kings 11:18
19וימצא הדד חן בעיני פרעה מאד ויתן לו אשה את אחות אשתו אחות תחפניס הגבירהSelect 1 Kings 11:19
20ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעהSelect 1 Kings 11:20
21והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארציSelect 1 Kings 11:21
22ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחניSelect 1 Kings 11:22
23ויקם אלהים לו שטן את רזון בן אלידע אשר ברח מאת הדדעזר מלך צובה—אדניוSelect 1 Kings 11:23
24ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשקSelect 1 Kings 11:24
25ויהי שטן לישראל כל ימי שלמה ואת הרעה אשר הדד ויקץ בישראל וימלך על ארםSelect 1 Kings 11:25
26וירבעם בן נבט אפרתי מן הצרדה ושם אמו צרועה אשה אלמנה עבד לשלמה וירם יד במלךSelect 1 Kings 11:26
27וזה הדבר אשר הרים יד במלך שלמה בנה את המלוא—סגר את פרץ עיר דוד אביוSelect 1 Kings 11:27
28והאיש ירבעם גבור חיל וירא שלמה את הנער כי עשה מלאכה הוא ויפקד אתו לכל סבל בית יוסףSelect 1 Kings 11:28
29ויהי בעת ההיא וירבעם יצא מירושלם וימצא אתו אחיה השילני הנביא בדרך והוא מתכסה בשלמה חדשה ושניהם לבדם בשדהSelect 1 Kings 11:29
30ויתפש אחיה בשלמה החדשה אשר עליו ויקרעה—שנים עשר קרעיםSelect 1 Kings 11:30
31ויאמר לירבעם קח לך עשרה קרעים כי כה אמר יהוה אלהי ישראל הנני קרע את הממלכה מיד שלמה ונתתי לך את עשרה השבטיםSelect 1 Kings 11:31
32והשבט האחד יהיה לו—למען עבדי דוד ולמען ירושלם העיר אשר בחרתי בה מכל שבטי ישראלSelect 1 Kings 11:32
33יען אשר עזבוני וישתחוו לעשתרת אלהי צדנין לכמוש אלהי מואב ולמלכם אלהי בני עמון ולא הלכו בדרכי לעשות הישר בעיני וחקתי ומשפטי—כדוד אביוSelect 1 Kings 11:33
34ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתיSelect 1 Kings 11:34
35ולקחתי המלוכה מיד בנו ונתתיה לך את עשרת השבטיםSelect 1 Kings 11:35
36ולבנו אתן שבט אחד—למען היות ניר לדויד עבדי כל הימים לפני בירושלם העיר אשר בחרתי לי לשום שמי שםSelect 1 Kings 11:36
37ואתך אקח—ומלכת בכל אשר תאוה נפשך והיית מלך על ישראלSelect 1 Kings 11:37
38והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי—והייתי עמך ובניתי לך בית נאמן כאשר בניתי לדוד ונתתי לך את ישראלSelect 1 Kings 11:38
39ואענה את זרע דוד למען זאת—אך לא כל הימיםSelect 1 Kings 11:39
40ויבקש שלמה להמית את ירבעם ויקם ירבעם ויברח מצרים אל שישק מלך מצרים ויהי במצרים עד מות שלמהSelect 1 Kings 11:40
41ויתר דברי שלמה וכל אשר עשה וחכמתו—הלוא הם כתבים על ספר דברי שלמהSelect 1 Kings 11:41
42והימים אשר מלך שלמה בירושלם על כל ישראל—ארבעים שנהSelect 1 Kings 11:42
43וישכב שלמה עם אבתיו ויקבר בעיר דוד אביו וימלך רחבעם בנו תחתיוSelect 1 Kings 11:43
Aleppo Codex (ALEPPO). Public domain. Text from the CrossWire Bible Society module. About this translation