1 Kings 12
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1וילך רחבעם שכם כי שכם בא כל ישראל להמליך אתוSelect 1 Kings 12:1
2ויהי כשמע ירבעם בן נבט והוא עודנו במצרים אשר ברח מפני המלך שלמה וישב ירבעם במצריםSelect 1 Kings 12:2
3וישלחו ויקראו לו ויבאו (ויבא) ירבעם וכל קהל ישראל וידברו אל רחבעם לאמרSelect 1 Kings 12:3
4אביך הקשה את עלנו ואתה עתה הקל מעבדת אביך הקשה ומעלו הכבד אשר נתן עלינו—ונעבדךSelect 1 Kings 12:4
5ויאמר אליהם לכו עד שלשה ימים—ושובו אלי וילכו העםSelect 1 Kings 12:5
6ויועץ המלך רחבעם את הזקנים אשר היו עמדים את פני שלמה אביו בהיתו חי לאמר איך אתם נועצים להשיב את העם הזה דברSelect 1 Kings 12:6
7וידבר (וידברו) אליו לאמר אם היום תהיה עבד לעם הזה ועבדתם ועניתם ודברת אליהם דברים טובים—והיו לך עבדים כל הימיםSelect 1 Kings 12:7
8ויעזב את עצת הזקנים אשר יעצהו ויועץ את הילדים אשר גדלו אתו אשר העמדים לפניוSelect 1 Kings 12:8
9ויאמר אליהם מה אתם נועצים ונשיב דבר את העם הזה—אשר דברו אלי לאמר הקל מן העל אשר נתן אביך עלינוSelect 1 Kings 12:9
10וידברו אליו הילדים אשר גדלו אתו לאמר כה תאמר לעם הזה אשר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אביSelect 1 Kings 12:10
11ועתה אבי העמיס עליכם על כבד ואני אוסיף על עלכם אבי יסר אתכם בשוטים ואני איסר אתכם בעקרביםSelect 1 Kings 12:11
12ויבו ירבעם וכל העם אל רחבעם ביום השלישי כאשר דבר המלך לאמר שובו אלי ביום השלישיSelect 1 Kings 12:12
13ויען המלך את העם קשה ויעזב את עצת הזקנים אשר יעצהוSelect 1 Kings 12:13
14וידבר אליהם כעצת הילדים לאמר אבי הכביד את עלכם ואני אסיף על עלכם אבי יסר אתכם בשוטים ואני איסר אתכם בעקרביםSelect 1 Kings 12:14
15ולא שמע המלך אל העם כי היתה סבה מעם יהוה למען הקים את דברו אשר דבר יהוה ביד אחיה השילני אל ירבעם בן נבטSelect 1 Kings 12:15
16וירא כל ישראל כי לא שמע המלך אלהם וישבו העם את המלך דבר לאמר מה לנו חלק בדוד ולא נחלה בבן ישי לאהליך ישראל עתה ראה ביתך דוד וילך ישראל לאהליוSelect 1 Kings 12:16
17ובני ישראל הישבים בערי יהודה—וימלך עליהם רחבעםSelect 1 Kings 12:17
18וישלח המלך רחבעם את אדרם אשר על המס וירגמו כל ישראל בו אבן וימת והמלך רחבעם התאמץ לעלות במרכבה לנוס ירושלםSelect 1 Kings 12:18
19ויפשעו ישראל בבית דוד עד היום הזהSelect 1 Kings 12:19
20ויהי כשמע כל ישראל כי שב ירבעם וישלחו ויקראו אתו אל העדה וימליכו אתו על כל ישראל לא היה אחרי בית דוד זולתי שבט יהודה לבדוSelect 1 Kings 12:20
21ויבאו (ויבא) רחבעם ירושלם ויקהל את כל בית יהודה ואת שבט בנימן מאה ושמנים אלף בחור עשה מלחמה—להלחם עם בית ישראל להשיב את המלוכה לרחבעם בן שלמהSelect 1 Kings 12:21
22ויהי דבר האלהים אל שמעיה איש האלהים לאמרSelect 1 Kings 12:22
23אמר אל רחבעם בן שלמה מלך יהודה ואל כל בית יהודה ובנימין ויתר העם לאמרSelect 1 Kings 12:23
24כה אמר יהוה לא תעלו ולא תלחמון עם אחיכם בני ישראל שובו איש לביתו—כי מאתי נהיה הדבר הזה וישמעו את דבר יהוה וישבו ללכת כדבר יהוהSelect 1 Kings 12:24
25ויבן ירבעם את שכם בהר אפרים וישב בה ויצא משם ויבן את פנואלSelect 1 Kings 12:25
26ויאמר ירבעם בלבו עתה תשוב הממלכה לבית דודSelect 1 Kings 12:26
27אם יעלה העם הזה לעשות זבחים בבית יהוה בירושלם ושב לב העם הזה אל אדניהם אל רחבעם מלך יהודה והרגני ושבו אל רחבעם מלך יהודהSelect 1 Kings 12:27
28ויועץ המלך—ויעש שני עגלי זהב ויאמר אלהם רב לכם מעלות ירושלם—הנה אלהיך ישראל אשר העלוך מארץ מצריםSelect 1 Kings 12:28
29וישם את האחד בבית אל ואת האחד נתן בדןSelect 1 Kings 12:29
30ויהי הדבר הזה לחטאת וילכו העם לפני האחד עד דןSelect 1 Kings 12:30
31ויעש את בית במות ויעש כהנים מקצות העם אשר לא היו מבני לויSelect 1 Kings 12:31
32ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח—כן עשה בבית אל לזבח לעגלים אשר עשה והעמיד בבית אל את כהני הבמות אשר עשהSelect 1 Kings 12:32
33ויעל על המזבח אשר עשה בבית אל בחמשה עשר יום בחדש השמיני—בחדש אשר בדא מלבד (מלבו) ויעש חג לבני ישראל ויעל על המזבח להקטירSelect 1 Kings 12:33
Aleppo Codex (ALEPPO). Public domain. Text from the CrossWire Bible Society module. About this translation